scorecardresearch

Latest News

175 മദ്യവിൽപ്പന ശാലകൾ ആരംഭിക്കാൻ ശുപാർശ സമർപ്പിച്ചതായി എക്സൈസ് കമ്മിഷണർ ഹൈക്കോടതിയിൽ

ബെവ്കോ മാനേജിങ്ങ ഡയറക്ടർ നിർദേശം സർക്കാരിന് കൈമാറിയതായും കമ്മീഷണർ വ്യക്തമാക്കി

liquor shops kerala, enhancement of liquor outlets, high court, HC on kerala government decision to open more liquor shops, bevco, facility in liquor shops kerala, HC on facility in liquor shops kerala, kerala news, latest news, news in malayalam, malayalam news, indian express malayalam, ie malayalam
എറണാകുളം ബാനർജി റോഡിലെ ബെവ്കോ ഔട്ട്‌ലെറ്റിനു മുന്നിലെ നീണ്ട ക്യൂ. ഫൊട്ടോ: നിതിൻ ആർ.കെ (ഫയൽ ചിത്രം)

കൊച്ചി: വിദേശ മദ്യഷോപ്പുകളിലെ തിരക്ക് കുറയ്ക്കുന്നതിന് സംസ്ഥാനത്ത് പുതുതായി 175 വിൽപ്പനശാലകൾ ആരംഭിക്കാൻ ശുപാർശ സമർപ്പിച്ചതായി എക്സൈസ് കമ്മിഷണർ ഹൈക്കോടതിയെ അറിയിച്ചു.

ബെവ്കോ മാനേജിങ് ഡയറക്ടർ നിർദേശം സർക്കാരിന് കൈമാറിയതായും കമ്മിഷണർ അറിയിച്ചു. എല്ലാ വിൽപനശാലകളിലും വാക്ക് ഇൻ കൗണ്ടറുകൾ ആരംഭിക്കാനാണു ശുപാർശ.

മദ്യ ഷോപ്പുകളിലെ തിരക്ക് കുറയ്ക്കുന്നതുമായി ബന്ധപ്പെട്ട കോടതിയലക്ഷ്യക്കേസിലാണ് കമ്മിഷണർ വിശദീകരണം നൽകിയത്.

കേരളത്തിൽ 1,13,000 പേർക്ക് ഒരു റീടെയിൽ ഷോപ്പ് വീതമാണുള്ളതെന്നും ആകെ 306 വിദേശ മദ്യ ഷോപ്പുകളാണുള്ളതെന്നും കമ്മിഷണർ അറിയിച്ചു. കടകളിൽ ക്യൂ ഒഴിവാക്കുന്നതിനുള്ള സൗകര്യങ്ങൾ ഒരുക്കാൻ ബെവ്കോക്കും കൺസ്യൂമർ ഫെഡിനും നിർദ്ദേശം നൽകിയതായും സത്യവാങ്മൂലത്തിൽ കമ്മിഷണർ അറിയിച്ചു.

Also Read: മുല്ലപ്പെരിയാർ: ബേബി ഡാം ബലപ്പെടുത്തണമെന്ന് കേന്ദ്രം; സർക്കാരിന് കത്തയച്ചു

Stay updated with the latest news headlines and all the latest Kerala news download Indian Express Malayalam App.

Web Title: Submitted recommendation to open 175 new liquor shops excise commissioner in kerala hc