ന്യൂഡൽഹി: വേമ്പനാട് കായൽ തീരത്ത് പാണാവളളിയിലുളള കാപിക്കോ റിസോർട്ട് പൊളിക്കണമെന്ന് സുപ്രീം കോടതി. തീരദേശപരിപാലന നിയമം ലംഘിച്ചതിനാണ് നടപടി. റിസോർട്ട് പൊളിക്കണമെന്ന കേരള ഹൈക്കോടതി ഉത്തരവിനെതിരേ കാപിക്കോ ഉടമകൾ നൽകിയ ഹർജി കോടതി തളളി. ജസ്റ്റിസ് വി. രാമസുബ്രഹ്മണ്യയുടേതാണ് ഉത്തരവ്.
2013 ൽ കായൽ കയ്യേറി നിർമിച്ച കാപിക്കോ റിസോർട്ട് പൊളിക്കണമെന്ന് കേരള ഹൈക്കോടതി ഉത്തരവിട്ടിരുന്നു. ഇതിനെതിരെ റിസോർട്ട് ഉടമകൾ സുപ്രീം കോടതിയെ സമീപിച്ചു. 2014 ൽ സുപ്രീം കോടതിയിൽനിന്നു റിസോർട്ട് പൊളിക്കുന്നതിന് താൽക്കാലിക സ്റ്റേ വാങ്ങി. തുടർന്നാണ് സംസ്ഥാന സർക്കാർ വീണ്ടും സുപ്രീം കോടതിയെ സമീപിച്ചത്. സംസ്ഥാന സർക്കാരും തീരദേശ പരിപാലന അതോറിറ്റിയും റിസോർട്ട് പൊളിക്കണമെന്ന നിലപാടാണ് സുപ്രീം കോടതിയിൽ സ്വീകരിച്ചത്.
Kerala News Live Updates: കളിയിക്കാവിള എഎസ്ഐയുടെ കൊലപാതകം: രണ്ട് പേര്‍ കസ്റ്റഡിയില്‍
വേമ്പനാട് കായൽ തീരത്തു തീരമേഖലാ നിയന്ത്രണ നിയമപ്രകാരമുളള വിലക്കു ലംഘിച്ച 625 കെട്ടിടങ്ങൾ ഉണ്ടെന്നാണ് തദ്ദേശ ഭരണ വകുപ്പ് ഹൈക്കോടതിയെ അറിയിച്ചത്. വേമ്പനാട് കായൽ സംരക്ഷണവുമായി ബന്ധപ്പെട്ടു ഹൈക്കോടതി സ്വമേധയാ പരിഗണിച്ച ഹർജിയിലാണ് ഇക്കാര്യം അധികൃതർ അറിയിച്ചത്.
Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook
.
