തിരുവനന്തപുരം: പ്രളയം തീര്‍ത്ത ദുരിതത്തില്‍ നിന്നും പതിയെ കയറി വരുന്ന കേരളത്തിന് ഇരുട്ടടിയായി ഇന്ധന വില. പെട്രോളിന് സംസ്ഥാനത്ത് വില 82 രൂപ കടന്നു. തിരുവനന്തപുരത്ത് 82.04 രൂപയാണ് പെട്രോള്‍ വില. ഡീസലിന് 75.53 രൂപയാണ്.

പെട്രോളിന് ലിറ്ററിന് 18 പൈസയും ഡീസലിന് 24 പൈസയുമാണ് അര്‍ധരാത്രിയോടെ വര്‍ധിച്ചത്. അതേസമയം തന്നെ പാചകവാതകത്തിന്റെ വിലയിലും വന്‍ വര്‍ധനവ് ഉണ്ടായിട്ടുണ്ട്. ഗാര്‍ഹിക സിലിണ്ടറിന് 30 രൂപ കൂടി 812.50 രൂപയിലെത്തി. വാണിജ്യ ആവശ്യത്തിനുള്ള ഗ്യാസിന് 47 രൂപ കൂടി 1410.50 രൂപയായി.

സബ്‌സിഡിയുള്ള പാചകവാതകത്തിന് ഡല്‍ഹിയില്‍ 1.49 രൂപയുടെ വര്‍ധനവാണ് ഉണ്ടായിരിക്കുന്നത്. സിലിണ്ടറിന് ഇന്നു മുതല്‍ 499.51 രൂപയാകും.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook

.