Latest News
UEFA EURO 2020: കരുത്തന്മാരുടെ പോരാട്ടത്തില്‍ ഫ്രാന്‍സ്
സംസ്ഥാനത്ത് ലോക്ക്ഡൗണ് ഇളവുകള്‍ നാളെ മുതല്‍
സംസ്ഥാനത്ത് മഴ ശക്തം; ജലനിരപ്പ് ഉയരുന്ന പ്രദേശങ്ങളില്‍ ജാഗ്രതാ നിര്‍ദേശം
കോവിഡ് മരണങ്ങളില്‍ 21 ശതമാനവും തിരുവനന്തപുരത്ത്
രാജ്യത്ത് 62,224 പുതിയ കേസുകള്‍; 2,542 മരണം

ശബരിമല അക്രമം; അറസ്റ്റ് തുടരുന്നു; ഇതുവരെ പിടിയിലായത് 3701 പേർ

നിലയ്ക്കലിലും പമ്പയിലും നടന്ന അക്രമ സംഭവങ്ങളിൽ ദൃശ്യങ്ങൾ ഹാജരാക്കാൻ സർക്കാരിനോട് ഹൈക്കോടതി ആവശ്യപ്പെട്ടിട്ടുണ്ട്

sabarimala protest
നിലയ്ക്കലിൽ പ്രതിഷേധം അക്രമാസക്തമായപ്പോൾ പ്രതിഷേധക്കാരനെ അടിച്ചോടിക്കുന്ന പൊലീസ്

തിരുവനന്തപുരം: പ്രായഭേദമന്യേ സ്ത്രീകൾക്ക് ശബരിമലയിൽ പ്രവേശനം അനുവദിച്ചതിനെതിരെ നിലയ്ക്കലിലും പമ്പയിലും നടന്ന അക്രമ സംഭവങ്ങളിൽ അറസ്റ്റ് 3701 ആയി. ഇതുവരെ 543 കേസുകൾ രജിസ്റ്റർ ചെയ്തു.

നിരോധനാജ്ഞ ലംഘിക്കൽ, പൊതുമുതൽ നശിപ്പിക്കൽ, പൊലീസിനെ ആക്രമിക്കൽ തുടങ്ങി പ്രധാന വകുപ്പുകളും ഉപവകുപ്പുകളും അടക്കം ഗുരുതരമായ കുറ്റങ്ങളാണ് ചുമത്തിയിരിക്കുന്നത്. അതേസമയം ഇനിയും അക്രമം നടക്കാനുളള സാധ്യത മുന്നിൽ കണ്ട് നാളെ അർദ്ധരാത്രി മുതൽ ശബരിമലയുടെ 30 കിലോമീറ്റർ ചുറ്റളവിൽ നിരോധനാജ്ഞ പുറപ്പെടുവിച്ചിട്ടുണ്ട്. നിലയ്ക്കൽ, പമ്പ, ഇലവുങ്കൽ, സന്നിധാനം എന്നിവിടങ്ങളിലാണ് നിരോധനാജ്ഞ. നാളെ അർദ്ധരാത്രി മുതൽ നവംബർ ആറിന് അർദ്ധരാത്രി വരെയാണ് നിരോധനാജ്ഞ.

നിലയ്ക്കലിലും പമ്പയിലും നടന്ന അക്രമ സംഭവങ്ങളിൽ ദൃശ്യങ്ങൾ ഹാജരാക്കാൻ സർക്കാരിനോട് ഹൈക്കോടതി നിർദേശിച്ചു. അക്രമ സംഭവങ്ങളുമായി ബന്ധപ്പെട്ട് അറസ്റ്റിലായ അഭിഭാഷകന്റെ ജാമ്യാപേക്ഷ പരിഗണിച്ചപ്പോഴാണ് കോടതി ഇത്തരത്തിലൊരു ആവശ്യം മുന്നോട്ട് വച്ചത്.

സംഘർഷ സമയത്ത് സ്ഥലത്തുണ്ടായിരുന്ന ദൃശ്യമാധ്യമങ്ങളോട് ദൃശ്യങ്ങൾ കൈമാറാൻ ആവശ്യപ്പെട്ടതായി സർക്കാർ കോടതിയെ അറിയിച്ചു.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Sabarimala temple protest violence arrest count

Next Story
ശിവദാസന്റെ മരണം തുടയെല്ല് പൊട്ടി ചോര വാർന്ന്
The moderation of comments is automated and not cleared manually by malayalam.indianexpress.com