മാവേലിക്കര: വള്ളിക്കുന്നം പൊലീസ് സ്റ്റേഷനിലെ വനിതാ സിവില്‍ പൊലീസ് ഓഫീസര്‍ സൗമ്യ(32)യെ പെട്രോളൊഴിച്ച് തീകൊളുത്തി കൊലപ്പെടുത്തിയ കേസിലെ പ്രതി അജാസ് മരിച്ചു. ഗുരുതരമായി പൊളളലേറ്റ് ആലപ്പുഴ മെഡിക്കൽ കോളേജിൽ തീവ്രപരിചരണ വിഭാഗത്തിൽ ചികിത്സയിലായിരുന്ന അജാസ് ഇന്നു വൈകിട്ട് 5.30 ഓടെയായിരുന്നു മരിച്ചത്. സൗമ്യയെ പെട്രോളിച്ച് തീകൊളുത്തുന്നതിനിടയിലാണ് അജാസിനും ഗുരുതരമായി പൊളളലേറ്റത്.

Read More: ‘സൗമ്യയെ കൊന്ന് ആത്മഹത്യ ചെയ്യാനായിരുന്നു പദ്ധതി, പക്ഷെ…’; പ്രതി അജാസിന്റെ മൊഴി

വ​​ള്ളി​​കു​​ന്നം പൊലീ​​സ് സ്റ്റേ​​ഷ​​നി​​ലെ സി​​വി​​ൽ പൊ​​ലീ​​സ് ഓ​​ഫീ​​സ​​ർ സൗ​​മ്യ​​യെ പ്ര​​തി അ​​ജാ​​സ് വ​​ടി​​വാ​​ൾ ഉ​​പ​​യോ​​ഗി​​ച്ച് വെ​​ട്ടി​​വീ​​ഴ്ത്തി​​യ ശേ​​ഷം പെ​​ട്രോ​​ൾ ഒ​​ഴി​​ച്ച് ക​​ത്തി​​ച്ചാണ് കൊ​​ല​​പ്പെ​​ടു​​ത്തി​​യ​​ത്. ബ​​ഹ​​ളം കേ​​ട്ടെ​​ത്തി​​യ നാ​​ട്ടു​​കാ​​രാ​​ണ് ഇയാളെ പി​​ടി​​കൂ​​ടിയത്. വീ​​​ട് നി​​​ർ​​​മാ​​​ണ​​​ത്തി​​​നെ​​​ന്ന പേ​​​രി​​​ൽ അ​​​വ​​​ധി​​​യെ​​​ടു​​​ത്താ​​​ണ് അ​​​ജാ​​​സ് വ​​​ള്ളി​​​ക്കു​​​ന്ന​​​ത്ത് സൗ​​​മ്യ​​​യു​​​ടെ വീ​​​ടി​​​നു സ​​​മീ​​​പം വ​​​ച്ച് അ​​വ​​രെ കൊ​​​ല​​​പ്പെ​​​ടു​​​ത്തി​​​യ​​​ത്.

കേസിൽ പൊലീസ് അജാസിന്റെ മൊഴി രേഖപ്പെടുത്തിയിരുന്നു. തനിക്ക് സൗമ്യയോട് ഇഷ്ടമായിരുന്നുവെന്നും വിവാഹാഭ്യർഥന സൗമ്യ നിരസിച്ചതിനെ തുടര്‍ന്നാണ് കൊലപ്പെടുത്താന്‍ തീരുമാനിച്ചതെന്നും അജാസ് മൊഴി നൽകി. പെട്രോള്‍ ഉപയോഗിച്ച് സൗമ്യയെ തീകൊളുത്തി കൊലപ്പെടുത്തിയശേഷം ആത്മഹത്യ ചെയ്യാനായിരുന്നു തീരുമാനിച്ചതെന്നും ഇത് പാളിപ്പോയെന്നും അജാസ് പൊലീസിനോട് പറഞ്ഞു. താന്‍ ഒറ്റയ്ക്കാണ് കൃത്യം നിര്‍വഹിച്ചതെന്നും കൊലപാതകത്തില്‍ മറ്റാര്‍ക്കും പങ്കില്ലെന്നും പ്രതി മൊഴി നല്‍കി.

Read Also: കണ്ണും മൂക്കുമില്ലാത്ത സ്‌നേഹ’വെറി’; കേരളത്തെ ഞെട്ടിച്ച സംഭവങ്ങള്‍

‘കൊല ആസൂത്രണം ചെയ്ത് നടപ്പാക്കിയത് ഒറ്റയ്ക്കാണ്. മറ്റാര്‍ക്കും പങ്കില്ല. സൗമ്യയെ കൊന്ന ശേഷം ആത്മഹത്യ ചെയ്യാനായിരുന്നു കരുതിയത്. എന്നാല്‍ അതിന് സാധിച്ചില്ല. സൗമ്യയെ ഇഷ്ടമായിരുന്നു. പല തവണ വിവാഹാഭ്യർഥന നടത്തിയിട്ടും സൗമ്യ നിരസിച്ചു. ഇതിനിടയിലാണ് കടം വാങ്ങിയ പണം സൗമ്യ തിരികെ തരാന്‍ നോക്കിയത്. എന്നാല്‍ അത് വേണ്ടെന്ന് പറഞ്ഞ് താൻ തിരികെ നല്‍കിയതായും അജാസ് മൊഴി നല്‍കി.
വി​​വാ​​ഹാ​​ഭ്യ​​ർ​​ഥ​​ന​യ്​​ക്കു വ​​ഴ​​ങ്ങാ​​ത്ത​​തി​​നെ​​ത്തു​​ട​​ർ​​ന്ന് അ​​ജാ​​സ് വ​​ധ​​ഭീ​​ഷ​​ണി മു​​ഴ​​ക്കി​​യി​​രു​​ന്നെ​​ന്ന് സൗ​​മ്യ​​യു​​ടെ അ​​മ്മ​​യും മൊ​​ഴി നല്‍കിയിരുന്നു.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook

.