Latest News
സംസ്ഥാനത്ത് ലോക്ക്ഡൗണ്‍ ഇളവുകള്‍ ഇന്ന് മുതല്‍ തുടരും
രാജ്യത്തിന് ആശ്വാസം; 90 ശതമാനം ജില്ലകളിലും കേസുകള്‍ കുറയുന്നു
പുതിയ വാക്സിന്‍ നയം പ്രാബല്യത്തില്‍; 18 വയസിന് മുകളില്‍ ഉള്ളവര്‍ക്ക് സൗജന്യം
ഇന്‍ജുറി ടൈമില്‍ ഗോള്‍; ഇക്വഡോറിനെ സമനിലയില്‍ തളച്ച് വെനസ്വേല
മഹാമാരിക്കാലത്ത് യോഗയ്ക്ക് പ്രസ്ക്തിയേറെ: പ്രാധാനമന്ത്രി
രാജ്യത്ത് 53,256 പുതിയ കേസുകള്‍; 1,422 മരണം

ശബരിമല ക്ഷേത്രത്തിന്റെ പേര് മാറ്റിയ വിജ്ഞാപനം പിൻവലിച്ചു

വിജ്ഞാപനം പിൻവലിച്ചതോടെ ‘ശബരിമല ശ്രീധർമ്മശാസ്താ ക്ഷേത്രം’ എന്ന പേരിൽ ക്ഷേത്രം അറിയപ്പെടും

sabarimala
Sabarimala Temple Opening Live Updates:

പത്തനംതിട്ട: ശബരിമല ക്ഷേത്രത്തിന്റെ പേര് മാറ്റാൻ കഴിഞ്ഞ ബോർഡ് പുറപ്പെടുവിച്ച വിജ്ഞാപനം പിൻവച്ചു. ദേവസ്വം ബോർഡ് യോഗത്തിലാണ് ഇതുസംബന്ധിച്ച തീരുമാനമെടുത്തത്. ‘ശബരിമല ശ്രീധർമ്മശാസ്താ ക്ഷേത്രം’ എന്ന പേരാണ് കഴിഞ്ഞ ബോർഡിന്റെ കാലത്ത് ‘ശബരിമല അയ്യപ്പ സ്വാമി ക്ഷേത്രം’ എന്നു മാറ്റി വിജ്ഞാപനം പുറപ്പെടുവിച്ചത്. വിജ്ഞാപനം പിൻവലിച്ചതോടെ ‘ശബരിമല ശ്രീധർമ്മശാസ്താ ക്ഷേത്രം’ എന്ന പേരിൽ ക്ഷേത്രം അറിയപ്പെടും.

ശബരിമലയിലെ സ്ത്രീപ്രവേശനവുമായി ബന്ധപ്പെട്ട കേസ് സുപ്രീംകോടതിയുടെ പരിഗണനയ്ക്ക് വന്നപ്പോഴാണ് കഴിഞ്ഞ ബോർഡ് ക്ഷേത്രത്തിന്റെ പേര് മാറ്റി വിജ്ഞാപനം പുറപ്പെടുവിച്ചത്. അയ്യപ്പസ്വാമി ശ്രീധർമശാസ്താവിൽ വിലയം പ്രാപിച്ചതാണ്, അതിനാൽ അയ്യപ്പ സ്വാമി ക്ഷേത്രം എന്നതാണ് ശരിയായ പേര്. മാത്രമല്ല ശബരിമല അയ്യപ്പ സ്വാമി ക്ഷേത്രം എന്ന ഒരു ക്ഷേത്രം മാത്രമേയുളളൂ. എന്നാൽ ധർമ്മശാസ്താ ക്ഷേത്രം എന്ന പേരിൽ സംസ്ഥാനത്തും ഇന്ത്യയിലെ വിവിധ സ്ഥലങ്ങളിലും ക്ഷേത്രമുണ്ട്. അതുകൂടി കണക്കിലെടുത്താണ് ‘ശബരിമല അയ്യപ്പ സ്വാമി ക്ഷേത്രം’ എന്ന പേര് സ്വീകരിച്ചതെന്നായിരുന്നു പേര് മാറ്റാനുളള കാരണമായി ബോർഡ് പറഞ്ഞത്. ഇതുസംബന്ധിച്ച വിജ്ഞാപനം അന്നുതന്നെ പുറപ്പെടുവിക്കുകയും ചെയ്തു.

നൂറ്റാണ്ടുകളായി നിലനിൽക്കുന്ന ശബരിമല ശ്രീധർമ്മശാസ്താ ക്ഷേത്രം എന്ന പേര് തന്നെ വീണ്ടും ഉപയോഗിക്കാൻ തീരുമാനിച്ചതായി ഇന്നലെ തിരുവിതാംകൂർ ദേവസ്വം ബോർഡ് പ്രസിഡന്റ് വ്യക്തമാക്കിയിരുന്നു.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Sabarimala name change notification withdraw

Next Story
സുരേഷ് ഗോപിയെ അറസ്റ്റ് ചെയ്യുന്നത് വീണ്ടും തടഞ്ഞുSuresh Gopi, BJP
The moderation of comments is automated and not cleared manually by malayalam.indianexpress.com
Best of Express