Latest News

ഓഖി ദുരന്ത ബാധിതരെ സന്ദർശിക്കാൻ പ്രധാനമന്ത്രി നരേന്ദ്ര മോദി നാളെയെത്തും

കേരളത്തിനു പുറമേ തമിഴ്നാട്ടിലും ലക്ഷദ്വീപിലും മോദി സന്ദർശനം നടത്തും

kochi metro, കൊച്ചി മെട്രോ, kochi metro inauguration, കൊച്ചി മെട്രോ ഉദ്ഘാടനം, PM in Kochi, പ്രധാനമന്ത്രി കൊച്ചിയിൽ, PM will inaugurate kochi metro, പ്രധാനമന്ത്രി കൊച്ചി മെട്രോ ഉദ്ഘാടനം ചെയ്യും

തിരുവനന്തപുരം: പ്രധാനമന്ത്രി നരേന്ദ്ര മോദി നാളെ കേരളത്തിലെത്തും. കേരളത്തിനു പുറമേ തമിഴ്നാട്ടിലും ലക്ഷദ്വീപിലും മോദി സന്ദർശനം നടത്തും. തിരുവനന്തപുരം, കന്യാകുമാരി, കവരത്തി പ്രദേശങ്ങളിലെ ഓഖി ദുരന്തബാധിതരെ സന്ദർശിക്കുന്നതിനായാണ് മോദി കേരളത്തിലെത്തുന്നത്. പൂന്തുറയിലെ ദുരന്ത ബാധിതരെ മോദി നേരിട്ട് കാണും. ദുരിതാശ്വാസ പ്രവർത്തനങ്ങൾ അദ്ദേഹം വിലയിരുത്തും. ഉന്നത അധികാരികളുമായും രാഷ്ട്രീയ നേതാക്കളുമായും മോദി കൂടിക്കാഴ്ച നടത്തും.

നവംബർ 30 ന് വീശിയടിച്ച ഓഖി ചുഴലിക്കാറ്റിൽ 88 പേർക്കാണ് ജീവൻ നഷ്ടപ്പെട്ടത്. കേരളത്തിൽ 70 പേരും തമിഴ്നാട്ടിൽ 18 പേരു മരിച്ചതായാണ് കണക്കുകൾ. മൽസ്യബന്ധനത്തിന് പോയ നിരവധി പേരെ ഇനിയും കണ്ടെത്താനുണ്ടെന്നാണ് റിപ്പോർട്ടുകൾ

ഓഖി ദുരന്തത്തില്‍പ്പെട്ട കേരളത്തെ സഹായിക്കാന്‍ കേന്ദ്രം തയ്യാറാകുന്നില്ലെന്ന് ആക്ഷേമുയർന്നിരുന്നു. തമിഴ്‌നാട് മുഖ്യമന്ത്രിയെ ഫോണില്‍ വിളിച്ചെങ്കിലും കേരള മുഖ്യമന്ത്രിയെ മോദി ഫോണിൽ വിളിച്ച് കാര്യങ്ങൾ ആരാഞ്ഞില്ലെന്നും ആക്ഷേപമുണ്ടായിരുന്നു. പ്രധാനമന്ത്രി ദുരിതബാധിത പ്രദേശങ്ങള്‍ സന്ദര്‍ശിക്കണമെന്ന് ലത്തീന്‍ സഭാനേതൃത്വം അടക്കമുള്ളവരും ആവശ്യം ഉയർത്തി. ഇതിനുപിന്നാലെയാണ് മോദി കേരളം സന്ദർശിക്കാനെത്തുന്നത്.

നേരത്തെ കേന്ദ്ര പ്രതിരോധമന്ത്രി നിര്‍മലാ സീതാരാമനും കോണ്‍ഗ്രസ് നിയുക്ത പ്രസിഡന്റ് രാഹുല്‍ ഗാന്ധിയും കേരളത്തിലേയും തമിഴ്‌നാട്ടിലേയും ഓഖി ദുരിതബാധിതരെ സന്ദർശിച്ചിരുന്നു. ഓഖി ചുഴലിക്കാറ്റിൽപ്പെട്ട് കടലിൽ കാണാതായവരെ കണ്ടെത്താൻ എല്ലാ സഹായങ്ങളും കേന്ദ്ര സർക്കാർ ചെയ്യുമെന്ന് നിർമലാ സീതാരാമൻ മൽസ്യത്തൊഴിലാളി കുടുംബങ്ങൾക്ക് ഉറപ്പും നൽകിയിരുന്നു.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Pm to visit cyclone ockhi affected areas of lakshadweep tamil nadu and kerala tomorrow

Next Story
തൃപ്പൂണിത്തുറയിൽ നടന്നതും “തീരൻ” മോഡൽ മോഷണം; മോഷ്ടാക്കൾ മഹാരാഷ്ട്രയിൽ നിന്നെന്ന് പൊലീസ്
The moderation of comments is automated and not cleared manually by malayalam.indianexpress.com