Latest News
കോവിഡ് മുക്തരിലെ ക്ഷയരോഗം: മാർഗനിർദേശവുമായി ആരോഗ്യ വകുപ്പ്
രണ്ടാം തരംഗം കേരളത്തിന് കടുപ്പമായി; മരണങ്ങളിൽ പകുതിയും 40 ദിവസത്തിനിടെ
Coronavirus India Live Updates: 150 രൂപയ്ക്ക് കോവാക്സിന്‍ കേന്ദ്രത്തിന് നല്‍കുന്നത് ലാഭകരമല്ല: ഭാരത് ബയോടെക്

പാലിയേക്കര ടോൾ പ്ലാസ: അഞ്ച് വർഷം കൊണ്ട് പിരിച്ചത് 454.89 കോടി; 11 വർഷത്തെ കരാർ ബാക്കി നിൽക്കെ കൊളളലാഭം കൊയ്യുന്നു

ആകെ 721.17 കോടി രൂപയാണ് പാതയുടെ നിര്‍മ്മാണത്തിനായി കമ്പനി ചെലവഴിച്ചത്

Paliekkara

തൃശൂര്‍: ദേശീയ പാതയിലെ പാലിയേക്കര ടോള്‍ പ്ലാസയിലെ ടോൾ പിരിവിലൂടെ നിര്‍മ്മാണ കമ്പനി കോടികള്‍ കൊയ്യുന്നതായി റിപ്പോര്‍ട്ടുകൾ. പാത നിര്‍മിച്ച് അഞ്ച് വര്‍ഷം കഴിയുമ്പോഴേക്കും നിര്‍മാണ കരാര്‍ ഏറ്റെടുത്ത കമ്പനി 65 ശതമാനം ചെലവ് തുക ടോളിലൂടെ പിരിച്ചെടുത്തു. 2028 വരെ ഈ പാതയില്‍ ടോള്‍ പിരിക്കനുള്ള അനുമതി കമ്പനിക്കുണെന്നും മാതൃഭൂമി ന്യൂസ് റിപ്പോട്ട് ചെയ്യുന്നു.

ആകെ 721.17 കോടി രൂപയാണ് പാതയുടെ നിര്‍മ്മാണത്തിനായി കമ്പനി ചെലവഴിച്ചത്. 2012 സെപ്തംബര്‍ 9 മുതല്‍ 2017 ഏപ്രില്‍ 30 വരെ 454.89 കോടി രൂപ ഇതിനോടകം തന്നെ കമ്പനി ടോള്‍ ഇനത്തില്‍ പിരിച്ചെടുത്തിട്ടുണ്ട്.
ഏറ്റവും പുതിയ കരാര്‍ പ്രകാരം 2028 വരെ ടോള്‍ പിരിക്കാന്‍ കമ്പനിക്ക് സാധിക്കും. അഞ്ചുവര്‍ഷം കൊണ്ട് 65 ശതമാനം പിരിച്ചെടുത്ത കമ്പനി ടോള്‍ തുടരുന്നതിലൂടെ കൊള്ളലാഭമാണ് കൊയ്യുന്നതെന്ന് ആരോപണം ഇതിനോടകം ഉയര്‍ന്നു കഴിഞ്ഞു. ബാക്കിയുള്ള 35 ശതമാനം തുക പിരിക്കാന്‍ ഇനി 11 വര്‍ഷം കമ്പനിക്ക് ബാക്കിയുണ്ടെന്നിരിക്കെ കരാര്‍ റീ സര്‍വ്വെ നടത്തി പുതുക്കണമെന്ന ആവശ്യവും ഉയരുന്നുണ്ട്.

2012ല്‍ കരാര്‍ നല്‍കുന്ന സമയത്ത് ശരാശരി 9000 വാഹനങ്ങളായിരുന്നു ടോള്‍പ്ലാസ വഴി കടന്നപോയിരുന്നത്. ഇന്ന് ഏകദേശം 24000 വാഹനങ്ങളായി ഇത് ഉയര്‍ന്നിട്ടുണ്ടെന്നാണ് കണക്കുകള്‍. ഈ ആനുപാതിക കണക്കുകള്‍ നോക്കുമ്പോള്‍ 2028 ആകുമ്പോഴേക്കും 2500-3000 കോടി രൂപ കമ്പനിക്ക് പിരിച്ചെടുക്കാനാകും.
വാഹനങ്ങളുടെ എണ്ണത്തിന് ആനുപാതികമായി ടോള്‍ നിരക്ക് കുറക്കണമെന്ന ആവശ്യം നേരത്തെ തന്നെ ഉയര്‍ന്നിരുന്നു.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Paliekkara toll plaza 65 percent collected in just five years 11 years to go

Next Story
‘ദേഹത്തും മുറിയിലും രക്തം ഒലിച്ചിരുന്നു’; നടൻ ശ്രീനാഥിന്റെ മരണത്തിന് തൊട്ടുമുമ്പ് മുറിയിൽ രണ്ടുപേർ എത്തിയിരുന്നെന്ന് മൊഴിSreenath
The moderation of comments is automated and not cleared manually by malayalam.indianexpress.com
Best of Express