തിരുവനന്തപുരം: ബന്ധുനിയമന ആരോപണത്തില്‍ മന്ത്രി കെ.ടി ജലീലിനെതിരെ വിജിലന്‍സ് അന്വേഷണമില്ല. യൂത്ത് ലീഗ് നേതാവ് പി.കെ ഫിറോസിന്റെ പരാതിയിൽ തുടര്‍നടപടി ആവശ്യമില്ലെന്ന് വിജിലന്‍സ് തീരുമാനിച്ചു. വിജിലന്‍സ് അന്വേഷണം ആവശ്യമില്ലെന്ന് തന്നെയാണ് സര്‍ക്കാരിന്റെയും നിലപാട്. വിവരാവകാശപ്രകാരം നല്‍കിയ അപേക്ഷയിലാണ് സര്‍ക്കാര്‍ ഇക്കാര്യം അറിയിച്ചത്.

കെ.ടി ജലീലിനെതിരെ ബന്ധുനിയമന കുറ്റം ആരോപിച്ച് പി.കെ ഫിറോസ് നല്‍കിയ പരാതി വിജിലന്‍സ് ബന്ധപ്പെട്ട വകുപ്പിന് അയച്ചിരുന്നു. ഈ പരാതിയിലാണ് വിജിലന്‍സ് അന്വേഷണം ആവശ്യമില്ലെന്ന നിലപാട് വകുപ്പ് സ്വീകരിച്ചിരിക്കുന്നത്.

ജലീലിന്റെ ബന്ധുവായ കെ.ടി അദീബിനെ ന്യൂനപക്ഷ ധനകാര്യ വികസന കോര്‍പ്പറേഷന്റെ തലപ്പത്ത് നിയമിച്ചതാണ് വിവാദങ്ങള്‍ക്ക് കാരണമായത്. മന്ത്രിക്കെതിരെ പലപ്പോഴായി പി.കെ ഫിറോസ് ഗുരുതര ആരോപണങ്ങള്‍ ഉന്നയിക്കുകയും ചെയ്തിരുന്നു. വിവാദങ്ങള്‍ ശക്തമായതോടെ കെ.ടി അദീബ് രാജിവയ്ക്കുകയായിരുന്നു.

Get Malayalam News and latest news update from India and around the world. Stay updated with today's latest Kerala news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