Latest News

സംസ്ഥാനത്ത് രാത്രികാല നിയന്ത്രണങ്ങൾ ആരംഭിച്ചു; പുറത്തിറങ്ങുന്നവർ സാക്ഷ്യപത്രം കരുതണം

പുതുവത്സരാഘോഷങ്ങളും രാത്രി പത്തിനുശേഷം അനുവദിക്കില്ല

covid 19, coronavirus, covid 19 india, coronavirus india, covid 19 second wave, coronavirus second wave, lockdown, delhi lockdown, rajasthan lockdown, delhi lockdown date, delhi lockdown rules, rajasthan lockdown date, rajasthan lockdown rules, lockdown news, corona cases in india, coronavirus news, covid 19 latest news, maharashtra covid 19 cases,coronavirus latest news, ie malayalam
എറണാകുളം എം ജി റോഡ് ജംഗ്ഷനിലെ വാഹന പരിശോധന (ഫയൽ ചിത്രം)

തിരുവനന്തപുരം: ഒമിക്രോൺ വ്യാപനത്തിന്റെ പശ്ചാത്തലത്തിൽ സംസ്ഥാനത്ത് പ്രഖ്യാപിച്ച രാത്രികാല നിയന്ത്രണങ്ങൾ ആരംഭിച്ചു. ജനുവരി രണ്ടു വരെ രാത്രി പത്തു മുതൽ പുലർച്ചെ അഞ്ചുവരെയാണ് നിയന്ത്രണം. ദേവാലയങ്ങളിൽ ഉൾപ്പെടെ നടത്തുന്ന മത, സാമൂഹിക, രാഷ്ട്രീയ കൂടിച്ചേരലുകള്‍ക്കെല്ലാം വിലക്കേര്‍പ്പെടുത്തിയിട്ടുണ്ട്. അടിയന്തര ആവശ്യങ്ങൾക്കായി പുറത്തിറങ്ങുന്നവർ സ്വയം സാക്ഷ്യപത്രം കരുതണം.

ദേവാലയങ്ങള്‍ക്കു പുറമെ ബാറുകൾ, ക്ലബ്ബുകൾ, ഹോട്ടലുകൾ, റസ്റ്ററന്റുകൾ, ഭക്ഷണശാലകൾ തുടങ്ങിയ ഇടങ്ങളിലും രാത്രി 10നു ശേഷം ആള്‍ക്കൂട്ടം അനുവദിക്കില്ല. കടകൾ 10 മണിക്ക് അടയ്ക്കണം.

ആൾക്കൂട്ടങ്ങൾ ഉണ്ടാകാൻ സാധ്യതയുളള ബീച്ചുകൾ, ഷോപ്പിങ് മാളുകൾ, പബ്ലിക് പാർക്കുകൾ, തുടങ്ങിയ പ്രദേശങ്ങളിലും നിയന്ത്രണമുണ്ടാകും. പുതുവത്സരാഘോഷങ്ങൾ രാത്രി പത്തിനുശേഷം അനുവദിക്കില്ല.

അതേസമയം, ശബരിമല, ശിവഗിരി തീർത്ഥാടകരെ രാത്രികാല നിയന്ത്രണങ്ങളിൽനിന്ന് ഒഴിവാക്കിയിട്ടുണ്ട്. വരും ദിവസങ്ങളിലെ രോഗവ്യാപനം കണക്കിലെടുത്താകും ജനുവരി രണ്ടിനു ശേഷം രാത്രികാല നിയന്ത്രണങ്ങൾ തുടരണമോയെന്ന കാര്യത്തിൽ തീരുമാനമുണ്ടാവുക.

Also Read: രാജ്യത്ത് കോവിഡ് കേസുകൾ വരും ദിവസങ്ങളിൽ വർധിക്കാൻ സാധ്യത; മുന്നറിയിപ്പുമായി കേംബ്രിഡ്ജ് ഗവേഷകർ

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Omicron kerala night curfew from today

The moderation of comments is automated and not cleared manually by malayalam.indianexpress.com
Best of Express