PM Narendra Modi Guruvayur Visit: നിപ പ്രതിരോധത്തില്‍ കേരളത്തിനൊപ്പം നില്‍ക്കും: നരേന്ദ്ര മോദി

മലയാളത്തിലാണ് മോദി ജനങ്ങളെ അഭിസംബോധന ചെയ്തത്

Narendra Modi Guruvayur Temple BJP

PM Narendra Modi Guruvayur Visit: കൊച്ചി: ഗുരുവായൂര്‍ ക്ഷേത്ര ദര്‍ശനത്തിനായി പ്രധാനമന്ത്രി നരേന്ദ്ര മോദി ഇന്നലെ കേരളത്തിലെത്തി. കൊച്ചിയിലെ നാവികസേനാ ആസ്ഥാനത്ത് വിമാനമിറങ്ങിയ അദ്ദേഹം റോഡ് മാര്‍ഗം എറണാകുളം ഗസ്റ്റ് ഹൗസിലെത്തി.

കൊച്ചിയിലെ ഗസ്റ്റ് ഹൗസിൽ രാത്രി വിശ്രമിച്ച ശേഷം ഇന്ന് രാവിലെ ഒൻപത് മണിയോടെ നരേന്ദ്ര മോദി ഗുരുവായൂരിലേക്ക് തിരിച്ചു. ഗുരുവായൂര്‍ ശ്രീകൃഷ്ണ കോളജ് മൈതാനത്തെ ഹെലിപാഡില്‍ ഇറങ്ങിയ അദ്ദേഹം പിന്നീട് ക്ഷേത്ര ദർശനത്തിനായി പോയി. പത്ത് മണിയോടെയാണ് നരേന്ദ്ര മോദി ഗുരുവായൂരിലെത്തിയത്.

കേരളീയ വേഷത്തിലാണ് മോദി ഗുരുവായൂർ ക്ഷേത്രത്തിനകത്ത് പ്രവേശിച്ചത്. പ്രാദേശിക നേതാക്കൾ മോദിയെ സ്വീകരിച്ചു. ബിജെപി സംസ്ഥാന നേതൃത്വവും ഗുരുവായൂരിലെത്തിയിരുന്നു. രാവിലെ 10.20 ഓടെ നരേന്ദ്ര മോദി ക്ഷേത്രത്തിനകത്ത് പ്രവേശിച്ചു. പൂർണ കുംഭം നൽകി നരേന്ദ്ര മോദിയെ ക്ഷേത്രം അധികർതർ സ്വീകരിച്ചു. ക്ഷേത്ര ദർശനത്തിനെത്തിയ ഭക്തർക്ക് നിയന്ത്രണം ഏർപ്പെടുത്തിയിട്ടുണ്ടായിരുന്നു. മുഖ്യ പൂജാരിയുടെ നേതൃത്വത്തിൽ ക്ഷേത്രത്തിനകത്ത് വിവിധ പൂജകൾ നടത്തി. താമരപ്പൂക്കൾ കൊണ്ട് തുലാഭാരവും നടത്തിയാണ് നരേന്ദ്ര മോദി ക്ഷേത്രത്തിൽ നിന്ന് പുറത്തുകടന്നത്.

Read More: മോദി കേരളത്തിൽ

ഗുരുവായൂർ ക്ഷേത്ര ദർശനത്തിന് ശേഷം പ്രധാനമന്ത്രി നരേന്ദ്ര മോദി ശ്രീവത്സം റസ്റ്റ് ഹൗസിലേക്ക് പോയി. അവിടെ വച്ച് ഗുരുവായൂർ ദേവസ്വം പ്രതിനിധികളുമായി പ്രധാനമന്ത്രി കൂടിക്കാഴ്ച നടത്തി.

