Latest News

പയ്യോളി മനോജ് വധം; പ്രതികളെ രാഷ്ട്രീയ എതിരാളികൾ വിലക്കെടുത്തതായി സിപിഎം

കോഴിക്കോട് ജില്ല സെക്രട്ടറി മോഹനനാണ് മുല്ലപ്പള്ളി രരാമചന്ദ്രനെതിരെ രംഗത്ത് വന്നത്

കോഴിക്കോട്: ബിഎംഎസ് നേതാവായിരുന്ന പയ്യോളിയിലെ മനോജിനെ കൊലപ്പെടുത്തിയ സംഭവത്തിൽ സിപിഎമ്മിന് ബന്ധമില്ലെന്ന് വാദിച്ച് വീണ്ടും കോഴിക്കോട് ജില്ല സെക്രട്ടറി മോഹനൻ രംഗത്ത്. സംഭവത്തിന് പിന്നിൽ രാഷ്ട്രീയ എതിരാളികളുടെ കരുനീക്കമാണെന്ന് ആരോപിച്ച മോഹനൻ, പ്രതികളെ ഇവർ വിലക്കെടുത്തതായും ആരോപിച്ചു.

“സിപിഎമ്മിന് പയ്യോളി മനോജ് വധക്കേസിൽ യാതൊരു ബന്ധവുമില്ല. സിബിഐയെ രാഷ്ട്രീയ എതിരാളിഖൾ ആയുധമാക്കുകയാണ്. ഇതിന് പിന്നിൽ വടകര എംപി മുല്ലപ്പള്ളി രാമചന്ദ്രനും പങ്കുണ്ട്. സംഭവത്തിന് പിന്നിൽ പ്രതികളാക്കപ്പെട്ട ചില സിപിഎം പ്രവർത്തകരെ ഇവർ വിലക്കെടുത്തു”, മോഹനൻ ആരോപിച്ചു.

കേസിൽ സിപിഎമ്മിന് അകത്തെ വിഭാഗീയത മൂലം നിരപരാധിയായ താനടക്കമുളളവരെ പ്രതികളാക്കിയെന്ന് പയ്യോളി മുൻ ലോക്കൽ കമ്മിറ്റി അംഗമായ വടക്കേൽ ബിജു ഇന്നലെ പറഞ്ഞിരുന്നു. പൊലീസ് അവര്‍ക്കു ലഭിച്ച പട്ടിക പ്രകാരമാണ് പ്രതികളെ നിശ്ചയിച്ചതെന്നും പൊലീസ് അന്വേഷണം ശരിയായിരുന്നില്ലെന്നും ഇദ്ദേഹം പറഞ്ഞു. സിബിഐ അന്വേഷണം ശരിയായ ദിശയിലാണെന്നും ബിജു ഒരു വാർത്ത ചാനലിന് നൽകിയ അഭിമുഖത്തിൽ വിശദീകരിച്ചിരുന്നു. ഇതിന് പിന്നാലെയാണ് കോഴിക്കോട് ജില്ല സെക്രട്ടറി ഇതിനെതിരെ രംഗത്ത് എത്തിയത്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Payyoli manoj murder case cpm blamed political opponents of purchasing party workers

Next Story
കേരള കോൺഗ്രസ്സ് (ബി)യെ ചൊല്ലി എൻ സിപിയിൽ ആഭ്യന്തര കലഹംncp and kerala congress (B)
The moderation of comments is automated and not cleared manually by malayalam.indianexpress.com