scorecardresearch
Latest News

മുഖ്യമന്ത്രി പദത്തിൽ ഇന്ന് 2,364 ദിവസം പിന്നിടുന്നു, പിണറായി വിജയന് റെക്കോർഡ്

സി.അച്യുതമേനോന്റെ റെക്കോർഡാണ് പിണറായി വിജയൻ മറികടക്കുന്നത്. 2,364 ദിവസമാണ് അച്യുതമേനോൻ തുടർച്ചയായി മുഖ്യമന്ത്രിയായിരുന്നത്

മുഖ്യമന്ത്രി പദത്തിൽ ഇന്ന് 2,364 ദിവസം പിന്നിടുന്നു, പിണറായി വിജയന് റെക്കോർഡ്

തിരുവനന്തപുരം: കേരളത്തിൽ കൂടുതൽ കാലം തുടർച്ചയായി മുഖ്യമന്ത്രിയായതിന്റെ റെക്കോർഡ് നേട്ടവുമായി പിണറായി വിജയൻ. മുഖ്യമന്ത്രിപദത്തിൽ ഇന്ന് 2,364 ദിവസം പിന്നിടുകയാണ് പിണറായി. ഈ ദിനത്തിൽ സി.അച്യുതമേനോന്റെ റെക്കോർഡാണ് അദ്ദേഹം മറികടക്കുന്നത്. 2,364 ദിവസമാണ് അച്യുതമേനോൻ തുടർച്ചയായി മുഖ്യമന്ത്രിയായിരുന്നത്.

അച്യുതമേനോൻ ഒരു മന്ത്രിസഭാ കാലത്താണ് ഈ നേട്ടം കൈവരിച്ചത്. അടിയന്തരാവസ്ഥ കാലമായതിനാലാണ് അച്യുതമേനോന് മന്ത്രിസഭാ കാലാവധി നീട്ടിക്കിട്ടിയത്. 17 ദിവസത്തെ കാവൽ മുഖ്യമന്ത്രിപദം ഉൾപ്പെടെയുള്ള കണക്കാണിത്. എന്നാൽ പിണറായി വിജയൻ തുടർച്ചയായ 2 മന്ത്രിസഭാ കാലത്താണ് ഈ നേട്ടം കൈവരിക്കുന്നത്. രണ്ടു തവണയും ജനവിധിയിലൂടെ തിരഞ്ഞെടുക്കപ്പെട്ടാണ് പിണറായി മുഖ്യമന്ത്രിയായത്.

കേരളത്തിൽ ഏറ്റവും കൂടുതൽ കാലം മുഖ്യമന്ത്രിയായി ഇരുന്നിട്ടുള്ളത് ഇ.കെ.നയനാരാണ്. നയനാർ 10 വർഷവും 353 ദിവസവുമാണ് മുഖ്യമന്ത്രി പദത്തിലിരുന്നത്.

Stay updated with the latest news headlines and all the latest Kerala news download Indian Express Malayalam App.

Web Title: Pinarayi vijayan is the longest consecutive holder of chief minister post in kerala record