Latest News
സാമൂഹിക കണക്ഷന്‍ ‘നെറ്റ്‌വര്‍ക്ക്’ ആക്കി ഒരു സ്‌കൂള്‍; ഓണ്‍ലൈന്‍ പഠനത്തിന് ഒരുക്കുന്നത് 250 വൈഫൈ കേന്ദ്രങ്ങള്‍
ഡെല്‍റ്റ പ്ലസ് വകഭേദം: ഇന്ത്യയില്‍ 40 കേസുകള്‍ റിപ്പോര്‍ട്ട് ചെയ്തു
രാജ്യദ്രോഹ കേസ്: ഐഷ സുൽത്താനയെ ചോദ്യം ചെയ്യുന്നു
കോവിഡ് മരണം തടയുന്നതില്‍ ഒരു ഡോസ് വാക്സിന് 82 ശതമാനം ഫലപ്രദം

യുഡിഎഫിന്റെ വിജയം സര്‍ക്കാരിന് എതിരായ വിധിയെഴുത്ത് അല്ലെന്ന് പിണറായി വിജയന്‍

എസ്ഡിപിഐ അടക്കമുള്ളവരെ കൂട്ടുപിടിച്ചിട്ടും വേണ്ടത്ര ഭൂരിപക്ഷത്തോടെ ജയിക്കാന്‍ യുഡിഎഫിന് കഴിഞ്ഞില്ലെന്നും മുഖ്യമന്ത്രി

pinarayi vijayan

ന്യൂഡൽഹി: മലപ്പുറം ഉപതെരഞ്ഞെടുപ്പിൽ യുഡിഎഫിന്റെ വിജയം സംസ്ഥാന സര്‍ക്കാരിന് എതിരെ ഉള്ളതല്ലെന്ന് മുഖ്യമന്ത്രി പിണറായി വിജയന്‍. കഴിഞ്ഞ ലോക്സഭാ തെരഞ്ഞെടുപ്പിനെ അപേക്ഷിച്ച് യുഡിഎഫിന് എല്‍ഡിഎഫിനേക്കാള്‍ വോട്ട് ശതമാനം ഉയര്‍ത്താന്‍ കഴിഞ്ഞിട്ടില്ല. ജനവിധി സംസ്ഥാന സര്‍ക്കാരിന് എതിരായ വിധിയല്ല. എസ്ഡിപിഐ അടക്കമുള്ളവരെ കൂട്ടുപിടിച്ചിട്ടും വേണ്ടത്ര ഭൂരിപക്ഷത്തോടെ ജയിക്കാന്‍ യുഡിഎഫിന് കഴിഞ്ഞില്ലെന്നും മുഖ്യമന്ത്രി പറഞ്ഞു.

കഴിഞ്ഞ ലോക്സഭാ തെരഞ്ഞെടുപ്പിനേക്കാള്‍ ഒരു ലക്ഷത്തിലധികം ലീഡ് നേടാനായത് എല്‍ഡിഎഫിന്റെ നേട്ടമാണെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനും പറഞ്ഞു. ലോക്സഭാ തെരഞ്ഞെടുപ്പിനേക്കാള്‍ 10 ശതമാനം വോട്ടാണ് വര്‍ദ്ധിച്ചത്. യുഡിഎഫിന് കേവലം 77,000ത്തോളം വോട്ടാണ് ഇത്തവണ കൂടുതല്‍ നേടാനായതെന്നും കോടിയേരി പറഞ്ഞു. ബിജെപി രാഷ്ട്രീയം ഇവിടെ വേരോടില്ലെന്നതിന് തെളിവാണ് ജനവിധി. കേരളത്തിലെ ജനങ്ങള്‍ മതനിരപേക്ഷതയ്ക്ക് ഒപ്പമാണെന്നതിന്റെ തെളിവാണ് ബിജെപി നേരിട്ട പരാജയമെന്നും കോടിയേരി വ്യക്തമാക്കി.

മലപ്പുറം ലീഗിന് ഭൂരിപക്ഷമുള്ള പ്രദേശമാണെന്നും അതിനാലാണ് പി.കെ. കുഞ്ഞാലിക്കുട്ടി മികച്ച മുന്നേറ്റം നടത്തിയതെന്നുമാണ് ഭരണപരിഷ്കാര കമ്മീഷൻ ചെയർമാൻ വി.എസ്. അച്യുതാനന്ദൻ പ്രതികരിച്ചത്.
കുഞ്ഞാലിക്കുട്ടിയുടേത് മികച്ച വിജയമെന്ന് മുതിർന്ന കോണ്‍ഗ്രസ് നേതാവ് എ.കെ. ആന്‍റണി പറഞ്ഞു. കേന്ദ്ര സംസ്ഥാന സർക്കാരുകൾക്കുള്ള തിരിച്ചടിയാണ് ജനത്തിന്‍റെ വിലയിരുത്തലെന്നും അദ്ദേഹം പറഞ്ഞു.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Pinarayi vijayan malappuram pk kunhalikkutty loksabha election ldf udf

Next Story
മാറാതെ, മറിയാതെ, മലപ്പുറംpk kunhalikutty, malappuram by election2017
The moderation of comments is automated and not cleared manually by malayalam.indianexpress.com