സനൽകുമാർ ശശിധരന്‍റെ എസ് ദുർഗ ഐഎഫ്എഫ്കെയിൽ പ്രദർശിപ്പിക്കും

തിരുവനന്തപുരം: സനൽകുമാർ ശശിധരൻ സംവിധാനം ചെയ്ത എസ് ദുർഗ എന്ന ചിത്രം ഐഎഫ്എഫ്കെയിൽ പ്രദർശിപ്പിക്കും. മേളയിൽ എസ് ദുർഗയുടെ പ്രത്യേക പ്രദർശനം നടത്താൻ തീരുമാനിച്ചതായി കേരള ചലച്ചിത്ര അക്കാദമി ചെയർമാൻ കമൽ മാധ്യമങ്ങളോട് പ്രതികരിച്ചു. രാഷ്ട്രീയ പ്രതിരോധത്തിന് വേണ്ടിയാണ് എസ് ദുർഗ മേളയിൽ പ്രദർശിപ്പിക്കുന്നതെന്ന് കമൽ പ്രതികരിച്ചു. സനൽകുമാർ ശശിധരനുമായി ഇത് സംബന്ധിച്ച് ആശയ വിനിമയം നടത്തിയെന്നും അദ്ദേഹം സമ്മതം നൽകിയെന്നും കമൽ പറഞ്ഞു.

ഇതിനിടെ ഗോ​വ രാ​ജ്യാ​ന്ത​ര ഫി​ലിം ഫെ​സ്റ്റി​വ​ലി​ൽ എ​സ് ദു​ർ​ഗയുടെ പ്ര​ദ​ർ​ശനം വൈകുകയാണ്. തി​ങ്ക​ളാ​ഴ്ച ചേ​ർ​ന്ന ജൂ​റി യോ​ഗ​ത്തി​ലും ഇ​തു സം​ബ​ന്ധി​ച്ചു തീ​രു​മാ​ന​മാ​യി​ല്ല. ജൂ​റി അം​ഗ​ങ്ങ​ൾ വീ​ണ്ടും സി​നി​മ ക​ണ്ടി​രു​ന്നു. ഇ​തി​നു​ശേ​ഷം ജൂ​റി​യു​ടെ തീ​രു​മാ​നം കേ​ന്ദ്ര വാ​ർ​ത്താ​വി​ത​ര​ണ പ്ര​ക്ഷേ​പ​ണ വ​കു​പ്പു മ​ന്ത്രി സ്മൃ​തി ഇ​റാ​നി​യെ അ​റി​യി​ച്ചു. മ​ന്ത്രാ​ല​യം കോ​ട​തി​ക്ക് റി​പ്പോ​ർ​ട്ട് ന​ൽ​കു​മെ​ന്നും അ​തി​നു ശേ​ഷം ചി​ത്രം പ്ര​ദ​ർ​ശി​പ്പി​ക്കു​ന്ന​ത് സം​ബ​ന്ധി​ച്ച് അന്തിമ തീരുമാനം പറയാമെന്നും ജൂ​റി ചെ​യ​ർ​മാ​ൻ രാ​ഹു​ൽ റാ​വ​ലി​ന്‍റെ വി​ശ​ദീ​ക​ര​ണം.