കണ്ണൂർ: ഷുക്കൂർ വധക്കേസിൽ സിപിഎം കണ്ണൂർ ജില്ലാ സെക്രട്ടറി പി.ജയരാജനെതിരെ സിബിഐ കുറ്റപത്രം സമർപ്പിച്ചു. പി.ജയരാജനെതിരെ കൊലക്കുറ്റം ചുമത്തിയാണ് സിബിഐ തലശ്ശേരി കോടതിയിൽ കുറ്റപത്രം സമർപ്പിച്ചിരിക്കുന്നത്. കൊലക്കുറ്റത്തിന് പുറമെ ഗൂഢാലോചന കുറ്റവും ചുമത്തിയിട്ടുണ്ട്. 302, 120 ബി വകുപ്പുകള്‍ ചേര്‍ത്താണ് കുറ്റപത്രം നല്‍കിയത്. സിബിഐ നടത്തിയ തുടരന്വേഷണത്തിന്റെ ഭാഗമായാണ് പുതിയ വകുപ്പ് ചുമത്തിയത്.

നേരത്തെ കൊലപാതകം അറിഞ്ഞിട്ടും അത് തടയാന്‍ ശ്രമിച്ചില്ലെന്ന കുറ്റമായിരുന്നു പി ജയരാജനെതിരെ ചുമത്തിയിരുന്നത്. 2012 ഫെബ്രുവരി 12നായിരുന്നു ഷുക്കൂർ കൊലപാതകം. കേസിൽ 32-ാം പ്രതിയാണ് പി ജയരാജൻ.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook

.