Latest News
കോവിഡ് മരണം 40 ലക്ഷം കടന്നു; കൂടുതല്‍ ഇന്ത്യ, അമേരിക്ക, ബ്രസീല്‍ രാജ്യങ്ങളില്‍
ഇന്ധനനിരക്ക് ഇന്നും കൂട്ടി; തിരുവനന്തപുരത്ത് പെട്രോള്‍ വില നൂറിലേക്ക്
കോപ്പയില്‍ ബ്രസീലിയന്‍ കോടുങ്കാറ്റ്; പെറുവിനെ തകര്‍ത്തു
കോവിഡിന്റെ ഡെല്‍റ്റ വകഭേദത്തിനുള്ള സ്പുട്നിക് വാക്സിന്‍ ഉടന്‍
രാജ്യത്ത് 62,480 പുതിയ കേസുകള്‍; 1,587 മരണം
കിവികളെ കീഴടക്കാന്‍ ഇന്ത്യ; ലോക ടെസ്റ്റ് ചാമ്പ്യന്‍ഷിപ്പ് ഫൈനലിന് ഇന്ന് തുടക്കം
സംവിധായകന്‍ സച്ചി ഓര്‍മയായിട്ട് ഒരു വര്‍ഷം

‘ഹിന്ദു ആയതുകൊണ്ടാണ് ദിലീപിനെ അറസ്റ്റ് ചെയ്തത്’; ദിലീപിന്റെ അറസ്റ്റും വർഗീയ വത്കരിച്ച് സംഘപരിവാർ

‘കേരള ചലചിത്ര മേഖല നിയന്ത്രിക്കുന്നത് കമ്മ്യൂണിസ്റ്റുകളാണ്. ഹിന്ദു നടന്‍ ദിലിപ് കേസിലേക്ക് വലിച്ചിഴക്കപ്പെടുകയാണ്’

Dileep

തിരുവനന്തപുരം: നടിയെ ആക്രമിച്ച കേസിലെ ഗൂഢാലോചനക്ക് പിന്നിലെ വൻ ശക്തികൾ പിടിയിലാകണമെന്ന് കേരളം ഒന്നടങ്കം ആഗ്രഹിച്ചതാണ്. ഒരു തരത്തിലുമുള്ള സമ്മർദ്ദങ്ങൾക്കും വഴങ്ങാതെ നടൻ ദിലീപിനെ കേരളാ പൊലീസ് അറസ്റ്റ് ചെയ്തപ്പോൾ അത് ഏവരും സ്വാഗതം ചെയ്യുകയും ചെയ്തു. എന്നാൽ ബലാത്സംഗം, ഗൂഢാലോചന കുറ്റങ്ങൾ ചുമത്തി ദിലീപനെ അറസ്റ്റ് ചെയ്തതിലും നവ മാധ്യമങ്ങളിലൂടെ വർഗീയത ഉണ്ടാക്കാൻ ശ്രമിക്കുകയാണ് സംഘപരിവാർ അനുകൂല അക്കൗണ്ടുകൾ.

നടിയെ ആക്രമിച്ച കേസില്‍ അറസ്റ്റിലായ നടന്‍ ദിലീപിനെ അറസ്റ്റ് ചെയ്തത് ഹിന്ദു ആയതുകൊണ്ടെന്ന പ്രചരണവുമായി സംഘപരിവാര്‍ രംഗത്ത് വന്നിരിക്കുന്നത്. പ്രത്യക്ഷത്തിൽ ദിലീപിനെതിരെ ബിജെപിയും മറ്റു സംഘപരിവാർ സംഘടനകളും പ്രതിഷേധങ്ങൾ നടത്തുമ്പോഴും സോഷ്യൽ മീഡിയകളിൽ വൻ തോതിൽ വിദ്യേഷ പ്രചാരണം നടത്താൻ സംഘപരിവാർ അനുകൂലികൾ ശ്രമിക്കുന്നുണ്ടെന്നാണ് ഇത് തെളിയിക്കുന്നത്. പ്രശസ്തത സംഘപരിവാർ ട്വിറ്റർ അക്കൗണ്ടായ ശംഖ്‌നാദിന്റെ കീഴിലുള്ള ശംഖ്‌നാദ്കേരള എന്ന ട്വിറ്റര്‍ ഐഡിയിലൂടെയാണ് ഹിന്ദു ആയതിന്റെ പേരില്‍ ദിലീപിനെ അറസ്റ്റ് ചെയ്തു എന്ന തരത്തിൽ പ്രചാരണം നടത്തുന്നത്.

28ന് ട്വീറ്റ് ചെയ്തിരിക്കുന്ന പോസ്റ്റില്‍ പറഞ്ഞിരിക്കുന്നത് ‘കേരള ചലചിത്ര മേഖല നിയന്ത്രിക്കുന്നത് കമ്മ്യൂണിസ്റ്റുകളാണ്. ഹിന്ദു നടന്‍ ദിലിപ് കേസിലേക്ക് വലിച്ചിഴക്കപ്പെടുകയാണ്’ എന്നാണ്. ഈ പോസ്റ്റില്‍ ആക്രമിക്കപ്പെട്ട നടിയുടെ പേരും വെളുപ്പെടുത്തിയിട്ടുണ്ട്. ഇന്ന് ഈ പോസ്റ്റ് റീട്വീറ്റ് ചെയ്ത് അന്ന് പ്രവചിച്ചത് ശരിയായെന്നും കേരളത്തിലും ബംഗാളിലും ഹിന്ദു അഭിനേതാക്കളെ ജയിലിലാക്കുമെന്നും പറയുന്നു.

കേരള ഫിലിം ഇൻഡസ്ട്രി കുറവാളികളാൽ നിയന്ത്രിക്കപ്പെടുകയാണെന്നും ക്വട്ടേഷൻ സംഘങ്ങളെ വെച്ച് ഇവർ ഹിന്ദു താരങ്ങളെ ലക്ഷ്യം വെക്കുകയാണെന്നും ഇവർ പോസ്റ്റ് ചെയ്യുന്നു.

ജിഷ വധക്കേസിൽ പ്രതിയെ മുസ്‌ലിമായതു കൊണ്ട് രക്ഷപ്പെടുത്തുകയാണെന്നും ഇവർ ആരോപിക്കുന്നു.

വര്‍ഗീയ വിഷം വമിക്കുന്ന നിരവധി പോസ്റ്റുകളാണ് ഈ അക്കൗണ്ടില്‍ നിന്നും വന്നുകൊണ്ടിരിക്കുന്നത്. കേരളത്തിലെ ജനങ്ങൾ ഇവരുടെ വാദങ്ങൾ തള്ളിക്കളയുമെങ്കിലും കേരളത്തിന് പുറത്ത് കേരളത്തെ മോശമായി ചിത്രീകരിക്കുകയാണ് ഇവരുടെ ലക്ഷ്യമെന്നത് വ്യക്തമാണ്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Pro sangh accounts spreading fake news that dileep was arrested as he is hindu

Next Story
ദിലീപ് പിടിയിലായതിൽ ഞെട്ടൽ: പരമാവധി ശിക്ഷ തന്നെ കിട്ടണം; ഇന്നസെന്റ്AMMA, അമ്മ, താര സംഘടന അമ്മ, Innocent, ഇന്നസെന്റ്, ചാലക്കുടി എംപി, Chalakkudi MP, Parliament member, പാർലമെന്റംഗം
The moderation of comments is automated and not cleared manually by malayalam.indianexpress.com