scorecardresearch
Latest News

ബിഷപ്പ് വർഗീയ പരാമർശം നടത്തിയിട്ടില്ല, എംപിക്ക് സല്യൂട്ട് പാടില്ലെന്ന് സർക്കുലറുണ്ടോ:സുരേഷ് ഗോപി

എംപിക്ക് സല്യൂട്ട് പാടില്ലെന്ന് ഡിജിപിയുടെ സർക്കുലർ ഉണ്ടോയെന്നും ഉണ്ടെങ്കിൽ അദ്ദേഹം പറയട്ടെയെന്നും സുരേഷ് ഗോപി പറഞ്ഞു

Photo: Screen Grab

കോട്ടയം: പാല ബിഷപ്പിനെ പിന്തുണച്ച് സുരേഷ് ഗോപി എംപി. ബിഷപ്പ് വർഗീയ പരാമർശം നടത്തിയിട്ടില്ലെന്നും അദ്ദേഹം ഒരു മതത്തെയും പരാമർശിച്ചിട്ടില്ലെന്നും എംപി പറഞ്ഞു. ബിഷപ്പ് ജോസഫ് കല്ലറങ്ങാട്ടിനെ ബിഷപ്പ് ഹൗസിൽ എത്തി സന്ദർശിച്ച ശേഷമായിരുന്നു എംപിയുടെ പ്രതികരണം.

വിവിധ സാമൂഹിക വിഷയങ്ങൾ ബിഷപ്പുമായി സംസാരിച്ചു. രാഷ്ട്രീയക്കാരനായിട്ടല്ല ഒരു എംപി എന്ന നിലയിലാണ് സന്ദർശനം നടത്തിയതെന്ന് സുരേഷ് ഗോപി മാധ്യമങ്ങളോട് പറഞ്ഞു.

സല്യൂട്ട് വിവാദത്തിൽ രൂക്ഷമായ രീതിയിലായിരുന്നു എംപിയുടെ പ്രതികരണം. വിവാദമാക്കിയത് ആരാണ്? പൊലീസ് അസോസിയേഷന് പരാതിയുണ്ടെങ്കിൽ രാജ്യസഭാ ചെയർമാന് പരാതി നൽകട്ടെ. അസോസിയേഷൻ ഒരു ജനാധിപത്യ സംവിധാനമല്ല, അത് അവരുടെ ക്ഷേമത്തിന് മാത്രം. അത് വെച്ചു രാഷ്ട്രീയം കളിക്കരുത്. രാജ്യത്ത് ഒരു സംവിധാനമുണ്ട്, അത് പൊലീസ് അനുസരിച്ചേ പറ്റൂ. എംപിക്ക് സല്യൂട്ട് പാടില്ലെന്ന് ഡിജിപിയുടെ സർക്കുലർ ഉണ്ടോയെന്നും ഉണ്ടെങ്കിൽ അദ്ദേഹം പറയട്ടെയെന്നും സുരേഷ് ഗോപി പറഞ്ഞു.

Also read: “ഞാന്‍ എംപിയാണ്, മേയറല്ല;” എസ്ഐയെക്കൊണ്ട് സല്യൂട്ട് ചെയ്യിച്ച് സുരേഷ് ഗോപി

ഇന്നലെ സുരേഷ് ഗോപി എംപി ഒല്ലൂര്‍ പൊലീസ് സ്റ്റേഷനിലെ എസ്ഐയെ കൊണ്ട് സല്യൂട്ട് ചെയ്യിച്ചതിന്റെ വീഡിയോ പുറത്തുവരികയും അത് വിവദമാകുകയും ചെയ്തിരുന്നു. “ഞാന്‍ ഒരും എംപിയാണ്. ഒരു സല്യൂട്ട് ഒക്കെയാകാം, ചെയ്യണം. ആ ശീലങ്ങളൊന്നും മറക്കരുത്. ഞാന്‍ മേയറല്ല,” എന്ന് പറഞ്ഞു സല്യൂട്ട് ചെയ്യിക്കുന്ന ദൃശ്യങ്ങളാണ് പുറത്തുവന്നത്.

Stay updated with the latest news headlines and all the latest Kerala news download Indian Express Malayalam App.

Web Title: Suresh gopi mp supports pala bishop on narcotic jihad and respond to controversial salute

Best of Express