Latest News

മുഖ്യമന്ത്രിക്ക് പരലോകത്തില്‍ വിശ്വാസമുണ്ടെന്നറിഞ്ഞതില്‍ സന്തോഷമുണ്ടെന്ന് കെ. മുരളീധരന്‍

കെ. കരുണാകരന്‍ പരലോകത്തെത്തിയിട്ട് പോലും മകന്‍ സമാധാനം കൊടുക്കുന്നില്ലന്ന മുഖ്യമന്ത്രിയുടെ പ്രസ്താവന വില കുറഞ്ഞതാണ്

തിരുവനന്തപുരം: കെ. കരുണാകരന്‍ വ്യക്തമായ ലക്ഷ്യത്തോടെയാണ് ലോ അക്കാദമിക്ക് ഭൂമി നല്‍കിയതെന്ന് കെ മുരളീധരന്‍. ആ ലക്ഷ്യത്തില്‍ നിന്നും വ്യതിചലിച്ചത് കൊണ്ടാണ് സമരം ചെയ്യേണ്ടി വന്നതെന്നും അദ്ദേഹം മാധ്യമങ്ങളോട് പറഞ്ഞു. കരുണാകരന്‍ കൊടുത്ത ഭൂമി തിരിച്ചു കൊടുക്കണമെന്ന് ആവശ്യപ്പെട്ടാണ് മുരളീധരന്‍ സമരം ചെയ്യുന്നതെന്ന മുഖ്യമന്ത്രിയുടെ പരാമര്‍ശത്തിന് മറുപടിയുമായാണ് മുരളീധരന്‍ രഗത്തെത്തിയത്.

കെ. കരുണാകരന്‍ പരലോകത്തെത്തിയിട്ട് പോലും മകന്‍ സമാധാനം കൊടുക്കുന്നില്ലന്ന മുഖ്യമന്ത്രിയുടെ പ്രസ്താവന വില കുറഞ്ഞതാണ്. മുഖ്യമന്ത്രിക്ക് ചേരാത്ത പ്രസ്താവനയാണ് പിണറായി നടത്തിയത്. മുഖ്യമന്ത്രിക്ക് പരലോകത്തില്‍ വിശ്വാസമുണ്ടെന്നറിഞ്ഞതില്‍ എനിക്ക് സന്തോഷമുണ്ടെന്നും അദ്ദേഹം പറഞ്ഞു.

മാനേജ്‌മെന്റിന്റെ ശരിയായ വക്താവായി മുഖ്യമന്ത്രിമാറിയിരിക്കുന്നു. പ്രശ്‌നപരിഹാരത്തിനായി മുഖ്യമന്ത്രി ഇതുവരെ യാതൊരു തരത്തിലുള്ള ഇടപടെലും നടത്തിയിട്ടില്ല. കെ മുരളീധരന്റെ സമരത്തെ ഇതു കൊണ്ടൊന്നും തകര്‍ക്കാന്‍ കഴിയുമെന്ന് മുഖ്യമന്ത്രി വിചാരിക്കേണ്ട. കേരളത്തിലെ ജനങ്ങള്‍ എറ്റെടുത്ത സമരമാണിതെന്നും മുരളീധരന്‍ കൂട്ടിച്ചേര്‍ത്തു.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Pinarai vijayan delivers cheap statements says k muraleedharan

Next Story
ട്രാന്‍സ്‌ജെൻഡര്‍ വിഭാഗത്തിന് പ്രത്യേക രാഷ്ട്രീയ പാര്‍ട്ടി വേണ്ട: കൽക്കി സുബ്രഹ്‌മണ്യംkalki subramaniam, transgender
The moderation of comments is automated and not cleared manually by malayalam.indianexpress.com