പത്തനംതിട്ട : ശബരിമലയിൽ ഇന്ന് 17 പേർക്ക് കോവിഡ് സ്ഥിരീകരിച്ചു. 16 ദേവസ്വം ജീവനക്കാർക്കും ഒരു പൊലീസ് ഉദ്യോഗസ്ഥനുമാണ് കോവിഡ് സ്ഥിരീകരിച്ചത്. ജീവനക്കാർക്ക് നടത്തിയ റാപ്പിഡ് പരിശോധനയിലാണ് രോഗം സ്ഥിരീകരിച്ചത്. ശബരിമലയിൽ കഴിഞ്ഞ ദിവസമാണ് തീർത്ഥാടകരുടെ എണ്ണം വർധിപ്പിച്ചത്. ഇപ്പോൾ ശനി, ഞായർ ദിവസങ്ങളിൽ 3,000 പേർക്കും മറ്റ് ദിവസങ്ങളിൽ 2,000 പേർക്കുമാണ് തീർത്ഥാടനം നടത്താൻ അനുമതി. കോവിഡ് മാനദണ്ഡങ്ങൾ പാലിച്ചാണ് തീർത്ഥാടനം തുടരുന്നത്.

Read Also: അസാധാരണ ചുഴലിക്കാറ്റെന്ന് മുഖ്യമന്ത്രി; പ്രധാനമന്ത്രിയോട് സംസാരിച്ചു

അതേസമയം, പത്തനംതിട്ട ജില്ലക്ക് അതിതീവ്ര മഴക്കും ശക്തമായ കാറ്റിനുമുള്ള മുന്നറിയിപ്പുള്ളതിനാല്‍ ചുഴലിക്കാറ്റ് കടന്നുപോകുന്നത് വരെ ശബരിമല തീര്‍ത്ഥാടനത്തിന് നിയന്ത്രണം ഏര്‍പ്പെടുത്തേണ്ടി വരുമെന്ന് മുഖ്യമന്ത്രി അറിയിച്ചു. സ്ഥിതിഗതികള്‍ വിലയിരുത്തിക്കൊണ്ട് ഇത് സംബന്ധിച്ച് തീരുമാനങ്ങള്‍ എടുക്കാന്‍ പത്തനംതിട്ട ജില്ലാ ദുരന്ത നിവാരണ അതോറിറ്റിക്ക് നിര്‍ദേശം നല്‍കിയിട്ടുള്ളതായും മുഖ്യമന്ത്രി വ്യക്തമാക്കി.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook

.