ക്ഷേത്ര ദർശനത്തിന് ശേഷം മോദി ശ്രീകൃഷ്ണ സ്കൂൾ മെെതാനത്ത് നടന്ന പൊതുയോഗത്തിൽ പങ്കെടുത്തു. തൃശൂർ ജില്ലയിലെ നാല് ലോക്സഭാ മണ്ഡലങ്ങളിൽ നിന്നുള്ള പ്രവർത്തകരാണ് യോഗത്തിൽ പങ്കെടുത്തത്. മോദി മലയാളത്തിൽ അഭിസംബോധന ചെയ്തതും സദസിൽ കയ്യടികൾ ഉയർന്നു. “പ്രിയപ്പെട്ട സഹോദരി, സഹോദരൻമാരെ…”എന്ന അഭിസംബോധനയാണ് മോദി പൊതുയോഗത്തിനിടയിൽ നടത്തിയത്. തുടർന്ന് “എല്ലാവർക്കും ശ്രീ ഗുരുവായൂരപ്പന്റെ അനുഗ്രഹം ഉണ്ടാവട്ടെ” എന്നും മോദി പറഞ്ഞു. വലിയ ഹർഷാരവത്തോടെയാണ് മോദിയുടെ മലയാളത്തെ സദസിലുള്ളവർ സ്വീകരിച്ചത്.

നിപ പ്രതിരോധത്തിൽ കേരളത്തിനൊപ്പം നിൽക്കുമെന്ന് മോദി പറഞ്ഞു. കേന്ദ്രം എല്ലാ പിന്തുണയും വാഗ്ധാനം ചെയ്യുന്നതായി അദ്ദേഹം അറിയിച്ചു. സംസ്ഥാന സർക്കാരിനൊപ്പം നിൽക്കാൻ കേന്ദ്രം പ്രതിജ്ഞാബദ്ധമാണ്. നിപയെ കുറിച്ച് ആശങ്കപ്പെടേണ്ട. പ്രതിരോധത്തിൽ കേരളത്തിനൊപ്പമുണ്ട്. എല്ലാ സഹായവും കേന്ദ്രം ഉറപ്പ് നൽകുമെന്നും നരേന്ദ്ര മോദി പറഞ്ഞു.

Read More: മുണ്ട് ഉടുത്ത നരേന്ദ്ര മോദിക്ക് കൊഞ്ചം കൊഞ്ചം മലയാളം അറിയാം

മൃഗസംരക്ഷണത്തിന് പ്രാധാന്യം നൽകി ഗ്രാമീണ മേഖലയെ ശക്തിപ്പെടുത്താനുള്ള പദ്ധതികളാണ് ആവിഷ്കരിക്കുന്നതെന്ന് നരേന്ദ്ര മോദി പറഞ്ഞു. ബിജെപി അക്കൗണ്ട് തുറക്കാത്ത കേരളത്തിലേക്ക് എന്തിനാണ് മോദി നന്ദി പറയാന്‍ പോകുന്നത് എന്നാണ് ചിലര്‍ ചിന്തിക്കുന്നത്. എന്നാല്‍, ബിജെപിയുടെ സംസ്‌കാരം ഇതാണ്. ബിജെപി ചിന്തിക്കുന്നതും ഇതാണ്. ബിജെപി രാഷ്ട്ര സേവനത്തിനാണ് മുൻഗണന നൽകുന്നത്. ബിജെപിക്ക് വോട്ട് ചെയ്യാത്തവരെയും ഒരുപോലെ കാണുന്ന, പരിഗണിക്കുന്ന സർക്കാരാണിത്. തങ്ങൾ നവഭാരതത്തിന് വേണ്ടിയാണ് പ്രവർത്തിക്കുന്നതെന്നും പ്രധാനമന്ത്രി നരേന്ദ്ര മോദി പറഞ്ഞു.

