ന്യൂഡൽഹി: ശബരിമല സ്ത്രീപ്രവേശന വിഷയത്തിൽ സുപ്രീം കോടതി റിവ്യു ഹർജി  പരിഗണിക്കുന്നത് തത്സമയം സംപ്രേഷണം ചെയ്യണമെന്ന് അയ്യപ്പ ഭക്തർ. അയ്യപ്പ ഭക്തരുടെ ദേശീയ അസോസിയേഷനാണ് ഈ ആവശ്യം ഉന്നയിച്ചിരിക്കുന്നത്.

നാഷണൽ അയ്യപ്പ ഡിവോട്ടീസ് അസോസിയേഷൻ-നാഡ ഇത് സംബന്ധിച്ച ഹർജി സുപ്രീം കോടതിയിൽ സമർപ്പിച്ചു.  സുപ്രീം കോടതിയുടെ അഞ്ചംഗ ഭരണഘടനാ ബെഞ്ചാണ് ശബരിമല അയ്യപ്പ ക്ഷേത്രത്തിൽ എല്ലാ പ്രായക്കാരായ സ്ത്രീകളെയും പ്രവേശിപ്പിക്കണമെന്ന വിധി പ്രസ്താവിച്ചത്. അഞ്ചംഗ ബെഞ്ചിൽ 4-1 ഭൂരിപക്ഷത്തിലായിരുന്നു വിധി

ഈ മാസം 22 ന് ചീഫ് ജസ്റ്റിസ് രഞ്ജന്‍ ഗൊഗോയി അധ്യക്ഷനായ അഞ്ചംഗ ഭരണഘടനാ ബഞ്ചാണ് പുനഃപരിശോധനാ ഹര്‍ജികള്‍ പരിഗണിക്കുന്നത്. തുറന്ന കോടതിയിൽ വാദം കേൾക്കുമെന്നാണ് ചീഫ് ജസ്റ്റിസ് നേരത്തെ തന്നെ ഉത്തരവിട്ടത്.  ജസ്റ്റിസുമാരായ ഡി.വൈ.ചന്ദ്രചൂഡ്, എഎൻ ഖാൻവീൽക്കര്‍, ഇന്ദുമൽഹോത്ര , റോഹിൻടൺ നരിമാൻ എന്നിവരാണ് ഭരണഘടനാ ബെഞ്ചിലെ മറ്റംഗങ്ങൾ.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook

.