കൊച്ചി: വയനാട് ആദിവാസി പെൺകുട്ടിയെ കോൺഗ്രസ് നേതാവ് ബലാൽസംഗം ചെയ്തതായി പരാതി. പെൺകുട്ടിയുടെ പരാതിയില്‍ ബത്തേരി പഞ്ചായത്ത് മുന്‍ പ്രസിഡന്റും കോണ്‍ഗ്രസ് നേതാവുമായ ഒ.എം.ജോര്‍ജിനെതിരെ പോക്‌സോ കേസ് രജിസ്റ്റര്‍ ചെയ്തു. ഒന്നര വർഷത്തോളമായി ഇയാൾ പീഡിപ്പിച്ചുവെന്നാണ് പെൺകുട്ടിയുടെ മൊഴി.

ജോർജിന്റെ വീട്ടിൽ ജോലിക്കാരായിരുന്ന മാതാപിതാക്കൾക്കൊപ്പം പെൺകുട്ടിയും പോകാറുണ്ടായിരുന്നു. ഇത്തരത്തിൽ മാതാപിതാക്കൾ ഇല്ലാത്ത സമയങ്ങളിൽ പീഡനം നടന്നുവെന്നാണ് മൊഴിയിൽ പറയുന്നത്. കഴിഞ്ഞ ദിവസം പെൺകുട്ടി ആത്മഹത്യക്ക് ശ്രമിച്ചപ്പോഴാണ് പീഡന വിവരം വീട്ടുകാർ പോലും അറിയുന്നത്.

മാതാപിതാക്കൾ ചൈൾഡ്‍ ലൈൻ പ്രവർത്തകരെ വിവരമറിയിക്കുകയും അവർ വഴി പൊലീസ് കേസെടുക്കുകയുമായിരുന്നു. ആത്മഹത്യക്ക് ശ്രമിച്ച പെൺകുട്ടി ചൈൽഡ് ലൈൻ സംരക്ഷണത്തിലാണുള്ളത്.

Get Malayalam News and latest news update from India and around the world. Stay updated with today's latest Kerala news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