തി​രു​വ​ന​ന്ത​പു​രം: നി​പ്പാ വൈ​റ​സി​നെ​ക്കു​റി​ച്ച് തെ​റ്റാ​യ പ്ര​ചാ​ര​ണം ന​ട​ത്തി​യ ജേ​ക്ക​ബ് വ​ട​ക്ക​ഞ്ചേ​രി​ക്കും മോ​ഹ​ന​ൻ വൈ​ദ്യ​ർ​ക്കു​മെ​തി​രെ പോ​ലീ​സ് കേ​സെ​ടു​ത്തു. തൃ​ത്താ​ല പോ​ലീ​സാ​ണു കേ​സ് ര​ജി​സ്റ്റ​ർ ചെ​യ്ത​ത്. സ്വ​കാ​ര്യ ആ​യു​ർ​വേ​ദ ഡോ​ക്ട​ർ​മാ​രു​ടെ സം​ഘ​ട​ന ന​ൽ​കി​യ പ​രാ​തി​യി​ലാ​ണു കേ​സ്. രോഗത്തെക്കുറിച്ച് സമൂഹമാദ്ധ്യമങ്ങളിൽ വ്യാജസന്ദേശങ്ങൾ പ്രചരിപ്പിക്കുന്നവർക്കെതിരെ കടുത്ത നടപടികൾ സ്വീകരിക്കുമെന്ന് ഡി.ജി.പി ലോക്നാഥ് ബെഹ്റ കഴിഞ്ഞ ദിവസം വ്യക്തമാക്കിയിരുന്നു.

പ്ര​കൃ​തി ചി​കി​ത്സ​ക​നെ​ന്ന് സ്വ​യം അ​വ​കാ​ശ​പ്പെ​ടു​ന്ന ജേ​ക്ക​ബ് വ​ട​ക്ക​ഞ്ചേ​രി​യും മോ​ഹ​ന​നും സ​മൂ​ഹ​മാ​ധ്യ​മ​ങ്ങ​ൾ വ​ഴി അ​ശാ​സ്ത്രീ​യ​മാ​യ കാ​ര്യ​ങ്ങ​ൾ പ്ര​ച​രി​പ്പി​ച്ചി​രു​ന്നു. നി​പ്പാ വൈ​റ​സ് എ​ന്നൊ​രു വൈ​റ​സ് ഇ​ല്ലെ​ന്നും മ​രു​ന്നു​മാ​ഫി​യ​യാ​ണ് ഇ​തി​നു പി​ന്നി​ലെ​ന്നു​മാ​യി​രു​ന്നു ജേ​ക്ക​ബ് വ​ട​ക്ക​ഞ്ചേ​രി​യു​ടെ പ്ര​ച​ര​ണം. കീ​ട​നാ​ശി​നി​ക​ളോ, ഭ​ക്ഷ​ണ​ത്തി​ലെ പ്ര​ശ്ന​മോ ആ​ണ് പേ​രാ​ന്പ്ര​യി​ലു​ണ്ടാ​യ മ​ര​ണ​ങ്ങ​ൾ​ക്കു കാ​ര​ണ​മെ​ന്നും വ​ട​ക്ക​ഞ്ചേ​രി പ​റ​യു​ന്നു.

ഇതെല്ലാം മരുന്നുമാഫിയയുടെ തട്ടിപ്പാണെന്ന് ആവർത്തിച്ച് പ്രകൃതി ചികിത്സകൻ ജേക്കബ് വടക്കഞ്ചേരി രംഗത്തെത്തിയതിന് പിന്നാലെയാണ് നിപ്പ എന്നത് ആരോഗ്യ വകുപ്പ് ബോധപൂർവ്വം നടത്തുന്ന തട്ടിപ്പാണെന്ന അവകാശവാദവുമായി മോഹനൻ വൈദ്യർ രംഗത്തെത്തിയത്. നിപ്പ വൈറസ് ബാധയുണ്ടായ കോഴിക്കോടിലെ പേരാമ്പ്രയിൽ നിന്ന് ശേഖരിച്ച പഴങ്ങൾ കഴിച്ച് കൊണ്ടായിരുന്നു മോഹനൻ വൈദ്യരുടെ വിഡിയോ.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook

.