Latest News
‘ഉണ്ടായത് പരാതിപ്പെടാത്തതിലുള്ള ആത്മരോഷം’; ഖേദം പ്രകടിപ്പിച്ച് ജോസഫൈന്‍
സ്വര്‍ണക്കടത്ത് കേസ്: ജുഡീഷ്യല്‍ കമ്മിഷനെതിരെ ഇഡി ഹൈക്കോടതിയില്‍
നിർബന്ധിച്ചുള്ള വാക്സിനേഷൻ മൗലികാവകാശങ്ങളുടെ ലംഘനം: മേഘാലയ ഹൈക്കോടതി
ജോസഫൈനെതിരെ ഇടത് ഇടങ്ങളിലും പ്രതിഷേധം ശക്തം; കണ്ടില്ലെന്നു നടിക്കാനാവാതെ സിപിഎം
ജമ്മു കശ്മീർ: തിരഞ്ഞെടുപ്പ് നടക്കാൻ മണ്ഡല പുനർനിർണയം വേഗത്തിലാകണമെന്ന് പ്രധാനമന്ത്രി
ഇസ്രായേല്‍ എംബസിക്കു സമീപത്തെ സ്‌ഫോടനം: ലഡാക്കില്‍നിന്നുള്ള നാല് വിദ്യാര്‍ഥികള്‍ അറസ്റ്റില്‍
യൂറോയിൽ കോവിഡ് ഡെൽറ്റ വകഭേദം റിപ്പോർട്ട് ചെയ്തു; കാണികളോട് പരിശോധന നടത്താൻ സർക്കാർ
ഗൂഗിളുമായി സഹകരിച്ചു ജിയോഫോൺ നെക്സ്റ്റ് വരുന്നു; പ്രഖ്യാപനവുമായി അംബാനി
സംസ്ഥാനത്ത് ഇന്ന് മുതല്‍ ലോക്ക്ഡൗണില്‍ കൂടുതല്‍ ഇളവുകള്‍
ഇന്ധനനിരക്ക് വര്‍ധിച്ചു; കേരളത്തില്‍ സെഞ്ച്വറി കടന്ന് പെട്രോള്‍ വില

ഹാരിസണ്‍ മലയാളം കേസ്: സര്‍ക്കാര്‍ പരാജയപ്പെട്ടത് ഗൗരവമായി പരിശോധിക്കണമെന്ന് വിഎസ്

ഹാരിസണ്‍ മലയാളം കേസിലെ വിധി നിരാശാജനകമാണെന്ന് വി.എസ്.അച്യുതാനന്ദന്‍

VS Achuthanandhan, Justice Chidambaresh speech, വി.എസ്.അച്യൂതാനന്ദൻ, ജസ്റ്റിസ് ചിദംബരേഷ്, ie malayalam, ഐഇ മലയാളം

തിരുവനന്തപുരം: ഹാരിസണ്‍ മലയാളം കേസിലെ വിധി നിരാശാജനകമാണെന്ന് വി.എസ്.അച്യുതാനന്ദന്‍.   ‘കേരളത്തിന്‍റെ ഭൂമി ഹാരിസണ്‍ അനധികൃതമായി കൈവശം വച്ചതാണെന്നും, ഭൂമി കൈമാറ്റത്തിനായി ചമച്ച ആധാരങ്ങള്‍ കൃത്രിമമാണെന്നും വിജിലന്‍സ് കണ്ടെത്തിയതാണ്.  1999 മുതല്‍ സര്‍ക്കാര്‍ ആറ് കമ്മീഷനുകളെ നിയോഗിച്ചിരുന്നു.   എല്ലാ കമ്മീഷനുകളും കണ്ടെത്തിയത് ഹാരിസണ്‍ കൈവശം വച്ചിരിക്കുന്നത് സര്‍ക്കാര്‍ ഭൂമിയാണെന്നും, അത് തിരിച്ചു പിടിക്കണമെന്നുമാണ്.  ഇത്തരം നിരവധി രേഖകളും തെളിവുകളുമുണ്ടായിട്ടും സര്‍ക്കാരിന്‍റെ കേസ് പരാജയപ്പെട്ടത് ഗൗരവമായി പരിശോധിക്കണം. 

എത്രയും പെട്ടെന്ന് സര്‍ക്കാര്‍ ഭൂമി തിരിച്ചുപിടിക്കാനുള്ള നടപടികള്‍ ആസൂത്രണം ചെയ്യണം.   കണ്ണന്‍ദേവന്‍ ആക്ട് പോലെ, ആവശ്യമെങ്കില്‍ അതിനായി നിയമനിര്‍മ്മാണം നടത്തുന്ന കാര്യവും ആലോചിക്കണം – വിഎസ് ആവശ്യപ്പെട്ടു. 

ഹാരിസൺ മലയാളം ലിമിറ്റഡ് കമ്പനിയുമായി ബന്ധപ്പെട്ട കേസില്‍ നടക്കുന്നത് സര്‍ക്കാരും കമ്പനിയും തമ്മിലുള്ള ഒത്തുകളിയെന്ന് മുന്‍ സ്‌പെഷല്‍ പ്ലീഡര്‍ സുശീലാ ഭട്ട് ആരോപിച്ചു രംഗത്തെത്തിയിട്ടുണ്ട്. “പതിറ്റാണ്ടുകളായി രാജ്യത്തെയും വ്യവസ്ഥിതിയേയും വഞ്ചിച്ചുകൊണ്ട് ഭൂമി കൈവശപ്പെടുത്തിയിരിക്കുന്ന കമ്പനിക്ക് അനായാസം സര്‍ക്കാരിനെ സ്വാധീനിക്കാനും. അവര്‍ക്ക് വേണ്ട കാര്യങ്ങള്‍ സാധിച്ചെടുക്കാനും കഴിയും. കഴിഞ്ഞ 60 വര്‍ഷമായ് അവര്‍ ചെയ്യുന്നത് ഇത് തന്നെയാണ്.” ഹാരിസൺ മലയാളം ലിമിറ്റഡ് കമ്പനിയുടെ ഭൂമി സർക്കാർ ഏറ്റെടുക്കുന്നത് റദ്ദാക്കികൊണ്ടുള്ള ഹൈക്കോടതി വിധിക്ക് ശേഷം ഇന്ത്യന്‍ എക്‌സ്പ്രസ് മലയാളത്തിനോട്‌ സംസാരിക്കുകയായിരുന്നു സുശീലാ ഭട്ട്.

“കഴിഞ്ഞ കുറെ പതിറ്റാണ്ടുകളായി രാജ്യത്തേയും വ്യവസ്ഥിതിയേയും വഞ്ചിച്ചുകൊണ്ട് ഭൂമി കൈവശം വയ്ക്കുന്നവരാണിവര്‍. സര്‍ക്കാരിനെ സ്വാധീനിക്കുകയെന്നത് അവര്‍ക്ക് വളരെ അനായാസമായ കാര്യമാണ്. 60 വര്‍ഷമായി നടക്കുന്നത് ഈ ഒത്തുകളിയാണ്. അത് തന്നെയാണ് ഇന്നും നടന്നത്,” സുശീലാ ഭട്ട് പറഞ്ഞു.

2016 ജൂലൈ പതിനാറിനാണ് സുശീലാ ഭട്ടിനെ റവന്യൂ സ്‌പെഷല്‍ പ്ലീഡര്‍ സ്ഥാനത്ത് നിന്നും മാറ്റുന്നത്. ഹാരിസണ്‍- ടാറ്റ അടക്കമുള്ള പല കേസുകളിലും സര്‍ക്കാരിന്റെ ഭാഗം വിജയിപ്പിച്ച അഭിഭാഷകയാണ് സുശീലാ ഭട്ട്.  കേസില്‍ നിന്നും സുശീലാ ഭട്ടിനെ  മാറ്റിയത് ഏറെ രാഷ്ട്രീയ വിവാദമായിരുന്നു.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Setback for kerala as hc rules in favour of plantation major vs urges for action

Next Story
ഡി സിനിമാസ് ഭൂമി കൈയ്യേറ്റം; വിജിലൻസ് അന്വേഷണത്തിനെതിരെ ദിലീപ് ഹൈക്കോടതിയിൽd cinemas, dileep
The moderation of comments is automated and not cleared manually by malayalam.indianexpress.com