തി​രു​വ​ന​ന്ത​പു​രം: തിരുവനന്തപുരം: പാറശ്ശാല കുന്നത്തുകാലില്‍ പാറമടയിലുണ്ടായ അപകടത്തില്‍ രണ്ട് പേർ മരിച്ചു. നിരവധി ആളുകളും വാഹനങ്ങളും കുടുങ്ങിക്കിടക്കുന്നു. വെള്ളിയാഴ്ച രാവിലെ പാറപൊട്ടിക്കുന്നതിനിടെ ഒരു ഭാഗത്തുനിന്ന് പാറക്കല്ലുകള്‍ ആളുകളുടെ മേല്‍ അടര്‍ന്നുവീഴുകയായിരുന്നു. തമിഴ്നാട് സേലം സ്വദേശി സതീഷും മറ്റൊരു തൊഴിലാളിയായ മാരായിക്കുളം സ്വദേശി ബിനിൽ കുമാർ എന്നിവരാണ് മരിച്ചത്.

ആറു പേര്‍ പാറക്കല്ലുകള്‍ക്കടിയില്‍ കുടുങ്ങിക്കിടക്കുകയാണെന്ന് സ്ഥിരീകരിക്കാത്ത റിപ്പോർട്ടുണ്ട്. ഇവരെ പുറത്തെടുക്കാന്‍ ശ്രമം തുടരുന്നു. നാല് പേരെ പരുക്കുകളോടെ തിരുവനന്തപുരം മെഡിക്കല്‍ കോളജ് ആശുപത്രിയിലേക്ക് കൊണ്ടുപോയി.

രാവിലെ ജോലി ആരംഭിക്കുന്ന സമയത്താണ് അപകടം. അതുകൊണ്ടുതന്നെ എത്രപേര്‍ ഇവിടെ ഉണ്ടായിരുന്നുവെന്ന് വ്യക്തമല്ല. കുന്നത്തുകാലില്‍ ഉള്‍പ്രദേശത്ത് പ്രവര്‍ത്തിക്കുന്ന ക്വാറിയാണിത്. ഇവിടേക്ക് ജനപ്രതിനിധികള്‍ അടക്കം എത്തിക്കൊണ്ടിരിക്കുകയാണ്.

കോട്ടയ്ക്കല്‍ സ്വദേശി അലോഷ്യസ് എന്നയാളുടെ പാറമടയിലാണ് അപകടം. ഈ പാറമടയെ കുറിച്ച് നേരത്തെ മുതല്‍ പരാതി ഉണ്ടായിരുന്നു. ലൈസന്‍സ് ഇല്ലാതെയാണ് പ്രവര്‍ത്തിച്ചിരുന്നതെന്നും ആക്ഷേപം ഉയര്‍ന്നിരുന്നു. പാറശ്ശാല മേഖലയില്‍ നിരവധി പാറമടകള്‍ പ്രവര്‍ത്തിക്കുന്നുണ്ട്.

Get Malayalam News and latest news update from India and around the world. Stay updated with today's latest Kerala news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