Latest News
സംസ്ഥാനത്ത് ലോക്ക്ഡൗണ്‍ ഇളവുകള്‍ ഇന്ന് മുതല്‍ തുടരും
രാജ്യത്തിന് ആശ്വാസം; 90 ശതമാനം ജില്ലകളിലും കേസുകള്‍ കുറയുന്നു
പുതിയ വാക്സിന്‍ നയം പ്രാബല്യത്തില്‍; 18 വയസിന് മുകളില്‍ ഉള്ളവര്‍ക്ക് സൗജന്യം
ഇന്‍ജുറി ടൈമില്‍ ഗോള്‍; ഇക്വഡോറിനെ സമനിലയില്‍ തളച്ച് വെനസ്വേല
മഹാമാരിക്കാലത്ത് യോഗയ്ക്ക് പ്രസ്ക്തിയേറെ: പ്രാധാനമന്ത്രി
രാജ്യത്ത് 53,256 പുതിയ കേസുകള്‍; 1,422 മരണം

പത്തനംതിട്ടയിലെ കാനറ ബാങ്ക് ശാഖയിൽ 8.13 കോടിയുടെ തട്ടിപ്പ്, ജീവനക്കാരൻ കുടുംബത്തോടെ ഒളിവിൽ

പത്തനംതിട്ട നഗരത്തിലെ കനറാ ബാങ്ക് രണ്ടാംശാഖയിലെ കാഷ്യർ കം ക്ലർക്കാണ് വിജീഷ്

bank, ie malayalam

പത്തനംതിട്ട: പത്തനംതിട്ടയിലെ കാനറ ബാങ്ക് ശാഖയിൽ കോടികളുടെ തട്ടിപ്പ്. 14 മാസത്തിനിടെ 8.13 കോടി രൂപ തട്ടിപ്പ് നടത്തിയ ബാങ്ക് ജീവനക്കാരൻ ഇപ്പോൾ ഒളിവിലാണ്. കൊല്ലം സ്വദേശി വിജീഷ് വർഗീസാണ് വിവിധ അക്കൗണ്ടുകളിൽനിന്ന് കോടികളുടെ തട്ടിപ്പ് നടത്തിയത്. ഒളിവിലായ ഇയാൾക്കുവേണ്ടി പൊലീസ് തിരച്ചിൽ തുടങ്ങിയിട്ടുണ്ട്.

ഫെബ്രുവരിയിലാണ് തട്ടിപ്പിനെക്കുറിച്ച് ബാങ്ക് അധികൃതർക്ക് ആദ്യം വിവരം ലഭിച്ചത്. ബാങ്ക് നടത്തിയ ഒരുമാസം നീണ്ട ഓഡിറ്റിലാണ് കോടിക്കണക്കിന് രൂപയുടെ തട്ടിപ്പ് കണ്ടെത്തിയത്. ദീർഘകാലത്തെ സ്ഥിരനിക്ഷേപങ്ങളിൽനിന്നും കാലാവധി കഴിഞ്ഞിട്ടും പണം പിൻവലിക്കാത്ത അക്കൗണ്ടുകളിൽനിന്നുമാണ് വിജീഷ് പണം തട്ടിയത്. പത്തനംതിട്ട നഗരത്തിലെ കനറാ ബാങ്ക് രണ്ടാംശാഖയിലെ കാഷ്യർ കം ക്ലർക്കാണ് വിജീഷ്.

Read More: സംസ്ഥാനത്ത് മഴ തുടരും; ഇന്നലെ തലസ്ഥാനം മുങ്ങി, ജില്ലകളിൽ മഞ്ഞ, ഓറഞ്ച് അലർട്ട്

ഫെബ്രുവരി 11 മുതൽ വിജീഷ് ഒളിവിലാണ്. ഭാര്യയ്ക്കും മക്കൾക്കുമൊപ്പമാണ് ഇയാൾ മുങ്ങിയത്. ഇയാൾ ഉപയോഗിച്ചിരുന്ന കാർ കൊച്ചിയിലെ സുഹൃത്തിന്റെ ഫ്ളാറ്റിൽനിന്നും പൊലീസ് കണ്ടെത്തിയിട്ടുണ്ട്. നേവിയിൽ ഉദ്യോഗസ്ഥനായിരുന്ന വിജീഷ് ഉത്തരേന്ത്യയിൽ ഒളിവിൽ കഴിയുകയാണെന്നാണ് പൊലീസ് നിഗമനം.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Pathanamthitta canara bank money fraud

Next Story
ഇന്ധന വില കുതിക്കുന്നു; തുടർച്ചയായി മൂന്നാം ദിവസവും വില കൂട്ടി
The moderation of comments is automated and not cleared manually by malayalam.indianexpress.com