Latest News
കളം നിറഞ്ഞ് നെയ്മര്‍; ബ്രസീലിന് ഉജ്വല ജയം
സംസ്ഥാനത്ത് മഴ തുടരുന്നു; ഇന്ന് 11 ജില്ലകളില്‍ യെല്ലോ അലര്‍ട്ട്
ലോക്ക്ഡൗണ്‍ ഇളവുകളില്‍ തീരുമാനം ഇന്ന്; എറണാകുളത്ത് കടയടപ്പ് സമരം
ഏപ്രില്‍ ഒന്നിന് ശേഷം കോവിഡ് മരണനിരക്കില്‍ വര്‍ധന; നാല് സംസ്ഥാനങ്ങളില്‍ ഇരട്ടിയിലധികം
70,421 പുതിയ രോഗബാധിതര്‍; സജീവ കേസുകള്‍ പത്ത് ലക്ഷത്തില്‍ താഴെ

ജീവൻ പകുത്തുനൽകി ഡോക്‌ടർ യാത്രയായി; അഖിലേഷിന്റെ ഓണസമ്മാനം

അവസാന സമയത്തും ‘മറ്റുള്ളവരുടെ ജീവൻ രക്ഷിക്കുക’ എന്ന ഒരു ഡോക്‌ടറുടെ കർത്തവ്യം നിറവേറ്റിയാണ് അഖിലേഷ് യാത്രയായത്

കോഴിക്കോട്: മരണത്തിനും തോൽപ്പിക്കാനായില്ല, മറ്റുള്ളവർക്ക് ജീവൻ പകുത്തുനൽകിയാണ് ഡോ.അഖിലേഷ് വിട പറയുന്നത്. മസ്‌തിഷ്‌കാഘാതത്തെ തുടർന്നു മരിച്ച കോഴിക്കോട് സ്വദേശി ഡോ.അഖിലേഷിന്റെ അവയവങ്ങൾ ദാനം ചെയ്‌തു.

മസ്‌തിഷ്‌കാഘാതത്തെ തുടർന്ന് മസ്‌തിഷ്‌ക മരണം സംഭവിച്ച കോഴിക്കോട് സ്വദേശിയായ ഡോ.അഖിലേഷിനെ (46) ബേബി മെമ്മോറിയൽ ഹോസ്‌പിറ്റലിൽ എത്തിക്കുകയായിരുന്നു. അവസാന സമയത്തും ‘മറ്റുള്ളവരുടെ ജീവൻ രക്ഷിക്കുക’ എന്ന ഒരു ഡോക്‌ടറുടെ കർത്തവ്യം നിറവേറ്റിയാണ് അഖിലേഷ് യാത്രയായത്. അഖിലേഷിന്റെ അവയവങ്ങൾ അഞ്ച് പേർക്ക് ഓണസമ്മാനമായി ലഭിച്ചു. ഒരുപക്ഷെ, അവരുടെ ജീവിതത്തിലെ ഏറ്റവും അമൂല്യമായ ഓണസമ്മാനം.

Read Also: പൂച്ചയ്ക്കുള്ള കൊറോണവൈറസ് മരുന്ന് മനുഷ്യരില്‍ പരീക്ഷിക്കുന്നു

ഡോ. അഖിലേഷിന്റെ ഒരു വൃക്ക 57 വയസ്സുള്ള രോഗിക്കാണ് മാറ്റിവച്ചത്. വർഷങ്ങളായി ബേബി മെമ്മോറിയൽ ഹോസ്‌പിറ്റലിൽ ഡയാലിസിസ് ചികിത്സയിലായിരുന്നു ഇദ്ദേഹം. ഡോ.സുനിൽ ജോർജ് നേതൃത്വം നൽകുന്ന വൃക്കരോഗ വിദഗ്‌ധർ ഡോ.പൗലോസ് ചാലിയുടെ യൂറോളജി സംഘം, ഡോ.ജിതിനും ഡോ.ദീപയും അടങ്ങുന്ന അനസ്‌തേഷ്യ സംഘം എന്നിവരുടെ ദീർഘനേരത്തെ പരിശ്രമമാണ് അവയവങ്ങൾ മാറ്റിവയ്‌ക്കൽ വിജയകരമായി പൂർത്തിയാക്കിയതിന് പിന്നിൽ.

ന്യൂറോ സർജൻ ഡോ.ശിവകുമാറും, ഡോ. അനൂപിന്റെ നേതൃത്വത്തിലുള്ള ക്രിട്ടിക്കൽ കെയർ സംഘവും അവയവ മാറ്റത്തിന് ആവശ്യമായ സഹായങ്ങൾ നൽകി. ഡോ. അഖിലേഷിന്റെ രണ്ട് കണ്ണുകൾ കോംട്രസ്റ്റ് ആശുപത്രിയ്ക്കും കരളും ഒരു വൃക്കയും മിംസ് ആശുപത്രിയ്ക്കും കൈമാറി.

അവയവ മാറ്റത്തിന് ആവശ്യമായ ഔപചാരിക നടപടികൾ മൃതസഞ്ജീവനിയുമായി ചേർന്ന് ക്ലിനിക്കൽ കോർഡിനേറ്റർ നിധിൻ രാജും കസ്റ്റമർ റിലേഷൻസ് സംഘവും സമയബന്ധിതമായി പൂർത്തിയാക്കുകയായിരുന്നു.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Organ donation dr akhilesh kozikkode

Next Story
സ്വർണക്കടത്ത് കേസ് അന്വേഷണത്തിൽ ഉത്‌കണ്‌ഠ, സിപിഎമ്മും ബിജെപിയും തമ്മിൽ അന്തർധാര വ്യക്തം: ചെന്നിത്തലRamesh Chennathala, രമേശ് ചെന്നിത്തല, statement on rape, വിവാദ പ്രസ്താവന, controversy statement, IE Malayalam, ഐഇ മലയാളം
The moderation of comments is automated and not cleared manually by malayalam.indianexpress.com