തിരുവനന്തപുരം: സംസ്ഥാനത്തെ രണ്ട് ട്രെയിനുകളിലായി വൻ സ്വർണകവർച്ച. ചെന്നൈ-മംഗളൂരു സൂപ്പർഫാസ്റ്റിലും മലബാർ എകസ്പ്രസിലുമാണ് കവർച്ച നടന്നത്. ചെന്നൈ-മംഗളൂരു സൂപ്പർഫാസ്റ്റ് ട്രെയിനിൽനിന്ന് ചെന്നൈ സ്വദേശിയുടെ 15 ലക്ഷം രൂപ വിലമതിക്കുന്ന സ്വർണം നഷ്ടമായി. തിരുവനന്തപുരം-മംഗളൂരു മലബാർ എകസ്പ്രസിൽ നിന്ന് കവർച്ച ചെയ്യപ്പെട്ടത് കാഞ്ഞങ്ങാട് സ്വദേശിയായ 15 പവന്റെ സ്വർണമാണ്.
ചെന്നൈ-മംഗളൂരു സൂപ്പർഫാസ്റ്റ് ട്രെയിനിൽനിന്ന് സ്വർണം നഷ്ടമായ ചെന്നൈ സ്വദേശി പൊന്നിമാരന്‍ കോഴിക്കോട് റെയിൽവേ സിഐക്ക് പരാതി നൽകി. തിരുപ്പൂരിനും കോഴിക്കോടിനും ഇടയിലാണ് മോഷണം നടന്നതെന്നും രത്നവും 21 പവൻ സ്വർണവും പണവും കവർന്നുവെന്നും പരാതിയില്‍ പറയുന്നു.
തിരുവനന്തപുരം-മംഗളൂരു മലബാർ എകസ്പ്രസിൽനിന്ന് കാഞ്ഞങ്ങാട് സ്വദേശിയുടെ സ്വർണമാണ് മോഷ്ടിച്ചത്. മലബാർ എക്സ്പ്രസിൽ വടകര-മാഹി പരിസരത്തു വെച്ചും കവർച്ച നടന്നതായാണ് സംശയിക്കുന്നത്.
രണ്ട് സംഭവങ്ങളിലും ഇതുവരെയും ആരെയും പിടികൂടിയിട്ടില്ല. ഒരേ ദിശയിൽ സഞ്ചരിക്കുന്ന രണ്ട് ട്രെയിനുകളിലെ കവർച്ചക്ക് പിന്നിൽ ഒരേ സംഘമാണോയെന്നും പൊലീസ് സംശയിക്കുന്നുണ്ട്.
Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook
.