കേരളം ആയുഷ്മാൻ പദ്ധതിയിൽ അംഗമാകാത്തതിൽ പ്രധാനമന്ത്രി നരേന്ദ്ര മോദി അതൃപ്തി രേഖപ്പെടുത്തി. കേരള സർക്കാരിനോട് ആയുഷ്മാൻ പദ്ധതിയിൽ പങ്കാളികളാകാൻ അപേക്ഷിക്കുകയാണെന്നും നരേന്ദ്ര മോദി പറഞ്ഞു. പദ്ധതി നിരവധി പാവപ്പെട്ടവർക്ക് ഗുണം ചെയ്യുന്നതാണെന്നും മോദി കൂട്ടിച്ചേർത്തു. പൊതുയോഗത്തിന് ശേഷം ഉച്ചയ്ക്ക് രണ്ട് മണിയോടെ മോദി കേരളത്തിൽ നിന്ന് മടങ്ങി.

Read More: മോദി തിരഞ്ഞെടുപ്പിൽ ജയിച്ചത് നുണകൾ കൊണ്ട്: രാഹുൽ ഗാന്ധി

കൊച്ചിയിലെത്തിയ പ്രധാനമന്ത്രി നരേന്ദ്ര മോദിയെ ഗവര്‍ണര്‍ പി.സദാശിവം, മന്ത്രി കടകംപള്ളി സുരേന്ദ്രന്‍, കേന്ദ്ര മന്ത്രി വി.മുരളീധരന്‍, രാജ്യസഭാ എംപി സുരേഷ് ഗോപി എന്നിവര്‍ ചേര്‍ന്ന് സ്വീകരിച്ചു. ഡിജിപി ലോക്‌നാഥ് ബെഹ്‌റ, ചീഫ് സെക്രട്ടറി ടോം ജോസ്, മേയര്‍ സൗമിനി ജെയിന്‍, ജില്ലാ കളക്ടര്‍ മുഹമ്മദ് വൈ സഫീറുള്ള എന്നിവരും പ്രധാനമന്ത്രിയെ സ്വീകരിക്കാന്‍ എത്തി. എറണാകുളം എംപി ഹൈബി ഈഡന്‍, കൊച്ചി എംഎല്‍എ കെ.ജെ.മാക്‌സി എന്നിവര്‍ പ്രധാനമന്ത്രിയെ സ്വീകരിക്കാന്‍ എത്തിയില്ല.

 

 

Live Blog














12:37 (IST)08 Jun 2019





















ആയുഷ്മാൻ പദ്ധതിയിൽ പങ്കുചേരാത്തതിൽ അതൃപ്തി

കേരളം ആയുഷ്മാൻ പദ്ധതിയിൽ അംഗമാകാത്തതിൽ പ്രധാനമന്ത്രി നരേന്ദ്ര മോദി അതൃപ്തി രേഖപ്പെടുത്തി. കേരള സർക്കാരിനോട് ആയുഷ്മാൻ പദ്ധതിയിൽ പങ്കാളികളാകാൻ അപേക്ഷിക്കുകയാണെന്നും നരേന്ദ്ര മോദി പറഞ്ഞു. പദ്ധതി നിരവധി പാവപ്പെട്ടവർക്ക് ഗുണം ചെയ്യുന്നതാണെന്നും മോദി പറഞ്ഞു. 

12:32 (IST)08 Jun 2019





















പ്രധാനമന്ത്രി പ്രസംഗം അവസാനിപ്പിച്ചു. 

12:25 (IST)08 Jun 2019





















നിപയെ പ്രതിരോധിക്കാൻ സംസ്ഥാന സർക്കാറിനൊപ്പം…

നിപ രോഗബാധയെ പ്രതിരോധിക്കാൻ സംസ്ഥാന സർക്കാരിനൊപ്പം നിൽക്കുമെന്ന് പ്രധാനമന്ത്രി നരേന്ദ്ര മോദി. സംസ്ഥാന സർക്കാരിനൊപ്പം നിൽക്കാൻ കേന്ദ്രം പ്രതിജ്ഞാബദ്ധമാണ്. നിപയെ കുറിച്ച് ആശങ്കപ്പെടേണ്ട. പ്രതിരോധത്തിൽ കേരളത്തിനൊപ്പമുണ്ട്. എല്ലാ സഹായവും കേന്ദ്രം ഉറപ്പ് നൽകുമെന്നും നരേന്ദ്ര മോദി പറഞ്ഞു. 

