Latest News
രാജ്യത്ത് 44,230 പേർക്ക് കോവിഡ്; 555 മരണം
ഹർഡിൽസിൽ ജാബിർ പുറത്ത്; ബോക്സിങ്ങിൽ മെഡലുറപ്പിച്ച് ലവ്ലിന ബോർഗോഹൈൻ
അമ്പെയ്ത്തിൽ ദീപിക കുമാരി ക്വാർട്ടറിൽ; സ്റ്റീപ്പിൾ ചേസിൽ ദേശിയ റെക്കോഡ് തിരുത്തി അവിനാശ് സാബ്ലെ
സാഹിത്യകാരന്‍ തോമസ് ജോസഫ് അന്തരിച്ചു

പൊലീസ് ക്യാമ്പിൽ നിന്ന് തിരകൾ കാണാതായ സംഭവം; പരാതി നൽകിയത് 22 വർഷങ്ങൾക്ക് ശേഷം

ക്യാമ്പിലെ വിവിധ കമ്പനികളിലെ ജീവനക്കാരായ പൊലീസുകാർ വെടിയുണ്ടകളും കാലിക്കേസുകളും പാഴായ തിരകളും സംബന്ധിച്ച വിവരങ്ങൾ രജിസ്റ്ററിൽ തിരിമറി നടത്തി മേലുദ്യോഗസ്ഥരെ തെറ്റിദ്ധരിപ്പിച്ചുവെന്ന് പരാതിയിൽ പറയുന്നു

bullet missing, kerala police, കേരള പൊലീസ്, വെടിയുണ്ട, കേരള വാർത്ത, ie malayalam, ഐഇ മലയാളം

കൊച്ചി: പേരുർക്കട സ്പെഷ്യൽ ആംഡ് പൊലീസ് ക്യാമ്പിൽ നിന്ന് എകെ- 47 തിരകൾ കാണാതായിട്ട് പൊലീസ് പരാതി നൽകിയത് 22 വർഷം കഴിഞ്ഞാണെന്ന് വിവരാവകാശ രേഖ. 1996 ജനുവരി ഒന്നു മുതൽ 2018 ഒക്ടോബർ 16 വരെയുള്ള കാലയളവിൽ എകെ – 47 തോക്ക് തിരകളുടെ സ്റ്റോക്ക് രജിസ്റ്ററിൽ കൃത്രിമം നടന്നന്നെന്ന പരാതി പ്രകാരം രജിസ്റ്റർ ചെയ്ത പ്രഥമ വിവര റിപോർട്ടിൽ പറയുന്നത്.

പേരൂർക്കട ക്യാമ്പിന്റെ ചുമതലയുള്ള കമാൻഡൻറ് സ്റ്റേഷനിൽ പരാതി നൽകിയത് 2019 ഏപ്രിൽ 3 നും. സ്റ്റേഷനിൽ 7.10 ന് വിവരം ലഭിച്ചുവെന്നാണ് പ്രഥമവിവര റിപ്പോർട്ടിൽ പറയുന്നത്. ക്യാമ്പിലെ ജീവനക്കാരായ ഗോപകുമാർ, അശോക് കുമാർ ,സനിൽകുമാർ, സതീഷ്കുമാർ, അനീഷ്, ലിയിഷാൻ, ബൽരാജ്, വിനോദ്, റജിബാലചന്ദ്രൻ, സുധീഷ് കുമാർ, സുരേഷ് കുമാർ എന്നി പൊലീസുകാരാണ് കേസിലെ പ്രതികൾ.

പ്രഥമ വിവര റിപ്പോർട്ട് കോടതിയിലേക്കയച്ച ശേഷം പിന്നിട് ഒരന്വേഷണവും ഉണ്ടായില്ലന്നാണ് സിബിഐ അന്വേഷണം ആവശ്യപ്പെട്ട് ഹൈക്കോടതിയിൽ സമർപ്പിച്ച ഹർജിയിലെ പ്രധാന ആരോപണം. ക്യാമ്പിലെ വിവിധ കമ്പനികളിലെ ജീവനക്കാരായ പൊലീസുകാർ വെടിയുണ്ടകളും കാലിക്കേസുകളും പാഴായ തിരകളും സംബന്ധിച്ച വിവരങ്ങൾ രജിസ്റ്ററിൽ തിരിമറി നടത്തി മേലുദ്യോഗസ്ഥരെ തെറ്റിദ്ധരിപ്പിച്ചുവെന്ന് പരാതിയിൽ പറയുന്നു.

വെടിയുണ്ടകൾ മാറ്റിയ ശേഷം വിവിധ കമ്പനികൾക്കയച്ചതായി കാണിച്ചാണ് തിരിമറി നടത്തിയത്. വഞ്ചന, രേഖയിൽ കൃത്രിമം കാണിക്കൽ തുടങ്ങിയ പ്രതികൾക്കെതിരെ കേസെടുത്തത് .

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Police files complaint only after 22 years of missing ak 47bullets

Next Story
അനധികൃത ഫ്ലക്സ് ബോർഡുകൾ മാറ്റാത്തവരിൽ നിന്ന് 10,000 രൂപ പിഴ ചുമത്താൻ ഉദ്ദേശിക്കുന്നതായി കോടതിflex, ie malayalam
The moderation of comments is automated and not cleared manually by malayalam.indianexpress.com