മലപ്പുറത്ത് ആര്‍എസ്എസ് പ്രവര്‍ത്തകന് വെട്ടേറ്റു; പിന്നില്‍ എസ്ഡിപിഐയെന്ന് ആരോപണം

മലപ്പുറം: മഞ്ചേരി പയ്യനാട് ആര്‍എസ്എസ് പ്രവര്‍ത്തകന് വെട്ടേറ്റു. കൊച്ചോട്ട് സ്വദേശിയായ കറുത്തേടത്ത് അര്‍ജുനാണ് വെട്ടേറ്റത്. വീടിന് മുന്നിലുള്ള ബസ് സ്റ്റോപ്പിലിരിക്കുകയായിരുന്ന അര്‍ജുനെ ബൈക്കിലെത്തിയ സംഘം വെട്ടുകയായിരുന്നു.

ആക്രമണത്തിന് പിന്നില്‍ എസ്ഡിപിഐ ആണെന്ന് ബിജെപിയും ആര്‍എസ്എസും ആരോപിക്കുന്നു. ഈ മേഖലിയില്‍ ഹര്‍ത്താലിനിടെ ആര്‍എസ്എസ് പ്രവര്‍ത്തകരും എസ്ഡിപിഐ പ്രവര്‍ത്തകരും ഏറ്റുമുട്ടിയിരുന്നു.

അര്‍ജുനെ മെഡിക്കല്‍ കോളെജില്‍ പ്രവേശിപ്പിച്ചു. സ്ഥലത്ത് പൊലീസ് എത്തി പരിശോധന നടത്തി. അക്രമി സംഘമെത്തിയ ബൈക്കുകളില്‍ ഒന്ന് പ്രദേശത്ത് നിന്ന് പൊലീസിന് ലഭിച്ചിട്ടുണ്ട്.