തിരുവനന്തപുരം: കേരളത്തിന്റെ ഭരണ സിരാകേന്ദ്രമായ സെക്രട്ടേറിയേറ്റിൽ ജീവനക്കാരുടെ പഞ്ചിങ് നിർബന്ധമാക്കി. ജനുവരി ഒന്ന് മുതൽ പുതിയ തീരുമാനം നടപ്പിലാക്കാനാണ് സർക്കാർ ശ്രമിക്കുന്നത്. ഇതിന്റെ ഉത്തരവ് സെക്രട്ടേറിയേറ്റിലെ എല്ലാ വകുപ്പ് മേധാവികൾക്കും കൈമാറി.

ഇതിന് പുറമേ സെക്രട്ടേറിയേറ്റ് ജീവനക്കാർക്ക് തിരിച്ചറിയൽ കാർഡും നിർബന്ധമാക്കി. ഈ മാസം 15 ന് മുൻപ് എല്ലാവരും കാർഡ് കൈപ്പറ്റണം. പുറമേ കാണും വിധം കാർഡ് അണിയുകയും വേണം. പൊതുഭരണ വകുപ്പ് പ്രിൻസിപ്പൽ സെക്രട്ടറി ബിശ്വന്ത് സിൻഹയുടേതാണ് ഉത്തരവ്. ഇനി മുതൽ ഈ സംവിധാനം വഴി മാത്രമേ ഹാജർ രേഖപ്പെടുത്തുകയുള്ളൂവെന്നാണ് ഉത്തരവിൽ വ്യക്തമാക്കിയിരിക്കുന്നത്.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook

.