Latest News
കോവിഡ്: പ്രതിദിന കേസുകളിൽ മുന്നിൽ കേരളം
ലോക്ക്ഡൗൺ ഇളവുകൾ ആൾക്കൂട്ടങ്ങൾക്ക് ഇടയാകരുത്, കേന്ദ്രത്തിന്റെ മുന്നറിയിപ്പ്
പ്രവാസികള്‍ക്കു പുതുക്കിയ വാക്സിനേഷന്‍ സര്‍ട്ടിഫിക്കറ്റ് നാളെ മുതല്‍; ബാച്ച് നമ്പറും തിയതിയും ചേര്‍ക്കും
ന്യൂസിലൻഡിന് ടോസ്; ഇന്ത്യയെ ബാറ്റിങിനയച്ചു
ഇന്ത്യയുടെ മിൽഖ, മിൽഖയുടെ ഇന്ത്യ
സുധാകരന്റെ കത്തി പരാമര്‍ശം വേദനിപ്പിക്കുന്നത്, മാപ്പ് പറയണം: ഫ്രാന്‍സിസിന്റെ മകന്‍

ശബരിമല അറസ്റ്റ് 3,505; കേസ് 529; അക്രമികളിൽ കൂടുതൽ പേരുടെ ചിത്രം പുറത്ത്

കൊച്ചി റേഞ്ചിലാണ് ഏറ്റവും കൂടുതല്‍ പേര്‍ പിടിയിലായത്

കൊച്ചി: ശബരിമല സ്ത്രീപ്രവേശന വിഷയവുമായി ബന്ധപ്പെട്ട് നടന്ന അക്രമ സംഭവങ്ങളിൽ 210 പേരുടെ കൂടി ചിത്രം പൊലീസ് പുറത്തുവിട്ടു. ഗുരുതര കുറ്റങ്ങൾ ചെയ്തവരുടെ ചിത്രങ്ങളാണ് പൊലീസ് പുറത്തുവിട്ടിരിക്കുന്നത്. 210 പേരുടെ ചിത്രം പുറത്തുവിട്ട് നേരത്തെയും അക്രമികളെ കണ്ടെത്താൻ പൊലീസ് ശ്രമിച്ചിരുന്നു.

210 പേരുടെ ചിത്രങ്ങൾ കൂടി പുറത്തുവിട്ടതോടെ ആകെ 630 പേരുടെ ഫോട്ടോ പൊലീസ് പുറത്ത് വിട്ടു. എല്ലാ ജില്ലാ പൊലീസ് മേധാവികള്‍ക്കും ചിത്രങ്ങളും അയച്ചു കൊടുത്തിട്ടുണ്ട്. അതേസമയം സംസ്ഥാനത്താകമാനം അക്രമ സംഭവങ്ങളിൽ അറസ്റ്റിലായവരുടെ എണ്ണം 3,505 ആയി.

ആകെ 529 കേസുകളാണ് ചുമത്തിയിരിക്കുന്നത്. അറസ്റ്റിലായവരിൽ 122 പേരെ പൊലീസ് റിമാന്റ് ചെയ്തു. ശേഷിച്ചവരെ സ്റ്റേഷൻ ജാമ്യത്തിൽ വിട്ടയച്ചു. പൊതുമുതൽ നശിപ്പിച്ചതും, സ്ത്രീകളെ ആക്രമിച്ചതുമായ കേസുകളിൽ കുറ്റക്കാരെന്ന് പൊലീസ് കണ്ടെത്തിയവരെയാണ് റിമാന്റ് ചെയ്തിരിക്കുന്നത്.

കൊച്ചി റേഞ്ചിലാണ് ഏറ്റവും കൂടുതല്‍ പേര്‍ പിടിയിലായത്. നിലയ്ക്കൽ, പമ്പ എന്നിവിടങ്ങളിൽ നടന്ന സംഘർഷത്തിൽ ഇരുന്നൂറിലേറെ പേരാണ് അറസ്റ്റിലായത്. കോട്ടയം, എറണാകുളം, പാലക്കാട് ജില്ലകളിൽ നിന്നുളളവരാണ് അധികവും.

അതേസമയം ഇന്നും സംഘർഷവുമായി ബന്ധപ്പെട്ട് പൊലീസ് ഉന്നതതല യോഗം വിളിച്ചിട്ടുണ്ട്. നവംബർ അഞ്ചിന് ക്ഷേത്ര നട തുറക്കേണ്ട സാഹചര്യത്തിൽ സ്ഥിതിഗതികൾ ഒന്നുകൂടി വിലയിരുത്താനാണ് ശ്രമം.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Sabarimala temple protest arrest cout 3505 cases registered 529 more photos released

Next Story
അമിത് ഷാ ദേശീയ രാഷ്ട്രീയ ഗുണ്ട, സർക്കാരിനെ താഴെയിടാൻ തടിമാത്രം പോര: ജി.സുധാകരൻ
The moderation of comments is automated and not cleared manually by malayalam.indianexpress.com