തിരുവനന്തപുരം: കെ.പി. ശശികലയെ അറസ്റ്റു ചെയ്തതിൽ പ്രതിഷേധിച്ച് ഹിന്ദു ഐക്യവേദിയും ശബരിമല കർമസമിതിയും ആഹ്വാനം ചെയ്ത ഹര്‍ത്താലിന് ബിജെപി പിന്തുണ പ്രഖ്യാപിച്ചു. കെഎസ്ആര്‍ടിസിയുടെ സര്‍വീസ് പലയിടത്തും നിര്‍ത്തിവെച്ചു. പുലര്‍ച്ചയോടെ പ്രഖ്യാപിച്ച ഹര്‍ത്താലില്‍ ജനങ്ങള്‍ വലഞ്ഞു.
ബാലരാമപുരത്ത് കെഎസ്ആർടിസി ബസിനുനേരെ കല്ലേറുണ്ടായി. കല്ലേറിൽ ബസിന്റെ ചില്ലുകൾ തകർന്നു. ശനിയാഴ്ച രാവിലെയായിരുന്നു സംഭവം. ഇത് കാരണം സുരക്ഷ ഇല്ലാതെ വണ്ടി ഓടേണ്ടെന്ന് കെഎസ്ആര്‍ടിസി നിര്‍ദേശത്തെ തുടര്‍ന്ന് തിരുവനന്തപുരത്ത് സര്‍വീസ് നിര്‍ത്തി. സംസ്ഥാനത്ത് ഭാഗികമായി സര്‍വീസ് നിര്‍ത്തിവെച്ചു.
ശബരിമലയിലേക്കു പോകാനായി എത്തിയ ശശികലയെ മരക്കൂട്ടത്തുവച്ച് പോലീസ് തടഞ്ഞിരുന്നു. തുടര്‍ന്ന് തിരിച്ച് പോകാന്‍ കൂട്ടാക്കാതിരുന്ന ഇവരെ പൊലീസ് അറസ്റ്റ് ചെയ്തു. ഇതില്‍ പ്രതിഷേധിച്ചാണ് ഹര്‍ത്താല്‍.
Get Malayalam News and latest news update from India and around the world. Stay updated with today's latest Kerala news in Malayalam at Indian Expresss Malayalam.
ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ
