തിരുവനന്തപുരം: വനിതാ മതിലിൽ പങ്കെടുക്കാത്തവർക്ക് വായ്‌പ നിഷേധിക്കുക, ട്രാൻസ്‌ഫർ ചെയ്യുക, ജോലി ഇല്ലാതാക്കുക, തുടങ്ങിയവയുടെ വിവരങ്ങൾ ശേഖരിച്ചു വരികയാണെന്നും, ഇക്കാര്യത്തെ നിയമപരമായും രാഷ്ട്രീയപരമായും നേരിടുമെന്നും പ്രതിപക്ഷ നേതാവ് രമേശ് ചെന്നിത്തല.

വനിതാ മതിൽ സർക്കാരിന്റെ പരിപാടിയല്ല. ഒരു രാഷ്ട്രീയപാർട്ടിയുടെ പരിപാടിയാണ്. മതിലിൽ കുടുംബശ്രീ പ്രവർത്തകരെയും സർക്കാർ ഉദ്യോഗസ്ഥരെയും ഭീഷണിപ്പെടുത്തി പങ്കെടുപ്പിക്കാൻ ശ്രമിക്കുന്നു. മതിലിൽ പങ്കെടുക്കാത്തതിന്റെ പേരിൽ സർക്കാർ ആരുടെയെങ്കിലും പേരിൽ നടപടിയെടുത്താൽ അതിനെ യുഡിഎഫ് നിയമപരമായി നേരിടുമെന്നും രമേശ് ചെന്നിത്തല പറഞ്ഞു.

വനിതാ മതിലിൽ കുട്ടികളെ പങ്കെടുപ്പിക്കരുതെന്ന് ഹൈക്കോടതിയുടെ വിധിയുണ്ട്. ഇതിനെതിരെ ബാലാവകാശ കമ്മീഷൻ പറഞ്ഞത് രാഷ്ട്രീയമാണ്. ഹൈക്കോടതിക്കെതിരെ പറഞ്ഞതിന്റെ പേരിൽ അധ്യക്ഷനെതിരെ നിയമ നടപടി സ്വീകരിക്കണം, വനിതാ മതിലിനായി ഭരണ സംവിധാനങ്ങളെ ദുരുപയോഗം ചെയ്യുകയാണ്. മതിലുമായി സഹകരിക്കാത്തവരുടെ വായ്പ നിഷേധിക്കുന്നതായ സംഭവങ്ങളുടെ കണക്കുകൾ ശേഖരിച്ചു വരികയാണെന്നും രമേശ് ചെന്നിത്തല പറഞ്ഞു.

Get Malayalam News and latest news update from India and around the world. Stay updated with today's latest Kerala news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