തിരുവനന്തപുരം: വേതന വർധന ആവശ്യപ്പെട്ട് സമരം ചെയ്യുന്ന നഴ്സിങ്ങ് സംഘടനകളുമായി തൊഴിൽ മന്ത്രി നാളെ ചർച്ച നടത്തും. ഇന്ത്യന്‍ നഴ്‌സസ് അസോസിയേഷന്‍ (ഐഎന്‍എ), യുണൈറ്റഡ് നഴ്‌സസ് അസോസിയേഷന്‍ (യുഎന്‍എ) എന്നീ സംഘടനകളുമായിട്ടാണ് മന്ത്രി ചർച്ച നടത്തുക. രാവിലെ 11 ന് ഐഎന്‍എയുമായും വൈകിട്ട് നാലിന് യുഎന്‍എയുമായും ചര്‍ച്ച നടത്തും.
വേതന വർധനവ് ആവശ്യപ്പെട്ട് സ്വകാര്യ ആശുപത്രികളിൽ ജോലി ചെയ്യുന്ന നഴ്സുമാർ നടത്തുന്ന സമരം വിവിധ ജില്ലകളിലേക്ക് വ്യാപിച്ചിരിക്കുകയാണ്. മിനിമം വേതനം 21000 രൂപ ആക്കണമെന്നാണ് സമരക്കാരുടെ ആവശ്യം. എന്നാൽ ഇത്രയും വലിയ വർധനവ് വരുത്താൻ കഴിയില്ല എന്ന നിലപാടിലാണ് ആശുപത്രി ഉടമകൾ.
സംസ്ഥാനത്ത് പനപടരുന്ന സാഹചര്യത്തിൽ നഴ്സുമാർ നടത്തുന്ന സമരം നിർത്തിവയ്ക്കണമെന്ന് നേരത്തെ ആരോഗ്യമന്ത്രി കെ.കെ. ഷൈലജ ആവശ്യപ്പെട്ടിരുന്നു. സമരവുമായി ബന്ധപ്പെട്ടു ജൂലൈ പത്തിനു ചർച്ച തീരുമാനിച്ചിട്ടുണ്ടെന്നും സമരം നിർത്തിവച്ച് സഹകരിക്കണമെന്നും മന്ത്രി ആവശ്യപ്പെട്ടു. തൊഴിൽ വകുപ്പിനെ ഉപയോഗിച്ച് നിയമ നിർമാണം നടത്താൻ സർക്കാർ ശ്രമിക്കുന്നുണ്ട് എന്ന് മന്ത്രി പറഞ്ഞു.
Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook
.
