ശബരിമലയിലെ നിയന്ത്രണം ഭാഗികമായി നീക്കി; രണ്ട് ബാരിക്കേഡുകള്‍ നീക്കം ചെയ്തു

പ​ത്ത​നം​തി​ട്ട: ശ​ബ​രി​മ​ല​യി​ൽ പൊലീ​സ് ഏ​ർ​പ്പെ​ടു​ത്തി​യി​രു​ന്ന നി​യ​ന്ത്ര​ണ​ങ്ങ​ൾ ഭാ​ഗി​ക​മാ​യി നീ​ക്കി. വാ​വ​ര് ന​ട​യി​ലേ​യും വ​ട​ക്കേ ന​ട​യി​ലേ​യും ഓ​രോ ബാ​രി​ക്കേ​ഡു​ക​ൾ പൊലീസ് നീക്കം ചെയ്തു. ഹൈ​ക്കോ​ട​തി നി​ർ​ദേ​ശ​ത്തെ തു​ട​ർ​ന്നാ​ണ് ന​ട​പ​ടി​യെ​ന്നും പോ​ലീ​സ് വ്യ​ക്ത​മാ​ക്കി.

വാവര് നട, മഹാകാണിക്ക, ലോവർ തിരുമുറ്റം, വലിയ നടപ്പന്തൽ അടക്കമുള്ള സ്ഥലങ്ങളിലെ ബാരിക്കേഡ് അടക്കമുള്ള മുഴുവൻ നിയന്ത്രണങ്ങളും നീക്കാനാണ് ഹൈക്കോടതി ഉത്തരവിട്ടത്. ശബരിമല നിരീക്ഷണ സമിതിയുടെ റിപ്പോർട്ടിന്‍റെ അടിസ്ഥാനത്തിലാണ് ഹൈക്കോടതി ഉത്തരവ്. രാത്രി 11 മണിക്ക് ശേഷം തീർത്ഥാടകരെ തടയരുതെന്നും കെഎസ്ആർടിസി ടൂ വേ ടിക്കറ്റ് നിർബന്ധിക്കരുതെന്നും ഹൈക്കോടതി നിര്‍ദേശിച്ചു.

കോ​ട​തി ഉ​ത്ത​ര​വോ ഡി​ജി​പി​യു​ടെ നി​ർ​ദേ​ശ​മോ ല​ഭി​ച്ചെ​ങ്കി​ൽ മാ​ത്ര​മേ ശ​ബ​രി​മ​ല സ​ന്നി​ധാ​ന​ത്തു നി​ല​വി​ലു​ള്ള നി​യ​ന്ത്ര​ണ​ങ്ങ​ളി​ൽ മാ​റ്റം വ​രി​ക​യു​ള്ളൂ​വെ​ന്ന് പോ​ലീ​സ് സ്പെ​ഷ​ൽ ഓ​ഫീ​സ​ർ കോ​ഴി​ക്കോ​ട് റൂ​റ​ൽ എ​സ്പി ജി. ​ജ​യ​ദേ​വ് പ​റ​ഞ്ഞി​രു​ന്നു