കണ്ണൂർ: പാനൂർ കൈവേലിക്കലിൽ സിപിഎം പ്രകടനത്തിനു നേരേ ബോംബേറിഞ്ഞ സംഭവത്തിൽ ഒൻപത് പേരെ അറസ്റ്റ് ചെയ്തു. അറസ്റ്റിലായവരെല്ലാം ആർഎസ്എസ്-ബിജെപി പ്രവർത്തകരാണ്. ആർഎസ്എസ് ബോംബേറിൽ നിരവധി സിപിഐഎം പ്രവർത്തകർക്കും പോലീസുകാർക്കും പരിക്കേറ്റിരുന്നു.
കൈവേലിക്കലിലെ തൈപ്പറമ്പത്ത് ടി.പി.നിജുൽ രാജ് (23), കൈവേലിക്കലിലെ ചാലുപറമ്പത്ത് സി.പി.അക്ഷയ് (20), കൈവേലിക്കലിലെ കല്ലുള്ളപറമ്പത്ത് കെ.പി. നിജീഷ് (24), പാലക്കൂലിലെ മൊട്ടേമ്മൽ കുനിയിൽ പി.കെ.ആഷിക്ക് (20), കെ.സി.മുക്കിലെ കല്ലുള്ള പറമ്പത്ത് അഷിൻ സുരേന്ദ്രൻ (20), കൈവേലിക്കലിലെ ചാലിൽ സി.വൈശാഖ് (24), കൈവേലിക്കലിലെ ചാലുപറമ്പത്ത് സി.പി.നിജീഷ് (22), കൈവേലിക്കലിലെ ചാലുപറമ്പത്ത് സി.പി.നിധിൻ (26), കെ.സി.മുക്കിലെ വില്ലന്‍റവിട റോഷിൻ ലാൽ (22) എന്നിവരാണ് പിടിയിലായിരിക്കുന്നതെന്ന് ‘ദീപിക’ റിപ്പോർട്ട് ചെയ്യുന്നു.
പാനൂർ സിഐയുടെ ചുമതലയുള്ള കൂത്തുപറമ്പ് സികെ പ്രതീഷും സംഘവുമാണ് പ്രതികളെ പിടിച്ചത്. കോടതിയിൽ ഹാജരാക്കിയ പ്രതികളെ രണ്ടാഴ്ചത്തേക്ക് റിമാൻഡ് ചെയ്തു.
ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ
