തിരുവനന്തപുരം: ശബരിമലയില്‍ പ്രതിഷേധം നടത്തുന്നവര്‍ക്ക് അയ്യപ്പദോഷം ഉണ്ടാകുമെന്ന് മന്ത്രി ഇ.പി.ജയരാജന്‍. അവര്‍ ചെയ്യുന്നത് മഹാപാപമാണ്. അവര്‍ക്ക് നാശമുണ്ടാകുമെന്നും ജയരാജന്‍ പറഞ്ഞു.

പ്രതിഷേധക്കാര്‍ ചെയ്യുന്നത് ശരിയല്ലെന്നും ഈ ഹീനകൃത്യത്തില്‍ നിന്ന് അവര്‍ പിന്മാറണമെന്നും ജയരാജന്‍ കൂട്ടിച്ചേര്‍ത്തു. ശബരിമലയില്‍ യുവതികള്‍ പ്രവേശിക്കുന്നതുമായി ബന്ധപ്പെട്ട് നടക്കുന്ന പ്രതിഷേധ വാര്‍ത്തകളോട് പ്രതികരിക്കുകയായിരുന്നു മന്ത്രി. എല്ലാ ക്ഷേത്രങ്ങളേയും സംരക്ഷിക്കേണ്ട ചുമതല സര്‍ക്കാരിനുണ്ടെന്നും സര്‍ക്കാര്‍ ഇത് ചെയ്യുമെന്നും മന്ത്രി കൂട്ടിച്ചേര്‍ത്തു.

സുപ്രീംകോടതി വിധി ചരിത്രപരമാണെന്ന് കോണ്‍ഗ്രസ് ദേശീയ നേതൃത്വം തന്നെ വ്യക്തമാക്കിയിട്ടുള്ളതാണ്. കെ.സുധാകരന്‍ ഇപ്പോള്‍ നടത്തുന്ന ഉപവാസം വലിയ തമാശയാണ്. കോണ്‍ഗ്രസില്‍ ഓരോരുത്തര്‍ക്കും തോന്നുന്നത് ചെയ്യാമെന്ന സ്ഥിതിയാണെന്നും ജയരാജന്‍ പറഞ്ഞു.

Get Malayalam News and latest news update from India and around the world. Stay updated with today's latest Kerala news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