യുപിഎ ഘടകകക്ഷിക്ക് പാലായില്‍ വിജയം; സെല്‍ഫ് ട്രോളുമായി ബല്‍റാം

സെല്‍ഫ് ട്രോളിലൂടെയാണ് ബല്‍റാം ഫെയ്സ്ബുക്കിൽ പോസ്റ്റിട്ടത്

കൊച്ചി:  പാലാ നിയമസഭാ മണ്ഡലത്തില്‍ വിജയിച്ച എല്‍ഡിഎഫ് സ്ഥാനാര്‍ഥി മാണി സി.കാപ്പനെ അഭിനന്ദിച്ച് കോണ്‍ഗ്രസ് നേതാവും തൃത്താല എംഎല്‍എയുമായ വി.ടി.ബല്‍റാം. ഫെയ്‌സ്ബുക്ക് പോസ്റ്റിലൂടെയാണ് വോട്ടെണ്ണല്‍ തീരും മുന്‍പു കാപ്പനെ ബൽറാം അഭിനന്ദിച്ചത്.

Read Also: പാലയുടെ രണ്ടാം മാണി; വിജയം ഉറപ്പിച്ച് മാണി സി.കാപ്പൻ

സെല്‍ഫ് ട്രോളിലൂടെയാണ് ബല്‍റാം പോസ്റ്റിട്ടത്. “യുപിഎ ഘടകകക്ഷി എന്‍സിപിക്ക് പാലാ മണ്ഡലത്തില്‍ വിജയം. നിയുക്ത എംഎല്‍എ മാണി സി.കാപ്പന് അഭിനന്ദനം” ഇതാണ് ബല്‍റാം ഫെയ്‌സ്ബുക്കില്‍ കുറിച്ചത്. ‘തല്‍ക്കാലം ഇങ്ങനെ പറഞ്ഞ് ആശ്വസിക്കട്ടെ’ എന്നും ബല്‍റാം ട്രോളി. സോണിയ ഗാന്ധിയും എന്‍സിപി അധ്യക്ഷന്‍ ശരദ് പവാറും ഒന്നിച്ചിരിക്കുന്ന ചിത്രം സഹിതമാണ് ബല്‍റാം ഫെയ്‌സ്ബുക്കില്‍ പോസ്റ്റിട്ടത്.

പാലായില്‍ ചരിത്ര വിജയമാണ് എല്‍ഡിഎഫ് സ്ഥാനാര്‍ഥി മാണി സി.കാപ്പന്‍ സ്വന്തമാക്കിയത്. ഇഞ്ചോടിഞ്ച് പോരാട്ടത്തില്‍ യുഡിഎഫ് സ്ഥാനാര്‍ഥി ടോം ജോസിനെയാണ് മാണി സി.കാപ്പന്‍ പരാജയപ്പെടുത്തിയത്. 2,943 വോട്ടിന്റെ ഭൂരിപക്ഷമാണ് കാപ്പൻ നേടിയത്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Self troll vt balram facebook post pala by election 2019

Next Story
മരട് ഫ്ളാറ്റ് ഉടമകൾക്ക് നാലാഴ്ചയ്ക്കുളളിൽ നഷ്ട പരിഹാരം നൽകണം, സർക്കാരിന് സുപ്രീം കോടതി നിർദേശംholy faith, maradu, ie malayalam
The moderation of comments is automated and not cleared manually by malayalam.indianexpress.com
Best of Express