Latest News

വർഗീയ പ്രചരണത്തിനു ഉപയോഗിക്കുന്നു; വിവാഹം കഴിക്കുന്നവരുടെ വിവരങ്ങൾ വെബ് സെെറ്റിൽ പ്രസിദ്ധീകരിക്കില്ല

വെബ് സെെറ്റിൽ പ്രസിദ്ധീകരിക്കുന്ന വിവരങ്ങൾ ദുരുപയോഗിക്കുന്നതായി ആരോപണമുയർന്ന സാഹചര്യത്തിൽ ഈ നടപടി നിർത്തിവയ്‌ക്കുന്നതായി മന്ത്രി അറിയിച്ചു

wedding, marriage
Indian Wedding Ceremony, Indian Marriage Photo

തിരുവനന്തപുരം: സംസ്ഥാനത്ത് പ്രത്യേക വിവാഹ നിയമപ്രകാരം വിവാഹ ഉദ്യോഗസ്ഥനു സമര്‍പ്പിക്കുന്ന വിവാഹ നോട്ടീസ് രജിസ്‌ട്രേഷന്‍ വകുപ്പിന്റെ വെബ്‌സെെറ്റിൽ പ്രസിദ്ധീകരിക്കുന്ന നടപടി നിര്‍ത്തിവയ്‌ക്കുന്നതിനു നിർദേശം.  പൊതുമരാമത്ത്, രജിസ്‌ട്രേഷൻ മന്ത്രി ജി.സുധാകരനാണ് സർക്കുലർ പുറത്തിറക്കിയത്. നോട്ടീസ് സബ് രജിസ്ട്രാര്‍ ഓഫീസിലെ നോട്ടീസ് ബോര്‍ഡില്‍ പ്രദര്‍ശിപ്പിക്കുന്നതിനും നിര്‍ദേശം നല്‍കിയിട്ടുണ്ട്.

1954ലെ പ്രത്യേക വിവാഹ നിയമപ്രകാരം വിവാഹിതരാകുവാന്‍ ആഗ്രഹിക്കുന്നവര്‍ നിയമാനുസരമുള്ള നോട്ടീസ് വിവാഹ ഓഫീസര്‍ക്ക് സമര്‍പ്പിക്കേണ്ടതാണ്. ഇപ്രകാരം ലഭിക്കുന്ന നോട്ടീസ് വിവാഹ നിയമത്തിന്റെ ബന്ധപ്പെട്ട വകുപ്പുകള്‍ പ്രകാരം ബന്ധപ്പെട്ട ഓഫീസുകളില്‍ പ്രധാനപ്പെട്ട സ്ഥലങ്ങളില്‍ പൊതുജനശ്രദ്ധയ്‌ക്കായും വിവാഹം സംബന്ധിച്ച് നിയമപരമായ എതിര്‍പ്പുണ്ടെങ്കില്‍ ആയത് സമര്‍പ്പിക്കുന്നതിനുമായി പ്രദര്‍ശിപ്പിക്കേണ്ടതാണ്.

Read Also: ലോക്ക്‌ഡൗണ്‍ ഉടനില്ല; മേഖലകൾ തിരിച്ച് നിയന്ത്രണമേർപ്പെടുത്താൻ സാധ്യത

2018ലെ പ്രത്യേക വിവാഹ നിയമത്തിന്റെ ചട്ടങ്ങളില്‍ ഭേദഗതി വരുത്തി അപേക്ഷകരുടെ ഫോട്ടോകള്‍ കൂടി ഉള്‍പ്പെടുത്തുന്നതിന് തീരുമാനിച്ചിരുന്നു. പ്രത്യേക നിയമപ്രകാരമുള്ള വിവാഹങ്ങള്‍ ഉള്‍പ്പെടെ രജിസ്‌ട്രേഷന്‍ വകുപ്പിലെ സേവനങ്ങള്‍ ഓണ്‍ലൈന്‍ സേവനങ്ങളായി മാറിയതോട് കൂടി ഫോട്ടോയും മേല്‍വിലാസവും സഹിതമുള്ള വിവാഹ നോട്ടീസുകള്‍ 2019 മുതല്‍ രജിസ്‌ട്രേഷന്‍ വകുപ്പിന്റെ വെബ്‌സൈറ്റില്‍ പ്രസിദ്ധീകരിച്ചു വരുന്നുണ്ട്.

എന്നാൽ, ഇത്തരത്തിൽ വെബ് സെെറ്റിൽ പ്രസിദ്ധീകരിക്കുന്ന വിവരങ്ങൾ ദുരുപയോഗിക്കുന്നതായി ആരോപണമുയർന്ന സാഹചര്യത്തിൽ ഈ നടപടി നിർത്തിവയ്‌ക്കുന്നതായി മന്ത്രി അറിയിച്ചു. വിവാഹം സംബന്ധിച്ച് നിയമപരമായ എതിര്‍പ്പുണ്ടെങ്കില്‍ ആയത് സമര്‍പ്പിക്കുന്നതിനുവേണ്ടിയാണ് നോട്ടീസ് വെബ് സെെറ്റിൽ പ്രസിദ്ധീകരിച്ചിരുന്നത്. പ്രത്യേക നിയമപ്രകാരമുള്ള വിവാഹങ്ങള്‍ ഉള്‍പ്പെടെ രജിസ്‌ട്രേഷന്‍ വകുപ്പിലെ സേവനങ്ങള്‍ ഓണ്‍ലൈന്‍ സേവനങ്ങളായി മാറിയതോട് കൂടി ഫോട്ടോയും മേല്‍വിലാസവും സഹിതമുള്ള വിവാഹ നോട്ടീസുകള്‍ 2019 മുതല്‍ രജിസ്‌ട്രേഷന്‍ വകുപ്പിന്റെ വെബ്‌സൈറ്റില്‍ പ്രസിദ്ധീകരിച്ചു വരുന്നുണ്ട്.

ഇങ്ങനെ പ്രസിദ്ധീകരിക്കുന്ന നോട്ടീസുകള്‍ വകുപ്പിന്റെ വെബ്‌ സൈറ്റില്‍ നിന്ന് ഡൗണ്‍ലോഡ് ചെയ്‌തു വര്‍ഗീയ പ്രചരണത്തിന് ഉപയോഗിക്കുന്നതായി പരാതികള്‍ ലഭിച്ചതിനെ തുടര്‍ന്നാണ് ഇപ്പോഴത്തെ നടപടിയെന്ന് ജി.സുധാകരന്‍ പറഞ്ഞു. ഇത്തരം ദുരുപയോഗങ്ങൾക്ക് ഇരയായ പലരും വെബ് സെെറ്റിൽ ചിത്രങ്ങൾ പ്രസിദ്ധീകരിക്കുന്നതിനെതിരെ മന്ത്രിക്ക് പരാതി നൽകിയിരുന്നു. ഇതിനു പിന്നാലെയാണ് സർക്കാഞ്ഞ നടപടി.

Web Title: Special marriage act kerala registration department

Next Story
ലോക്ക്‌ഡൗണ്‍ ഉടനില്ല; മേഖലകൾ തിരിച്ച് നിയന്ത്രണമേർപ്പെടുത്താൻ സാധ്യതlockdown, covid, ie malayalam
The moderation of comments is automated and not cleared manually by malayalam.indianexpress.com
Best of Express