scorecardresearch
Latest News

ഓഖി ചുഴലിക്കാറ്റ്: ഏഴാം ദിനവും രക്ഷാപ്രവർത്തനം തുടരുന്നു

നാവികസേനയുടെ പത്ത് കപ്പലുകളാണ് തിരച്ചിലിനുള്ളത്

ഓഖി ചുഴലിക്കാറ്റ്: ഏഴാം ദിനവും രക്ഷാപ്രവർത്തനം തുടരുന്നു

തിരുവനന്തപുരം: ഓഖി ചുഴലിക്കാറ്റില്‍ കടലില്‍ കാണാതായവര്‍ക്ക് വേണ്ടിയുള്ള തിരച്ചില്‍ ഏഴാം ദിനവും തുടരുന്നു. സര്‍ക്കാര്‍ കണക്കില്‍ 92 പേരെയാണ് ഇനി കണ്ടെത്താനുള്ളതന്നാണ് ഔദ്യോഗിക ഭാഷ്യം. മത്സ്യത്തൊഴിലാളികളെ കൂടെ കൂട്ടിയാണ് നാവികസേന തിരച്ചില്‍ നടത്തുന്നത്. നാവികസേനയുടെ പത്ത് കപ്പലുകളാണ് തിരച്ചിലിനുള്ളത്. കഴിഞ്ഞ ദിവസം നാല് പേരുടെ മൃതദേഹങ്ങള്‍ തീരത്തെത്തിച്ചിരുന്നു.

അതേസമയം കേരളത്തിലും തമിഴ്നാട്ടിലുമായി ഇതുവരെ 39 പേർ മരിച്ചതായി കേന്ദ്ര ആഭ്യന്തര മന്ത്രാലയം സ്ഥിരീകരിച്ചു. കടലിൽ മത്സ്യബന്ധനത്തിന് പോയ 167 പേരെ ഇനിയും കണ്ടുകിട്ടിയില്ലെന്നും കേന്ദ്ര ആഭ്യന്തര മന്ത്രാലയം പുറത്തിറക്കിയ അറിയിപ്പിൽ പറയുന്നു.

കാണാതായവരിൽ തമിഴ്നാട്, ലക്ഷദ്വീപ്, മഹാരാഷ്ട്ര, ഗോവ സംസ്ഥാനങ്ങളിലെ മത്സ്യത്തൊഴിലാളികളും ഉൾപ്പെട്ടിട്ടുണ്ട്. കേരളത്തിൽ നിന്ന് ഇനിയും 92 പേരെ കണ്ടെത്താനുണ്ടെന്നാണ് വിവരം. എന്നാൽ 108 പേരെ കണ്ടുകിട്ടാനുണ്ടെന്ന് ലത്തീൻ കത്തോലിക്ക ആർച്ച് ബിഷപ് സൂസെപാക്യം പറഞ്ഞിരുന്നു.

Stay updated with the latest news headlines and all the latest Kerala news download Indian Express Malayalam App.

Web Title: Ockhi cyclone rescue operation continue in seventh day