12:23 (IST)08 Jun 2019





















പശു സംരക്ഷണത്തിന് പ്രാധാന്യം

മൃഗസംരക്ഷണത്തിന് പ്രാധാന്യം നൽകി ഗ്രാമീണ മേഖലയെ ശക്തിപ്പെടുത്താനുള്ള പദ്ധതികളാണ് ആവിഷ്കരിക്കുന്നതെന്ന് നരേന്ദ്ര മോദി. 

12:20 (IST)08 Jun 2019





















12:19 (IST)08 Jun 2019





















ബിജെപി രാഷ്ട്ര സേവനത്തിനാണ് മുൻഗണന നൽകുന്നത്

ബിജെപി രാഷ്ട്ര സേവനത്തിനാണ് മുൻഗണന നൽകുന്നതെന്ന് പ്രധാനമന്ത്രി നരേന്ദ്ര മോദി. ബിജെപിക്ക് വോട്ട് ചെയ്യാത്തവരെയും ഒരുപോലെ കാണുന്ന, പരിഗണിക്കുന്ന സർക്കാരാണിതെന്നും നരേന്ദ്ര മോദി. 

12:14 (IST)08 Jun 2019





















ബിജെപി അക്കൗണ്ട് തുറക്കാത്ത കേരളത്തിലേക്ക് എന്തിനാണ് മോദി നന്ദി പറയാന്‍ പോകുന്നത് എന്നാണ് ചിലര്‍ ചിന്തിക്കുന്നത്. എന്നാല്‍, ബിജെപിയുടെ സംസ്‌കാരം ഇതാണ്. ബിജെപി ചിന്തിക്കുന്നതും ഇതാണ്.

12:12 (IST)08 Jun 2019





















നവഭാരതം…

നവഭാരതത്തിന് വേണ്ടിയാണ് പ്രവർത്തിക്കുന്നതെന്ന് പ്രധാനമന്ത്രി നരേന്ദ്ര മോദി. 

12:10 (IST)08 Jun 2019





















കേരളത്തിലെ ബിജെപി പ്രവർത്തകരെ അഭിനന്ദിച്ച് മോദി

തിരഞ്ഞെടുപ്പിൽ ബിജെപിക്കായി പ്രവർത്തിച്ച എല്ലാ പ്രവർത്തകർക്കും മോദി അഭിനന്ദനം അറിയിച്ചു. 

12:03 (IST)08 Jun 2019





















എല്ലാവർക്കും നന്ദി…

തിരഞ്ഞെടുപ്പിൽ ബിജെപിക്ക് വോട്ട് ചെയ്ത എല്ലാവർക്കും നന്ദി രേഖപ്പെടുത്തുന്നതായി നരേന്ദ്ര മോദി. 

12:01 (IST)08 Jun 2019





















11:58 (IST)08 Jun 2019





















മലയാളത്തിൽ പ്രസംഗിച്ച് നരേന്ദ്ര മോദി

‘പ്രിയപ്പെട്ട സഹോദരി സഹോദരൻമാരെ, എല്ലാവർക്കും എന്റെ നമസ്കാരം…’മലയാളത്തിലാണ് പ്രധാനമന്ത്രി ജനങ്ങളെ അഭിസംബോധന ചെയ്തത്. 

