scorecardresearch
Latest News

പൾസർ സുനിയുടെ കസ്റ്റഡി കാലാവധി നീട്ടി; നുണപരിശോധന അപേക്ഷയുമായി പൊലീസ്

കൊച്ചി: നടിയെ തട്ടിക്കൊണ്ടുപോയ കേസിലെ മുഖ്യപ്രതി പൾസർ സുനിയുടെ കസ്റ്റഡി കാലാവധി അഞ്ച് ദിവസത്തേക്ക് നീട്ടി. കേസിൽ ഇയാളെ നുണപരിശോധന നടത്താനുള്ള ശ്രമത്തിലാണ് പൊലീസ്. ഇതിന് സമ്മതമല്ലെന്ന് പ്രതി കോടതിയിൽ മറുപടി നൽകി. നടിയെ തട്ടിക്കൊണ്ടു പോയ സംഭവത്തിൽ പൊലീസ് കടുത്ത സമ്മർദ്ദത്തിലാണ്. നടിയുടെ ദൃശ്യങ്ങൾ പകർത്തിയ ഫോണും മെമ്മറി കാർഡും കണ്ടെത്താനാകാത്തത് അന്വേഷണത്തെ പ്രതികൂലമായി ബാധിച്ചിട്ടുണ്ട്. പല തവണ ചോദ്യം ചെയ്തിട്ടും പൾസർ സുനി പൊലീസിനോട് പറഞ്ഞ കാര്യങ്ങൾ ആവർത്തിക്കുകയാണ്. ഇയാളുടെ മൊഴികൾ പൊലീസ് വിശ്വാസത്തിൽ […]

കൊച്ചി: നടിയെ തട്ടിക്കൊണ്ടുപോയ കേസിലെ മുഖ്യപ്രതി പൾസർ സുനിയുടെ കസ്റ്റഡി കാലാവധി അഞ്ച് ദിവസത്തേക്ക് നീട്ടി. കേസിൽ ഇയാളെ നുണപരിശോധന നടത്താനുള്ള ശ്രമത്തിലാണ് പൊലീസ്. ഇതിന് സമ്മതമല്ലെന്ന് പ്രതി കോടതിയിൽ മറുപടി നൽകി.

നടിയെ തട്ടിക്കൊണ്ടു പോയ സംഭവത്തിൽ പൊലീസ് കടുത്ത സമ്മർദ്ദത്തിലാണ്. നടിയുടെ ദൃശ്യങ്ങൾ പകർത്തിയ ഫോണും മെമ്മറി കാർഡും കണ്ടെത്താനാകാത്തത് അന്വേഷണത്തെ പ്രതികൂലമായി ബാധിച്ചിട്ടുണ്ട്. പല തവണ ചോദ്യം ചെയ്തിട്ടും പൾസർ സുനി പൊലീസിനോട് പറഞ്ഞ കാര്യങ്ങൾ ആവർത്തിക്കുകയാണ്. ഇയാളുടെ മൊഴികൾ പൊലീസ് വിശ്വാസത്തിൽ എടുത്തിട്ടില്ല.

ഇതേ തുടർന്നാണ് നുണപരിശോധനയിലൂടെ മൊബൈൽ ഫോണും മെമ്മറി കാർഡും കണ്ടെത്താനുള്ള ശ്രമം പൊലീസ് നടത്തിയത്. ഇത് കോടതിയിൽ പ്രതി എതിർത്തു. ഇയാളുടെ സമ്മതം ഇല്ലാതെ നുണ പരിശോധന നടത്താനാവില്ല. കേസിലെ നിർണ്ണായക വിവരങ്ങളാണ് ഇപ്പോഴും പൊലീസിന് കണ്ടെത്താനാകാത്തത്. ഈ സാഹചര്യത്തിൽ അന്വേഷണം തന്നെ വഴിമുട്ടിയ അവസ്ഥയാണ്. ഗൂഢാലോചന സംബന്ധിച്ചും പൾസർ സുനിയിൽ നിന്ന് വിവരങ്ങൾ ശേഖരിക്കാൻ പൊലീസിന് സാധിച്ചിട്ടില്ല.

കേസിലെ കണ്ടെത്തലുകൾ പ്രതികൾക്ക് ശിക്ഷ വാങ്ങിനൽകാൻ പര്യാപ്തമല്ലെന്നാണ് പൊലീസ് സേനയ്ക്ക് അകത്തെ ചർച്ചകൾ. പൊതു ജനാഭിപ്രായത്തെ തൃപ്തിപ്പെടുത്താൻ സാധിച്ചില്ലെങ്കിൽ സേനയ്ക്കും സർക്കാരിനും അത് ദുഷ്‌പേരാകുമെന്നും വിലയിരുത്തലുണ്ട്. ഈ ഘട്ടത്തിൽ അന്വേഷണ സംഘം കടുത്ത സമ്മർദ്ദത്തിലാണ്.

Stay updated with the latest news headlines and all the latest Kerala news download Indian Express Malayalam App.

Web Title: Pulsar suni under police custory for five more days court order

Best of Express