scorecardresearch
Latest News

മലപ്പുറം പ്രസ് ക്ലബ്ബിൽ കയറി ആർഎസ്എസ് അക്രമം, ഫൊട്ടോഗ്രാഫറെ മർദിച്ചു

ചന്ദ്രിക ദിനപത്രത്തിന്റെ ഫൊട്ടോഗ്രാഫർ ഫുആദിനെയാണ് ആർഎസ്എസുകാർ പ്രസ് ക്ലബ്ബിനുളളിൽ അതിക്രമിച്ചു കയറി ആക്രമിച്ച് പരുക്കേൽപ്പിച്ചത്

മലപ്പുറം:  ഫൊട്ടോഗ്രാഫറെ ആർഎസ്എസുകാർ പ്രസ് ക്ലബ്ബിൽ കയറി മർദിച്ചു. ആർഎസ്എസ്  പ്രകടനത്തിനിടെ ബൈക്ക് യാത്രികനെ മർദിക്കുന്ന ചിത്രം പകർത്തിയതിനാണ് പ്രസ് ക്ലബ്ബിൽ അതിക്രമിച്ച് കയറി ഫൊട്ടോഗ്രാഫറെ മർദ്ദിച്ചത്.

ചന്ദ്രിക ദിനപത്രത്തിന്റെ ഫൊട്ടോഗ്രാഫർ ഫുആദിനെയാണ് ആർഎസ്എസുകാർ പ്രസ് ക്ലബ്ബിനുളളിൽ അതിക്രമിച്ചു കയറി ആക്രമിച്ച് പരുക്കേൽപ്പിച്ചത്. ഫൊട്ടോഗ്രാഫറുടെ മൊബൈൽ​ ഫോണും ആർഎസ്എസുകാർ തട്ടിപ്പറിച്ചുകൊണ്ടുപോയതായി മാധ്യമ പ്രവർത്തകർ പറഞ്ഞു. മർദനത്തിൽ കാലിൽ പരുക്കേറ്റ  ഫൊട്ടോഗ്രാഫറെ മലപ്പുറം കോ- ഓപ്പറേറ്റീവ് ആശുപത്രിയിൽ പ്രവേശിപ്പിച്ചു.

വഴിയാത്രക്കാരനായ അബ്ദുല്ല നവാസിനെ മർദ്ദിക്കുന്ന ചിത്രം പകർത്തിയതിനാണ് ആർഎസ്എസുകാർ പ്രസ് ക്ലബ്ബിൽ അതിക്രമിച്ചു കയറി അക്രമം നടത്തിയത്. സംഭവം സംബന്ധിച്ച് പൊലീസ് കേസെടുത്തു. ഉടൻ​ തന്നെ പ്രതികളെ പിടികൂടുമെന്ന് മലപ്പുറം എസ്‌പി ഉറപ്പ് നൽകിയതായി പ്രസ് ക്ലബ്ബ് ഭാരവാഹികൾ അറിയിച്ചു.

Stay updated with the latest news headlines and all the latest Kerala news download Indian Express Malayalam App.

Web Title: Photographer attacked by rss in malappuram press club

Best of Express