11:56 (IST)08 Jun 2019





















‘അഭിനന്ദൻ സഭ’യിൽ പ്രധാനമന്ത്രി നരേന്ദ്ര മോദി സംസാരിക്കുന്നു

പ്രധാനമന്ത്രി നരേന്ദ്ര മോദി ഗുരുവായൂർ ശ്രീകൃഷ്ണ സ്കൂൾ മെെതാനത്ത് നടക്കുന്ന ‘അഭിനന്ദൻ സഭ’യിൽ സംസാരിക്കാൻ ആരംഭിച്ചു. 

11:45 (IST)08 Jun 2019





















നരേന്ദ്ര മോദി പൊതുയോഗത്തിനെത്തി

ശ്രീകൃഷ്ണ സ്കൂളിൽ നടക്കുന്ന പൊതുയോഗത്തിൽ പങ്കെടുക്കാൻ നരേന്ദ്ര മോദി എത്തി. ബിജെപി സംസ്ഥാന അധ്യക്ഷൻ പി.എസ്.ശ്രീധരൻ പിള്ള പൊന്നാട അണിയിച്ച് നരേന്ദ്ര മോദിയെ സ്വാഗതം ചെയ്തു. 

11:40 (IST)08 Jun 2019





















പ്രധാനമന്ത്രിയായ ശേഷമുള്ള ആദ്യ പൊതുയോഗം

പ്രധാനമന്ത്രിയായി രണ്ടാമതും ചുമതലയേറ്റ ശേഷമുള്ള നരേന്ദ്ര മോദിയുടെ ആദ്യ പൊതുസമ്മേളനമാണ് ഗുരുവായൂർ ശ്രീകൃഷ്ണ സ്കൂൾ മെെതാനത്ത് നടക്കാൻ പോകുന്നത്. നാല് നിയമസഭാ മണ്ഡലങ്ങളിലെ അംഗങ്ങളാണ് പൊതുപരിപാടിയിൽ പങ്കെടുക്കുക. 

11:38 (IST)08 Jun 2019





















‘അഭിനന്ദൻ സഭ’യിൽ പങ്കെടുക്കാൻ പ്രധാനമന്ത്രി

ബിജെപി സംഘടിപ്പിക്കുന്ന ‘അഭിനന്ദൻ സഭ’യിൽ പങ്കെടുക്കാൻ പ്രധാനമന്ത്രി നരേന്ദ്ര മോദി ശ്രീവത്സം റസ്റ്റ് ഹൗസിൽ നിന്ന് പുറപ്പെട്ടു. 

10:58 (IST)08 Jun 2019





















ദേവസ്വം പ്രതിനിധികളുമായി പ്രധാനമന്ത്രി കൂടിക്കാഴ്ച നടത്തി

ഗുരുവായൂർ ക്ഷേത്ര ദർശനത്തിന് ശേഷം പ്രധാനമന്ത്രി നരേന്ദ്ര മോദി ശ്രീവത്സം റസ്റ്റ് ഹൗസിലേക്ക്  പോയി. അവിടെ വച്ച് ഗുരുവായൂർ ദേവസ്വം പ്രതിനിധികളുമായി പ്രധാനമന്ത്രി കൂടിക്കാഴ്ച നടത്തി. 

10:41 (IST)08 Jun 2019





















10:41 (IST)08 Jun 2019





















10:40 (IST)08 Jun 2019





















10:39 (IST)08 Jun 2019





















താമരപ്പൂക്കൾ കൊണ്ട് നരേന്ദ്ര മോദി തുലാഭാരം നടത്തി

ഗുരുവായൂർ ക്ഷേത്ര ദർശനത്തിനെത്തിയ പ്രധാനമന്ത്രി നരേന്ദ്ര മോദി താമരപ്പൂക്കൾ കൊണ്ട് തുലാഭാരം നടത്തി. വിവിധ വഴിപാടുകളും നടത്തി. കദളിക്കുലയും മഞ്ഞപ്പട്ടും നെയ്യും നരേന്ദ്ര മോദി സമർപ്പിക്കും. 

