തിരുവനന്തപുരം: കർഷകരുടെ പ്രശ്നങ്ങള്‍ ‍ പരിഹരിക്കാന്‍ സംസ്ഥാന തല ബാങ്കേ‍ഴ്സ് സമിതി യോഗം ഇന്ന് ചേരും. യോഗത്തിൽ മുഖ്യമന്ത്രി പിണറായി വിജയൻ കർഷകരുടെ ആത്മഹത്യ അടക്കമുളള പ്രശ്നങ്ങൾ വിശദീകരിക്കും. പ്രളയ ബാധിത പ്രദേശത്തെ കാർഷിക വായ്പകൾക്ക് ഈ വർഷം ഡിസംബർ 31വരെ മൊറട്ടോറിയം പ്രഖ്യാപിക്കണമെന്ന് സർക്കാർ ആവശ്യപ്പെടും.

കര്‍ഷകര്‍ക്ക് എതിരായ ജപ്തി നടപടികള്‍ ചര്‍ച്ച ചെയ്യും. വായ്പ മുടങ്ങിയ കർഷകർക്ക് ബാങ്കുമായി ബന്ധപ്പെട്ട് എന്ത് സഹായമാണ് ചെയ്യാന്‍ കഴിയുകയെന്ന് പരിശോധിക്കും. വായ്പ മുടങ്ങിയ കർഷകർക്ക് ഇനി നോട്ടീസ് അയക്കരുതെന്ന് ബാങ്കുകൾക്ക് സർക്കാർ നിർദേശം നൽകിയേക്കും.

കടാശ്വാസ കമ്മീഷന്‍റെ പരിധിയിൽ പൊതുമേഖലാ വാണിജ്യ ബാങ്കുകളെയും ഉൾപ്പെടുത്തണം. നിലവിൽ സഹകരണ ബാങ്കുകൾ മാത്രമാണ് കമ്മീഷന്‍റെ പരിധിയിലുള്ളത്. കൂടാതെ കാർഷിക വായ്പകൾ പുനർ വായ്പയായി ക്രമീകരിക്കണമെന്നും സർക്കാർ യോഗത്തിൽ ആവശ്യപ്പെടും.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook

.