പൊലീസ് തലപ്പത്ത് മാറ്റം; ടി കെ വിനോദ് കുമാര്‍ വിജിലന്‍സ് മേധാവി, മനോജ് എബ്രഹാം ഇന്റലിജന്‍സില്‍

തിരുവനന്തപുരം: പൊലീസ് തലപ്പത്ത് അഴിച്ചുപണിയുമായി സര്‍ക്കാര്‍. ഡിജിപിയായി സ്ഥാനക്കയറ്റം ലഭിക്കുന്ന ടി കെ വിനോദ് കുമാറിന് വിജിലന്‍സ് ഡയറക്ടറായാണ് പുതിയ നിയമിച്ചുകൊണ്ട് ഉത്തരവിറങ്ങി. ഇതിനു പുറമെ മനോജ് എബ്രഹാമിനെയും ഇന്റലിജന്‍സ് മേധാവിയായി നിയമിച്ചു.

ജയില്‍ മേധാവിയായി ബല്‍റാം കുമാര്‍ ഉപാധ്യായയെ നിയമിച്ചു. തല്‍സ്ഥാനം വഹിച്ചിരുന്ന കെ പത്മകുമാറിന് ഫയര്‍ ഫോഴ്സിലേക്കാണ് മാറ്റം ലഭിച്ചിരിക്കുന്നത്. ഉത്തര മേഖല ഐജിയായി കൊച്ചി കമ്മിഷണറായിരുന്നു സേതുരാമനെ നിയമിച്ചു.

കൊച്ചി കമ്മിഷണറായിരുന്നു സേതുരാമന്റെ സ്ഥാനത്ത് എ അക്ബറിനെ നിയമിച്ചു. നേരത്തെ ഉത്തര മേഖല ഐജിയായിരുന്ന നീരജ് കുമാര്‍ ഗുപ്തക്ക് പൊലീസ് ആസ്ഥാനത്തിന്റെ ചുമതല നല്‍കി. എം ആര്‍ അജിത് കുമാറിന് പോലീസ് ബറ്റാലിയന്റെ അധിക ചുമതലയും നല്‍കിയിട്ടുണ്ട്.