10:33 (IST)08 Jun 2019





















ക്ഷേത്ര ദർശനം ആരംഭിച്ചു

പ്രധാനമന്ത്രി നരേന്ദ്ര മോദി ക്ഷേത്ര ദർശനം ആരംഭിച്ചു. പ്രധാന പൂജാരിയുടെ കാർമികതത്വത്തിൽ വഴിപാടുകൾ ആരംഭിച്ചു. ഒരു മണിക്കൂർ നേരം പ്രധാനമന്ത്രി നരേന്ദ്ര മോദി ക്ഷേത്രത്തിനകത്ത് ചിലവഴിക്കും. 

10:24 (IST)08 Jun 2019





















പ്രധാനമന്ത്രി നരേന്ദ്ര മോദി ക്ഷേത്രത്തിനകത്തേക്ക് പ്രവേശിച്ചു

പ്രധാനമന്ത്രി നരേന്ദ്ര മോദി ദർശനത്തിനായി ക്ഷേത്രത്തിനകത്ത് പ്രവേശിച്ചു. പൂർണ കുംഭം നൽകി നരേന്ദ്ര മോദി സ്വീകരിച്ചു. ക്ഷേത്ര ദർശനത്തിനെത്തിയ ഭക്തർക്ക് നിയന്ത്രണം ഏർപ്പെടുത്തിയിട്ടുണ്ട്. 

10:15 (IST)08 Jun 2019





















മുണ്ട് ധരിച്ച് പ്രധാനമന്ത്രി

ഗുരുവായൂർ ക്ഷേത്ര ദർശനത്തിന് മുണ്ട് ധരിച്ചാണ് പ്രധാനമന്ത്രി നരേന്ദ്ര മോദി ഗുരുവായൂർ ശ്രീകൃഷ്ണ കോളജ് മെെതാനത്ത് ഹെലികോപ്റ്ററിറങ്ങിയത്. ഗവർണർ പി.സദാശിവവും ദേവസ്വം മന്ത്രി കടകംപള്ളി സുരേന്ദ്രനും കേന്ദ്ര മന്ത്രി വി.മുരളീധരനും മോദിക്കൊപ്പമുണ്ട്. ഷർട്ട് ധരിക്കാതെ വേഷ്ടി ചുറ്റി വേണം ക്ഷേത്രത്തിനകത്ത് പ്രവേശിക്കാൻ. 

09:59 (IST)08 Jun 2019





















പ്രധാനമന്ത്രി ഗുരുവായൂരിലെത്തി

പ്രധാനമന്ത്രി നരേന്ദ്ര മോദി ഗുരുവായൂരിലെത്തി. 9.50 ഓടെയാണ് മോദി ശ്രീകൃഷ്ണ കോളജിൽ ഹെലികോപ്റ്റർ ഇറങ്ങിയത്. പ്രാദേശിക നേതാക്കൾ അടക്കം നരേന്ദ്ര മോദിയെ സ്വീകരിക്കാൻ ശ്രീകൃഷ്ണ കോളജിലെത്തി. ശ്രീവത്സത്തിലേക്കാണ് മോദി ആദ്യം പോകുക. അവിടെ വിശ്രമിച്ച ശേഷമായിരിക്കും ക്ഷേത്ര ദർശനത്തിന് എത്തുക. ഒരു മണിക്കൂറോളം മോദി ക്ഷേത്ര ദർശനം നടത്തും. 

09:27 (IST)08 Jun 2019





















നാവിക ആസ്ഥാനത്തു നിന്ന് നരേന്ദ്ര മോദിയുടെ ഹെലികോപ്റ്റർ പുറപ്പെട്ടു

നാവിക ആസ്ഥാനത്തു നിന്ന് പ്രധാനമന്ത്രി നരേന്ദ്ര മോദിയുടെ ഹെലികോപ്റ്റർ ഗുരുവായൂരിലേക്ക് പുറപ്പെട്ടു. 9.45 ഓടെ ഹെലികോപ്റ്റർ ഗുരുവായൂർ ശ്രീകൃഷ്ണ കോളജിലെത്തും. 

