പെരിയ ഇരട്ടക്കൊലപാതകം: പ്രതികളെ സഹായിച്ച ഒരാള്‍ കൂടി അറസ്റ്റില്‍

കാസർകോട്: പെരിയ ഇരട്ട കൊലപാതക കേസിൽ ഒരാൾ കൂടി പിടിയിൽ. കൊലപാതകത്തിൽ പങ്കുണ്ടെന്ന് ശരത് ലാലിന്‍റെയും കൃപേഷിന്‍റെയും കുടുംബങ്ങൾ ആരോപിക്കുന്ന വ്യവസായി ശാസ്ത ഗംഗാധരന്‍റെ ഡ്രൈവറാണ് പിടിയിലായത്. ഏച്ചിലടക്കം സ്വദേശി മുരളിയാണ് ക്രൈംബ്രാഞ്ചിന്‍റെ പിടിയിലായത്. ഇയാള്‍ പ്രതികളെ രക്ഷപ്പെടാനും തെളിവ് നശിപ്പിക്കാനും സഹായിച്ചതായി ക്രൈംബ്രാഞ്ച് കണ്ടെത്തിയിട്ടുണ്ട്.