തിരുവനന്തപുരം: സംസ്ഥാനത്ത് 29 പേര്‍ക്കു കൂടി ഒമിക്രോണ്‍ സ്ഥിരീകരിച്ചതായി ആരോഗ്യ മന്ത്രി വീണാ ജോര്‍ജ് അറിയിച്ചു. തിരുവനന്തപുരം-10, ആലപ്പുഴ-ഏഴ്, തൃശൂര്‍-ആറ്, മലപ്പുറം-ആറ് എന്നിങ്ങനെയാണു രോഗം സ്ഥിരീകരിച്ചത്.
25 പേര്‍ ലോ റിസ്‌ക് രാജ്യങ്ങളില്‍നിന്നും രണ്ടുപേര്‍ ഹൈ റിസ്‌ക് രാജ്യങ്ങളില്‍നിന്നും വന്നതാണ്. രണ്ടു പേര്‍ക്കാണ് സമ്പര്‍ക്കത്തിലൂടെ രോഗം പിടിപെട്ടത്. ആലപ്പുഴ സ്വദേശികളാണ് ഇവര്‍.
തിരുവനന്തപുരത്ത് ഒൻപതു പേര്‍ യുഎഇയില്‍നിന്നും ഒരാള്‍ ഖത്തറില്‍നിന്നും വന്നതാണ്. ആലപ്പുഴയില്‍ മൂന്നു പേര്‍ യുഎഇയില്‍ നിന്നും രണ്ടുപേർ യുകെയില്‍ നിന്നും തൃശൂരില്‍ മൂന്നു പേര്‍ കാനഡയില്‍ നിന്നും രണ്ടു പേര്‍ യഎഇയില്‍നിന്നും ഒരാള്‍ കിഴക്കനാഫ്രിക്കയില്‍നിന്നും മലപ്പുറത്ത് ആറുപേര്‍ യുഎഇയില്‍നിന്നും വന്നതാണ്.
Also Read: ഡല്‍ഹിയില്‍ 84 ശതമാനം സാമ്പികളുകളില്‍ ഒമിക്രോണ്‍; കൊല്‍ക്കത്തയില്‍ നൂറിലധികം ഡോക്ടര്‍മാര്‍ക്ക് കോവിഡ്
ഇതോടെ ആകെ 181 പേര്‍ക്കാണ് ഒമിക്രോണ്‍ സ്ഥിരീകരിച്ചത്. ഹൈ റിസ്‌ക് രാജ്യങ്ങളില്‍നിന്ന് 52 പേരും ലോ റിസ്‌ക് രാജ്യങ്ങളില്‍നിന്നു 109 പേരും എത്തി്. 20 പേര്‍ക്കാണു സമ്പര്‍ക്കത്തിലൂടെ രോഗം ബാധിച്ചത്.
ചികിത്സയിലായിരുന്ന 42 പേരെ ഇതുവരെ ഡിസ്ചാര്‍ജ് ചെയ്തു. എറണാകുളം- 16, തിരുവനന്തപുരം- 15, തൃശൂര്‍-നാല്, ആലപ്പുഴ-മൂന്ന്, പത്തനംതിട്ട, കോട്ടയം, മലപ്പുറം, കണ്ണൂര്‍- ഒരാള്‍ വീതം എന്നിങ്ങനെയാണ് ഡിസ്ചാര്‍ജ് ചെയ്തത്. ഇനി 139 പേരാണ് ചികിത്സയിലുള്ളത്.
