Latest News
ബോക്സിങ്ങിൽ ഇന്ത്യയുടെ ലവ്‌ലിന ബോര്‍ഗോഹെയ്‌ന് വെങ്കലം

ആർഎസ്എസ് പ്രവർത്തകന്റെ കൊലപാതകം: ഗുരുവായൂരിൽ നിരോധനാജ്ഞ, ഹര്‍ത്താല്‍ പുരോഗമിക്കുന്നു

വാഹനങ്ങളെ ഹർത്താലിൽ നിന്ന് ഒഴിവാക്കിയിട്ടുണ്ട്

തൃശൂർ: ഗുരുവായൂരിൽ ആർഎസ്എസ് പ്രവർത്തകൻ വെട്ടേറ്റു മരിച്ച സംഭവത്തെത്തുടർന്ന് തൃശൂർ ജില്ലയിലെ മൂന്ന് പൊലീസ് സ്റ്റേഷൻ പരിധികളിൽ കലക്ടർ 144 പ്രഖ്യാപിച്ചു. ഗുരുവായൂർ, ഗുരുവായൂർ ടെംബിൾ, പാവറട്ടി തുടങ്ങിയ പൊലീസ് സ്റ്റേഷനുകളുടെ പരിധിയിലാണ് നിരോധനാജ്ഞ. ഇന്നും നാളെയുമാണ് നിരോധനാജ്ഞ.

കൊലപാതകത്തില്‍ പ്രതിഷേധിച്ച് രണ്ടു നിയോജക മണ്ഡലങ്ങളിൽ ബിജെപി ഹർത്താല്‍ പുരോഗമിക്കുകയാണ്. മണലൂർ, ഗുരുവായൂർ മണ്ഡലങ്ങളിലാണ് ഹർത്താൽ. രാവിലെ ആറ് മുതൽ വൈകിട്ട് ആറ് വരെയാണ് ഹർത്താൽ. വാഹനങ്ങളെ ഹർത്താലിൽ നിന്ന് ഒഴിവാക്കിയിട്ടുണ്ട്.

ഇന്നലെയാണ് നെന്മിനി സ്വദേശി ആനന്ദ് (28) കൊല്ലപ്പെട്ടത്. നാല് മാസം മുൻപ് സിപിഎം പ്രവർത്തകൻ ഫാസിലിനെ കൊലപ്പെടുത്തിയ കേസിലെ രണ്ടാം പ്രതിയാണ് ആനന്ദ്. കേസില്‍ ജാമ്യത്തില്‍ പുറത്തിറങ്ങിയതായിരുന്നു ആനന്ദ്.

ഉച്ചയ്ക്ക് ഒരു മണിയോടെയാണ് ആനന്ദിന് വെട്ടേറ്റത്. നാട്ടുകാര്‍ ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍​ രക്ഷിക്കാനായില്ല. ബൈക്കില്‍ സഞ്ചരിക്കുകയായിരുന്ന ആനന്ദിനേയും സുഹൃത്തിനേയും സ്വിഫ്റ്റ് കാറിലെത്തിയവര്‍ ഇടിച്ച് വീഴ്ത്തുകയായിരുന്നു. ഇതിന് ശേഷം വെട്ടിക്കൊലപ്പെടുത്തി.

കൊലപാതക രാഷ്ട്രീയം ഉപേക്ഷിക്കാൻ സിപിഎം തയ്യാറല്ലെന്നതിന്‍റെ തെളിവാണ് ഗുരുവായൂരിലെ ആനന്ദിന്‍റെ കൊലപാതകമെന്ന് ബിജെപി സംസ്ഥാന പ്രസിഡന്ര് കുമ്മനം രാജശേഖരൻ പറഞ്ഞു. മതതീവ്രവാദികൾ സിപിഎമ്മിന്‍റെ നേതൃത്വം ഏറ്റെടുത്തിരിക്കുകയാണെന്ന് കുമ്മനം ആരോപിച്ചു. ജിഹാദികളുമായി ഒളിഞ്ഞും തെളിഞ്ഞും സിപിഎം പുലർത്തുന്ന ബന്ധമാണ് കൊലപാതകങ്ങൾക്ക് കാരണം. ആനന്ദിന്‍റെ കൊലപാതകത്തിൽ പ്രതിഷേധിച്ച് തിങ്കളാഴ്ച പ്രതിഷേധ ദിനം ആചരിക്കും. സംസ്ഥാന വ്യാപകമായി പ്രതിഷേധ പ്രകടനങ്ങളും യോഗങ്ങളും സംഘടിപ്പിക്കുമെന്നും അദ്ദേഹം പറഞ്ഞു.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Rss workers murder 144 imposed in guruvayoor

Next Story
‘വളര്‍ത്തിയ പാര്‍ട്ടിക്ക് തിരുത്താനും അവകാശമുണ്ട്’; മറ്റുളളതെല്ലാം അടിസ്ഥാനരഹിതമെന്ന് പി ജയരാജനും സി പി എമ്മുംkathiroor manoj muder case, കതിരൂര്‍ മനോജ് വധക്കേസ്, p jayarajan, പി ജയരാജൻ, uapa, യുഎപിഎ, cbi, സിബിഐ, kerala high court, ഹൈക്കോടതി, cpm,സിപിഎം, bjp,ബിജെപി, rss, ആർഎസ്എസ്,  malayalam news, news malayalam, malayalam news, malayalam varthakal, മലയാളം വാര്‍ത്തകള്‍, today malayalam news, today news malayalam, todays malayalam news, malayalam today's news, ഇന്നത്തെ മലയാളം വാര്‍ത്തകള്‍, news in malayalam, വാര്‍ത്തകള്‍ മലയാളത്തില്‍, kerala news headlines, കേരള വാര്‍ത്തകള്‍, latest news, പുതിയ വാര്‍ത്തകള്‍, katest malayalam news, പുതിയ മലയാളം വാര്‍ത്തകള്‍, indian express malayalam, ഇന്ത്യന്‍ എക്‌സ്പ്രസ് മലയാളം, ie malayalam, ഐഇ മലയാളം
The moderation of comments is automated and not cleared manually by malayalam.indianexpress.com
Best of Express