Latest News

കണ്ണൂരിൽ പി.ജയരാജൻ വീണ്ടും ജില്ലാ സെക്രട്ടറി; ജില്ലാ കമ്മിറ്റിയിൽ ആറ് പുതുമുഖങ്ങൾ

2010 ൽ താത്കാലിക ചുമതലയേറ്റെടുത്ത് ജില്ലാ സെക്രട്ടറി സ്ഥാനത്തേക്ക് വന്ന പി.ജയരാജൻ പിന്നീട് നടന്ന രണ്ട് പാർട്ടി സമ്മേളനങ്ങളിലും സെക്രട്ടറിയായി തിരഞ്ഞെടുക്കപ്പെട്ടു.

kathiroor manoj muder case, കതിരൂര്‍ മനോജ് വധക്കേസ്, p jayarajan, പി ജയരാജൻ, uapa, യുഎപിഎ, cbi, സിബിഐ, kerala high court, ഹൈക്കോടതി, cpm,സിപിഎം, bjp,ബിജെപി, rss, ആർഎസ്എസ്,  malayalam news, news malayalam, malayalam news, malayalam varthakal, മലയാളം വാര്‍ത്തകള്‍, today malayalam news, today news malayalam, todays malayalam news, malayalam today's news, ഇന്നത്തെ മലയാളം വാര്‍ത്തകള്‍, news in malayalam, വാര്‍ത്തകള്‍ മലയാളത്തില്‍, kerala news headlines, കേരള വാര്‍ത്തകള്‍, latest news, പുതിയ വാര്‍ത്തകള്‍, katest malayalam news, പുതിയ മലയാളം വാര്‍ത്തകള്‍, indian express malayalam, ഇന്ത്യന്‍ എക്‌സ്പ്രസ് മലയാളം, ie malayalam, ഐഇ മലയാളം

കണ്ണൂർ: സിപിഎം കണ്ണൂർ ജില്ല സമ്മേളനത്തിൽ പി.ജയരാജനെ വീണ്ടും ജില്ലാ സെക്രട്ടറിയായി തിരഞ്ഞെടുത്തു. ഇത് മൂന്നാം വട്ടമാണ് ജയരാജൻ ജില്ല സെക്രട്ടറിയാവുന്നത്. താത്കാലിക ചുമതലയടക്കം ഇതിനോടകം തുടർച്ചയായി ഏഴ് വർഷം പി.ജയരാജൻ ജില്ലാ സെക്രട്ടറി പദത്തിൽ പൂർത്തിയാക്കി.

ആറ് പുതുമുഖങ്ങളടക്കം 49 അംഗ ജില്ലാ കമ്മിറ്റിയെയാണ് തിരഞ്ഞെടുത്തിരിക്കുന്നത്. ഡിവൈഎഫ്ഐ ജില്ലാസെക്രട്ടറി വി.കെ.സിനോജിനെ ജില്ലാകമ്മിറ്റിയിൽ ഉൾപ്പെടുത്തി. കെ.കുഞ്ഞപ്പ, പി.വാസുദേവൻ എന്നിവരെ ഒഴിവാക്കി. 2010 ഡിസംബറിൽ പി.ശശിയ്ക്ക് എതിരെ സ്വീകരിച്ച അച്ചടക്കനടപടിയെ തുടർന്നാണ് പി.ജയരാജൻ ജില്ലാ സെക്രട്ടറിയായത്. 2012 ൽ പയ്യന്നൂരിലും 2015 ൽ കൂത്തുപറമ്പിലും നടന്ന ജില്ലാ സമ്മേളനങ്ങളിൽ ജയരാജനെ വീണ്ടും ജില്ലാ സെക്രട്ടറിയായി തിരഞ്ഞെടുത്തു.

നേരത്തേ പി.ജയരാജനെതിരെ വ്യക്തിപൂജ വിവാദം ഉയർന്ന സാഹചര്യത്തിൽ അദ്ദേഹത്തെ പാർട്ടി സംസ്ഥാന കമ്മിറ്റി താക്കീത് ചെയ്തിരുന്നു. ഇതേ തുടർന്ന് ഈ സമ്മേളനത്തിൽ അദ്ദേഹം സെക്രട്ടറി സ്ഥാനത്തേക്ക് തുടർന്നേക്കില്ല എന്നും വാർത്തകളുണ്ടായിരുന്നു. ജില്ലാ സമ്മേളനത്തിൽ ജില്ല സെക്രട്ടറിക്ക് വിമർശനത്തേക്കാളേറെ പിന്തുണ ലഭിച്ചതായാണ് സൂചന.

എസ്എഫ്ഐ ജില്ല സെക്രട്ടറി, സിപിഎം ഏരിയ സെക്രട്ടറി, കൂത്തുപറമ്പിൽ നിന്ന് മൂന്നുവട്ടം എംഎൽഎ, ദേശാഭിമാനി ജനറൽ മാനേജർ തുടങ്ങി നിരവധി ചുമതലകൾ വഹിച്ചിരുന്നു.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: P jayarajan re elected as cpm kannur jilla secretary

Next Story
പാഴാക്കാൻ വെള്ളമില്ല; ജലപീരങ്കിക്ക് താൽക്കാലിക വിശ്രമംpalakkad, water cannon, strike
The moderation of comments is automated and not cleared manually by malayalam.indianexpress.com