09:21 (IST)08 Jun 2019





















നരേന്ദ്ര മോദിയുടെ വഴിപാടുകൾ

പ്രധാനമന്ത്രി നരേന്ദ്ര മോദി ഗുരുവായൂർ ക്ഷേത്രത്തിൽ തുലാഭാരം നടത്തും. ഏകദേശം 40,000 രൂപയുടെ വഴിപാട് ചീട്ടുകൾ തയ്യാറാക്കിയിട്ടുണ്ട്. Read More

09:20 (IST)08 Jun 2019





















ഗുരുവായൂർ ക്ഷേത്ര ദർശനത്തിനെത്തുന്ന നാലാമത്തെ പ്രധാനമന്ത്രി

ഗുരുവായൂർ ക്ഷേത്ര ദർശനത്തിനെത്തുന്ന നാലാമത്തെ പ്രധാനമന്ത്രിയാണ് നരേന്ദ്ര മോദി. ഇന്ദിരാ ഗാന്ധി, രാജീവ് ഗാന്ധി, പി.വി നരസിംഹ റാവു എന്നിവർ പ്രധാനമന്ത്രിമാരായിരിക്കെ ഗുരുവായൂർ ക്ഷേത്രത്തിൽ ദർശനം നടത്തിയിട്ടുണ്ട്. 

09:17 (IST)08 Jun 2019





















പ്രധാനമന്ത്രി നേവൽ എയർപോർട്ടിൽ

റോഡ് മാർഗം പ്രധാനമന്ത്രി നരേന്ദ്ര മോദി നേവൽ ബേസിലെത്തി. ഇവിടെ നിന്ന് ഹെലികോപ്റ്റർ മാർഗം ഗുരുവായൂരിലേക്ക് പുറപ്പെടും

09:06 (IST)08 Jun 2019





















നരേന്ദ്ര മോദി ഗസ്റ്റ് ഹൗസില്‍ നിന്നിറങ്ങി

ഗുരുവായൂർ ക്ഷേത്ര ദർശനത്തിനായി നരേന്ദ്ര മോദി തൃശൂരിലേക്ക് പുറപ്പെട്ടു. കൊച്ചിയിലെ ഗസ്റ്റ് ഹൗസില്‍ നിന്ന് റോഡ് മാർഗം നേവൽ ബേസിലേക്കാണ് മോദി പുറപ്പെട്ടിരിക്കുന്നത്.നേവൽ ബേസിൽ നിന്ന് ഹെലികോപ്റ്റർ മാർഗം മോദി തൃശൂരിലെത്തും. 

07:47 (IST)08 Jun 2019





















കൊച്ചിയിലെത്തിയ പ്രധാനമന്ത്രി നരേന്ദ്ര മോദിയെ സ്വാഗതം ചെയ്യുന്നു (ഫൊട്ടോ, പിആർഡി)

07:43 (IST)08 Jun 2019





















ഉച്ചയോടെ ഗുരുവായൂരിൽ നിന്ന് തിരിക്കും

12.40ന് ​ഹെ​ലി​കോ​പ്ട​റി​ൽ കൊ​ച്ചി രാ​ജ്യാ​ന്ത​ര വി​മാ​ന​ത്താ​വ​ള​ത്തി​ലെ​ത്തു​ന്ന പ്ര​ധാ​ന​മ​ന്ത്രി 1.55 വ​രെ എ​യ​ർ​പോ​ർ​ട് ലോ​ഞ്ചി​ൽ വി​ശ്ര​മി​ക്കും. അ​തി​ന് ശേ​ഷം ഡ​ല്‍​ഹി​ക്കു മ​ട​ങ്ങും. ര​ണ്ടാ​മ​താ​യി പ്ര​ധാ​ന​മ​ന്ത്രി​യാ​യി ചു​മ​ത​ല​യേ​റ്റ ശേ​ഷ​മു​ള്ള മോ​ദി​യു​ടെ ആ​ദ്യ പൊ​തു​പ​രി​പാ​ടി​യാ​ണ് ഗു​രു​വാ​യൂ​രി​ലേ​ത്.

