അല്‍പം വൈകിപ്പോയി! കുഞ്ഞാലിക്കുട്ടിക്കും അബ്ദുള്‍‍ വഹാബിനും വോട്ട് ചെയ്യാനായില്ല

ഉപരാഷ്ട്രപതിയെ തെരഞ്ഞെടുക്കാനുളള വോട്ടിംഗ് സമയം കഴിഞ്ഞതിനു ശേഷമായിരുന്നു ഇരുവരും പാര്‍ലമെന്റിലെത്തിയത്.

ന്യൂഡൽഹി: ഉപരാഷ്ട്രപതി തിരഞ്ഞെടുപ്പിൽ കേരളത്തിൽ നിന്നുള്ള മുസ്ളിംലീഗ് എം.പിമാരായ പി.കെ.കുഞ്ഞാലിക്കുട്ടിക്കും പി.വി.അബ്ദുൾ വഹാബിനും വോട്ട് ചെയ്യാനായില്ല. പാര്‍ലമെന്റിലേക്ക് വൈകി എത്തിയതാണ് ഇരുവര്‍ക്കും വിനയായത്. വോട്ടിംഗ് സമയം കഴിഞ്ഞതിനു ശേഷമായിരുന്നു ഇരുവരും പാര്‍ലമെന്റിലെത്തിയത്.

രാവിലെ 10 മുതൽ വൈകിട്ട് അഞ്ചു വരെ ആയിരുന്നു വോട്ട് രേഖപ്പെടുത്താനുള്ള സമയം. വോട്ട് ചെയ്യാനായി മുംബയിൽ നിന്ന് ഡൽഹിയിലേക്ക് തിരിച്ച ഇരുവരും മൂന്ന് വിമാനങ്ങൾ മാറിക്കയറിയാണ് പാർലമെന്റിലെത്തിയത്. അപ്പോഴേക്കും വോട്ടിംഗ് സമയം അവസാനിച്ചിരുന്നു. അതേസമയം വിമാനം മനപ്പൂര്‍വ്വം വൈകിപ്പിച്ചതാണെന്ന ആരോപണം ഉയര്‍ന്നിട്ടുണ്ട്. എയര്‍ ഇന്ത്യ വിമാനം മനപ്പൂര്‍വ്വം വൈകിപ്പിച്ചതാണെന്നും പകരം സംവിധാനം ഒരുക്കാന്‍ തയ്യാറായില്ലെന്നും കുഞ്ഞാലിക്കുട്ടി ആരോപിച്ചു.അഞ്ച് മണിക്കൂറാണ് വിമാനത്തിനകത്ത് ഇരുന്നതെന്നും മനപ്പൂര്‍വമായിരുന്നു നടപടിയെന്നും കുഞ്ഞാലിക്കുട്ടി പറഞ്ഞു.

ഉപരാഷ്ട്രപതി തെരഞ്ഞെടുപ്പിന്റെ വോട്ടെണ്ണല്‍ തുടങ്ങിയിട്ടുണ്ട്. മണിക്കൂറുകള്‍ക്കകം ഫലം പുറത്തുവരും.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Pk kunjalikkutty and pv abdul vahab late in parliament and failed to cast votes

Next Story
വീടിനടുത്ത് കളിച്ചു കൊണ്ടിരുന്ന സന ഫാത്തിമയെ കാണാതായിട്ട് ഇന്ന് മൂന്നാം ദിനം; പൊന്നോമനക്കായി പ്രാർത്ഥിച്ച് ഒരു നാട്Sana Fathima
The moderation of comments is automated and not cleared manually by malayalam.indianexpress.com