07:41 (IST)08 Jun 2019





















പ്രധാനമന്ത്രി നരേന്ദ്ര മോദി പൊതുയോഗത്തില്‍ പങ്കെടുക്കും

ഗുരുവായൂര്‍ ക്ഷേത്ര ദര്‍ശനത്തിന് ശേഷം മോദി പൊതുയോഗത്തില്‍ പങ്കെടുക്കും. പ്രധാനമന്ത്രിയായി വീണ്ടും തിരഞ്ഞെടുക്കപ്പെട്ട ശേഷമുള്ള മോദിയുടെ ആദ്യ പൊതുസമ്മേളനം കൂടിയാണ് ഗുരുവായൂരില്‍ നടക്കാന്‍ പോകുന്നത്. ഗുരുവായൂര്‍ ശ്രീകൃഷ്ണ ഹയര്‍ സെക്കന്‍ഡറി സ്‌കൂള്‍ മൈതാനത്താണ് പൊതുയോഗം നടക്കുക. ക്ഷേത്ര ദര്‍ശനത്തിന് ശേഷമായിരിക്കും പൊതുയോഗം. മികച്ച വിജയം നേടി രണ്ടാമതും പ്രധാനമന്ത്രിയായ ശേഷമുള്ള പൊതുയോഗം ആയതിനാല്‍ ‘അഭിനന്ദന്‍ സഭ’ എന്നാണ് യോഗത്തിന് ബിജെപി പേര് നല്‍കിയിരിക്കുന്നത്. ഗുരുവായൂര്‍, മണലൂര്‍, കുന്ദംകുളം, നാട്ടിക നിയോജക മണ്ഡലങ്ങളിലെ പ്രവര്‍ത്തകരെയാണ് മോദി യോഗത്തിൽ അഭിസംബോധന ചെയ്യുക.

07:39 (IST)08 Jun 2019





















പ്രധാനമന്ത്രിയായ ശേഷം ആദ്യമായാണ് മോദി കേരളത്തിലെത്തുന്നത്

രണ്ടാമത് പ്രധാനമന്ത്രിയായി അധികാരമേറ്റ ശേഷം മോദി ആദ്യമായാണ് കേരളത്തിലെത്തുന്നത്. പ്രധാനമന്ത്രി സ്ഥാനത്തെത്തിയ ശേഷം മോദിയുടെ ആദ്യ ഗുരുവായൂർ ക്ഷേത്ര ദർശനം കൂടിയാണ് ഇത്. രണ്ടാമതും ഗുജറാത്ത് മുഖ്യമന്ത്രിയായ ശേഷം 2008 ലാണ് മോദി ആദ്യമായി ഗുരുവായൂർ ക്ഷേത്ര ദർശനം നടത്തിയത്. അന്ന് താമരപ്പൂക്കൾ കൊണ്ട് തുലാഭാരവും നടത്തി. 

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Pm narendra modi in gurvayur temple abhinandan sammelan bjp live updates

Next Story
ബാലഭാസ്‌കറിന്റെ മരണത്തില്‍ ദുരൂഹത; പ്രകാശ് തമ്പിയെ ഇന്ന് ചോദ്യം ചെയ്യുംBalabhaskar, ബാലഭാസ്കര്‍, car accident, കാറപകടം, Death, Crime Branch, ക്രൈം ബ്രാഞ്ച്, Gold Smuggling, സ്വര്‍ണ കടത്ത്, ie malayalam
The moderation of comments is automated and not cleared manually by malayalam.indianexpress.com